plaignans, leurs dist ainsi : Seigneurs Gratians, demain parties ouyes, je vous feray droict. Retirez vous en paix, et je retiendray le criminel en seure garde. Cela dict, tous s’en partirent assez mal contens. Alector fut mis ès mains et en garde du capitaine Palatin. Et les autres s’en allarent faire enterrer les mors, entre lesquelz la jadis tresbelle Noemie Gratianne trouvée occise, en dueil universel de toute la cité, fut par ses freres ensevelie au droict du lieu mesme où elle avoit esté tuée, jouxte le soubzbase du perron des Graces, pour les excellentes graces d’esprit et de corps qui en son vivant (outre la fortune) l’avoient anoblie. Et en la pierre du perron fut engravé cest epitaphe :
Que lamenter l’ordre des Graces semble.
Pour d’Alector estre constante amie
ENDEMAIN le Seigneur Diocles, Potentat, & chef de la Iuſtice d’Orbe, ſeant au Tribunal Pretorian en la grade Baſilique, feit ve-