Page:Aldebrandin de Sienne-Le régime du corps, 1911.djvu/225

DES IEX 5 Li oel1 sont de diverse nature por che qu'il sont fait de diverses coses 2, si com de char, et de niers, et de craisse, <et) d'umeur. Et por cho, convient qu'il aient diverse nature, car li craisse [qui] est caude et moiste, li niers, et les autres coses sont froit et sec3. 10 Et sachiés qu'il se cuisent à le fourciele plus legierement des autres menbres, mais por le craisse qui est mellee, sont pesant et gros et ne se cuisent pas legierement, et por leur malise amender, convient c'on les menguce à saveur de gymgenbre, et de poivre, et de caniele. DES NARINES ET DES ORELLES po5°c. Narines et oreilles sont froides et seches 4, et se cuisent mal à l'es- tomac et dounent petit et malvais nourissement. Mais eles confortent l'appétit || ki les mengue au vin aigre ou à le mostarde. 15 DE LA LANGUE 20 La langue5 est faite de diverse matere, si com de char et de niers, et por ce, est se nature meslee entre caut et froit, mais ele se tient plus en froidure k'en caleur; et ki le mengue à saveur de poivre, et de caniele, et de gyngembre, et de vin aigre et de samblans especes, si a nature de conforter et norrist bien; et s'ele est salee si doune appetit de mengier. I.B.ouueil.C.iex. — 2. coleurs. — 3. B. ajoute: « mais vous entendrés gene- raument ke ouueil de crasse beste sont froit et moiste, de magre sont froit et sech. » — 4. B. C. ajoutent: « de lor nature ». — 5. C. lange.