Furent presens en leurs personnes Claude Irson Me d escolle a Paris y demeurant rue de la Harpe parro[isse] St Severin majeur fils de deffunct Jean Irson vivant marchand et bourgeois de la ville de Ribemont pres St Quantin en Picardie et de de Barbe Gosset ses pere et mere pour luy et en son nom d une part, Anne Mareschal vefve de deffunct Jean Delarue vivant Me potier d estain a Paris pour elle et en son nom d autre part, Lesquelles parties en la presence et du consentement de leurs parens et amis cy apres nommez pour ce assemblés de part et d autre scavoir de la part dud[it] Claude Irson de noble homme Guillaume Santeuil advocat en parlement amy, Me Denis Dujardin prebstre habitué en l eglize St Jacques de la Bouscherie aussy amy, de la part de lad[ite] future espouse noble homme Denis Pasquier con[seill]er du Roy et con[trol]eur g[e]n[er]al au grenier a sel de Paris amy, et Me Pierre Guerin prebstre habitué en l eglise St Leu St Gilles a Paris aussy amy [4 lignes rayées avec un renvoi] tous a ce presens et comparans recognurent et confesserent avoir faict et accordé entre eulx les traictez de mariage dons douaires conventions et choses qui ensuivent c est assavoir que lesd[its] Irson et Anne Mareschal se sont promis et promettent prendre l un l autre par nom et loy de mariage et icelluy faire et solempniser en face de nostre mere saincte eglise dans le plus bref temps que faire ce poura et quil sera advisé et délibéré entre eulx leurs [Sieurs?] parens et amis sy Dieu et saincte eglise sy consent et accordent pour estre iceulx futurs espoux ungs et commungs en tous biens meubles et conquestz immeubles suivant et au désir de la coustume de laditte ville prevosté et viconté de Paris, ne seront neantmoings tenus des debtes et ypotecques l un de l autre faictes et
