Loys, Par la grace de Dieu, Roy de France et de Navarre, a nos aimez et feaux, Conseillers, les gens tenans Nostre Cour du Parlement de Paris, Prevost du dit lieu ou son Lieutenant, Seneschaux de Lyon, Poictou, Beaucaire et Nismes, Tholose, Carcassonne, Champagne, Anjou, le Maine, Gouveneur de Mont-Pellier, et a tous nos autres justiciers, Officiers et subjects qu’il appartiendra, Salut. Nostre cher et bien amé FRANÇOIS MENARD, Docteur ès droict et Advocat en nostre Cour de Parlement de Tholose, et du Presidial de Nismes, Nous a fait dire et remontrer qu’avec grands peines veilles et travaux, il a composé quelques Elegies, Pastoralles et Amours de Cleande, en vers françois, qu’il desire donner au public : Mais parceque l’incuriosité d’aucuns Imprimeurs gaste et corrompt souvent le labeur de ceux qui donnent une partie de leurs veilles et etudes au jour, il craint que ces vers courent ceste infortune, pour eviter laquelle, il a recours à nous, à ce que nostre bon plaisir soit de luy vouloir octroyer nos Lettres necessaires pour pouvoir faire imprimer seul ces œuvres, et faire deffences à tous Imprimeurs et Libraires d’imprimer ny vendre icelles sans son vouloir et consente-
