30 FRANÇOIS VILLON
comme ici. Villon tira très habilement parti des trois sur- noms qu'il possédait et sous lesquels il était connu à Paris
Charles VII et une partie de son Conseil furent « au dict lieu de Sainct Poursain tout l'hyver » de l'année 1455. Cf. Théodore Godefroy, His- toire d'Artus III, duc de Bretagne et connestabh de France (Paris, 1622, in-40), p. 155.
(( Charles, par la grâce de Dieu roy de France. Savoir faisons a tous presens et advenir. Nous avoir receu l'umble supplicacion de Françoys de Monterbier, maistre es ars, contenant : que le jour de la Feste Dieu derrenierement passée, a heure de neuf heures de soir ou environ, luy estant en la grant rue Saint Jaques, a Paris, devant l'église Saint Benoist et dessoubz le cadren de l'orloge d'icelle église, acompaignié d'un nommé Gilles et d'une femme nommée Ysabeau, ou ilz devisoient après soupper, seurvint ung nommé Phelippe Sermoise, prebstre, acompaignié d'un nommé maistre Jehan le Merdi, lesquelz ledit suppliant requist et pria de seoir empres eulx et leur offry place. Auquel suppliant, ledit Phelippe Sermoise, meu de mauvais courage en détestant Dieu, dist et profera ses parolles : « Maistre Françoys, je vous ay trouvé, créés que je vous courrouceray. » Et, non obstant, ledit suppliant non esmeu luy demanda s'il se courrouçoit, en luy présentant de recef lieu a soy seoir et luy disant : « Monsieur messire Phelippe, vous courroucez vous ? Vous tien je tort? Que me voulez vous? Je ne vous cuide en riens avoir mesfait. )> Et en descendant jusques a la porte du cloistre dudit saint Benoist, ledit Phelippe Sermoise voulant acomplir sa dampnable voulenté, tira une dague de dessoubz sa robe et en baillia par le visage dudit suppliant, tellement qu'il luy trancha la baulievre du visage en grant effusion de sang. Et, ce voyant, ceulx qui estoient en leur compa- gnie se absentèrent, et demeurèrent lesdits suppliant et Sermoise tous seulz, et a cette occasion ledit suppliant soy voyant blecé en grant effu- sion de sang, appercevant la mauvaise voulenté dudit Phehppe, voulant obvier a icelle, tira une dague qu'il avoit soubz ung petit mante) et en baillia audit Sermoise environ l'ayne bien avant, combien que ledit sup- pliant ne le cuidast point avoir frapé . Neantmoins, persévérant l'ung contre l'autre, seurvint ledit maistre Jehan Merdi et voyant ledit sup- pliant avoir mys sa dague en sa main gauche et tenir une pierre en la droite, s'efforça de prendre ladite dague dudit suppliant, lequel, soy veant dessaisy et ledit Phehppe le poursuir, luy geta ladite pierre au visaige, tellement qu'il cheut a terre. Et lors incontinent se absenta ledit sup-
�� �
