IV. Si le eirs d’aucun di tels ſera dedens aage, et ſera en garde; quand il ſera parbenu a aage ait ſon heritage ſans relief et ſans fin.
V. Les gardeors de la terree de tel eir qui ſera dedens aage ne pregne de la terre de leir fors reignables, eiſſues et reignables coſtumes, et reignables ſervices, et ce ſenz deſtruiement, et ſenz vaſt des homes et des choſes.
VI. Et ſe nos avons livree la garde de la terre daucun itel a viſconte o a acune altre qui nos dei reſpondre des eiſſues de la terre, et cil de la garde fera deſtruiement o gaſt, nos prendrons de celui amende, et la terre ſera livree a deus leals prodeſhomes de cel fei qui reſpoignent des eiſſues a nos, o celui que noz comanderons.
VII. Et ſe nos avons done o vendu a aucun la garde de la terre de aucun itel, et cil enfra deſtruiement o waſt par de cele garde, et ſeit livre a deus leials ſage prodeſhomes et dicele que i nous reſpoignent, ſi come nos avons devant dit.
