Lis Isclo d’Or/À Ludòvi Legré

Frédéric Mistral

À Ludòvi Legré

Lis Isclo d’Or, J. Roumanille, 1876 (p. 398).

XII

A LUDOVI LEGRÉ

L’amour es uno flamo ;
La flamado fai lume ;
Lou lume es la courouno
Que porto la bèuta.

Sus lou front de ta damo,
Quouro, ami, que s’embrume
L’aire que t’envirouno,
Cerco dounc la clarta.

L’amour, ami Ludòvi,
Retrais à la pradello
Que lou tai endrudis :

Bèu, amourous e nòvi,
Segas la cabridello,
Aro que s’espandis.

1863.