Cette page a été validée par deux contributeurs.
De tenier pie ſeſt grant folie
De fouyr eſt groſſe ſageſſe
Se lon me treuue a la preſſe
Ie ſuys content deſtre tondu.
Harenc ſoret.
Qui ſera pris ſera pendu
Hault & court il en eſt certain.
Talhebudin.
Ie me traualhe yci en vain
Iay de coups par ma recompence
Souent celluy qui gaigner pence
Eſt deſconfit dont eſt mellieur
Sen fuyr que ſuyure malheurt
Ognions.
Rends toy rends toy
Il ny a ordre
Carmentrant.
Helas helas or me fault rendre
Non par droict amis ſeſt par force
Talhebudin.
Pluſtouſt men yray en eſcoſſe
Que de morir a mon eſſien
Tu as diſſipe tant de bien
Mais maintenant la chepteras.
Archiepot.
Iay laiſſe vng iambon bien gras
Et ſuys bleſſe dont me deſplait
Ie trouue le cas trop layt
Se fere tuer par aultruy
Lechiefroye.
Deulx ie fuys eſchappemeſhuy
