Page:Aldebrandin de Sienne-Le régime du corps, 1911.djvu/256

soient bien cuit avoec char crasse, et entendés ke li ewe où il seront cuit assouage moult le pis et le cervele à chaus qui ont mal et s'en lievent. CAPITELES D'ESCHIERVIES1 F°60d. 5 Eschiervies sont caudes ou tierc degré et sekes ou secont, et de lor nature, norrissent mains que li naviel; et li norrissement qu'i<1> done est gros et malvais, <et fait fait enfler le forcele>2, et fait mal as iex, et as dens, et à le gorge; et entendés qu'ele valt miex por maladies removoir que por santé garllder. 10 15 Car qui les mengue apriès mangier, si fait le viande avaler et alaske3 le ventrail, et fait bien oriner, et brise le pierre des rains et de le vessie, et vaut à chaus qui ont tous de grosses et de moistes humeurs. Et s'ele est mangie à enjun, si n'est pas si covignable à nature d'omme com apriès mangier, ne ne fait pas si enfler, ançois conforte l'estomac por le viande cuire. CAPITELES DES PASNAISES4 20 Pasnaises sont caudes ou secont degré et moistes ou premier, et en i a de .ij. manieres, si com sauvages et domesces, mais li .i. et li autre norrissent pau et grossement, car qui user les weut s'en vient abundance de gros sanc et de malvais, et norrissent mains que li naviel, mais eles font bien oriner et destoupent les voies des rains, et du fie, et de le vesie, et donent talent d'user femme. 25 Et qui user les veut, por le malisse amender, si les faice cuire en .ij. ewes ou en .iij., et les manguit avoec poivre, canele et autres caudes especes. i. B. D. De rais. — Ce chapitre manque dans C. — 2. <> surajouté, d'une écriture postérieure; existe dans B. — 3. On lit: aleiske. — 4. B. pannaises. D. panaises. — Ce chapitre manque dans C.