May de l’an present 1628.) Maistre Jehan Fillesac, lequel feit faire lecture par le grand Bedeau de la Faculté, d’iceluy Code ou Recueil de Statuts : et estant venu à l’article, où est couché le Formulaire de la Protestation que doit faire chascun des Bacheliers, faisant ses actes en Theologie, au commencement de chascun des actes, en ces termes « …Avant toutes choses je proteste que je n’entends dire aulcune chose, qui soit contraire ou discordant à la saincte Escriture, ou aux definitions des sacrez Conciles, ou aux determinations de la sacrée Faculté de Theologie, ma mere, ausquelles j’adhere et entends tousjours adherer ; quelques docteurs, là présents, feirent instance à ce qu’on adjoustast une clause pro decretis Pontificum, pour les decrets des souverains Pontifes.
Ce qu’ayant esté instamment requis par iceux Docteurs, disants l’avoir ainsi practiqué en leurs actes, Maistre Jehan Fillesac remonstra que ceste addition n’estoit recevable d’autant que c’estoit tacitement et en effect advouer et approuver la Bulle extravagante de Boniface VIII. commençant Unam Sanctam, sur laquelle Sanctarel et ses Associez fondent principalement leur doctrine de déposer les Rois et disposer de leurs Royaumes, et deslier leurs subjects du serment de fidelité.
p. 44. La seconde responce, qui est faicte à ces additionnaires sur leur prétendu usage, est que qui que ce soit, Bachelier ou aultre, n’a jamais veu par escrit, aultre Formulaire de ceste Protestation, pour l’observer, que celuy contenu en cet Acte de 1508. tellement que si quelques uns en le faisant selon leur fantasie, y ont quelques fois meslé et adjousté decreta summoram Pontificum, les décrets des souverains Pontifes, ce sont Mandiants, pour la raison que chacun sçait : Et si quelques séculiers les y ont aussi quelques fois adjoustez, ce n’a esté que par inadvertance, n’ayant veu ce Formulaire : ou par imitations de quelques uns des Mandiants.
p. 46. Voire mesme quand ainsi seroit, que non, que dans ce Formulaire de Protestations, l’on auroit glissé de long temps ces termes, de decretis summorum Pontificum ; il est
