« Sit FG parallela ipsi AC, sive concurrens in puncto infinite absenti[1] C : erit sectio parabola.
« Nota : Hac optica tegendi consideratione, si quis de circulo aut in circulo inveniat theorema singulare, statim ei respondens igitur in cæteris sectionibus, ope hujus considerationis, habebis ; et problemata quoque solvebis, verbi gratia tangentes ducere &c.
« Omnis in Geometricis ope situs inveniendi ratio, ideoque sine calculo, in eo constat ut plura simul eodem situ complectamur ; quod fit, tum ope figuræ cujusdam plures includentis, ubi usus solidorum patet ; tum ope motus, sive mutationis. Porro, ex motibus et mutationibus, utilissime videtur adhiberi mutatio apparentiæ, seu optica figurarum transformatio ; videndum an ejus ope possimus ultra conum ad altiora quoque assurgere.
« Duæ verticales quibus parallelum Hyperbolæ planum, determinant asymptotos. Homosecantes sunt, quæ curvam in uno puncto secant.
« Ellipsin antobolam vocat quia in se recurrit ; parabolam concipit velut Ellipsin infinite ab hinc in se recurrentem. Hyperbola re vera non una linea curva in se rediens, sed duæ.
HK Ellipsis vel Antobola.
FG Parabola.
RD Hyperbola[2].