character semel sumptus, penultimus verò ter (de cæteris non euro quales sint, zero enim sortiuntur) efficiunt numerum divisibilem per 9, dividi quoque per 9, induodenariâ progressione.
Sic in hac progressione duodenariâ omnes numeri quorum singuli characteres simul sumpti efficiunt numerum divisibilem per 11, sunt et divisibiles per eumdem.
In nostrâ vero progressione denariâ, contingit omnes numeros divisibiles per 11, ita se habere, ut ultimus semel sumptus, penultimus decies, præcedens semel, præcedens decies, præcedens semel, præcedens decies, et sic in infinitum, conflare numerum multiplicem 11.
Hæc et alla facili studio, ex istâ methodo, quisque colliget ; tetigimus quidem quoniam intentata placent, relinquimus vero ne nimia perscrutatio tædium pariat.
