grant & par plus neceſſaire as ygliſes de Engleterre, devant que la deſcorde fuſt commencie entre nos & nos barons, & la confirmames par noſtre chartre et parchacames que ele fu confirmee par noſtre ſeignor lapoſtoire Innocent le tiers, laquelle nos garderons et volons que noſtre eir la gardent toz jorz en bone fei.
III. Nos avon encore otrie a toz lez francs homes de noſtre rene pur nos, et pur nos eirs a toz iarz totes les franchiſes qui de ſoz ſunt eſcrites, quil les aient et les tiegnent il et lor eir de nos et de nos eirs, ſe acuns de nos contes, vo de nos barons, vo des altres qui tienent de nos en chief par ſerviſe de chavalier mora, et quant il ſera mors et ſes eirs ſera de plein aage et devra relief, ait ſon heritage par l’ancien relief, co eſt a ſavier li rie, ou li eir del conte, de baronie contal entiere par C. livres li eirs ou li eir del baron de la barone par C. libres : li eirs ou li eir de chavalier de fie de chevalier entier par C. ſol au plus, et qui meins devra meins doinſt ſolon lanciene coſtume del fie.
