mains des prochans parens et de ſes amis par la veue de ſeinte igliſe, ſaves les dettes a chaſcum que le mort lor devoit.
XXXI. Nus de nos coneſtables ne de nos altres bailliz ne pregne les bles, ne les altres chatels daucun, ſe maintenant nen paie les deniers, ſil nen puet aver reſpit par volente del vendeor.
XXXII. Nus coneſtables ne deſtreigne nul chevalier a doner deniers pour la garde del chaſtel, ſil lavoit faite en ſa propre perſone u par altre prodome ſil ne la puet faire par aucune reignable achaiſun[1], & ſe nos le menons o enveions en oſt, il fera quites dicele garde tant dis cum il ſera par nos enloſt.
XXXIII. Nus viſcountes ne noſtre bailliz ne altre ne pregne les chevals ne les charettes daucun franc home, pour faire cariage, fors par la volente de cel franc home.
- ↑ Id eſt, raiſonable occaſion.
