LIX. Se nos avons deſſaiſiz & eſſoigniez les Walais de terre & de franchiſes, o daltres choſes ſenz leal jugement de lor pers en Engleterre, o en Wales, maintenant lor ſeient rendues, & ſe plaiz en ſera comanciez ſelor en ſeit feit en la Marche par jugement de lor peres des tenemenz d’Engleterre ſolonc la lei d’Engleterre, des tenemenz de Wales ſolonc la lei de Wales, des tenemenz de la Marche ſolonc de lei de la Marche, & ce meiſmes facent li Walais a nos & as noz.
LX. De totes celes choſes dont alcuns des Walaix fu deſſaiſiz, o eſſoignie ſenz leal jugement de ſes pers par le Rei Henri noſtre pere, o par le Rei Richart noſtre frere, que nos avons en noſtre main, o altre tienent cui il nos covient garantir, aurons reſpit juſqual commun terme des croiſiez, fors de celes choſes dont plaiſt fu commenciez o enqueſte faite par noſtre commandement devant que nous priſſions la croiz, & quant nos ſerons repairiez o ſe par aventure remanons de noſtre pelerinage maintenant lor enfrons pleine dreiture ſolonc les lez de Wales, & les devant dites parties.
