Les oracles de Michel de Nostredame/Tome 2/Partie 2/Section I/Centurie IV
CENTVRIE IV
I.
Cela du reste de sang non espandu,
Venise quiert secours estre donné.
Apres auoir bien loing[1] têps attendu,
Cité liuree au premier cornet sonné.
II.
Par mort la France prendra voyage à faire,
Classe par mer, marcher monts Pyrenees.
Espaigne en trouble, marcher gent militaire :
Des plus grands Dames en France emmenees.
III.
D’Arras & Bourges, de Brodes grans enseignes,
Vn plus grand nombre de Gascons battre à pied,
Ceux long du Rosne saigneront les Espaignes :
Proche du mont où Sagonte s’assied.
IV.
L’impotent prince faché plaincts & querelles.
De rapts & pillé[2], par coqz[3] & par Libiques :
Grands est par terre par mer infinies voilles,
Seule Italie sera chassant Celtiques.
V.
Croix, paix, soubs vn accomply diuin verbe,
L’Espaigne & Gaule seront vnis ensemble :
Grand clade proche, & combat tres accerbe,
Cœur si hardy ne sera qui ne tremble.
VI.
D’habits nouueaux apres faicte la treuue,
Malice tramme & machination :
Premier mourra qui en fera la preuue,
Couleur venise insidiation.
VII.
Le mineur fils du grand & hay Prince,
De lepre aura à vingt ans grande tache,
De dueil sa mere mourra bien triste & mince,
Et il mourra là où tombe cher lache[4].
VIII.
La grand cité d’assaut prompt & repentin,
Surprins de nuict, garaes interrompus :
Les excubies & veilles sainct Quintin,
Trucidez gardes & les portails rompus.
IX.
Le chef du camp au milieu de la presse :
D’vn coup de fleche sera blessé aux cuisses,
Lors que Geneue en larmes & detresse,
Sera trahie par Lauzan[5], & Souysses.
X.
Le ieune Prince accusé faussement,
Mettra en trouble le camp & en querelles[6] :
Meurtry le chef pour le soustenement,
Sceptre appaiser : puis guérir escroüelles.
XI.
Celuy qu’aura[7] gouuert de la grand cappe,
Sera induict à quelques[8] cas patrer :
Les douze rouges viendront soüiller la nappa[9],
Soubz meurtre, meurtre se viendra perpetrer.
XII
Le champ[10] plus grand de route mis en fuite,
Guaires plus outre ne sera pourchassé :
Ost recampé & legion reduicte,
Puis hors des Gaules du tout sera chassé.
XIII.
De plus grand perte nouuelles rapportees,
Le raport le camp s’estournera.
Ban les vnies encontre reuoltees.
Double phalange quand abandonnera[11].
XIV.
La mort subite du premier personnage
Aura changé & mis vn autre au regne :
Tost, tard venu à si haut & bas aage,
Que terre & mer faudra que on le craigne.
XV.
D’où pensera faire venir famine,
De là viendra se[12] rassasiement :
L’œil de la mer par auare canine
Pour de l’vn l’autre donra huyle, froment.
XVI.
La cité franche de liberté fait serue,
Des profligez & resueurs faict asyle.
Le Roy changé à eux non si proterue :
De cent seront deuenus plus de mille.
XVII.
Changer à Banne[13], Nuy[14], Chalons, & Dijon,
Le duc voulant amander la Barree
Marchât pres fleuue, poisson, bec de plongeon
Verra la queüe : porte sera serree.
XVIII.
Des plus lettrez dessus les faits celestes
Seront par princes ignorans reprouuez :
Punis d’Edit, chassez, comme scelestes,
Et mis à mort là où seront trouuez.
XIX.
Deuant Roüan d’Insubres mis le siege,
Par terre & mer enfermez les passages :
D’haynaut, & Flâdres de Gâd & ceux de Liege,
Par dons lænees rauiront les riuages.
XX.
Paix vberté long temps lieu loüera :
Par tout son regne de sert[15] la fleur de lys :
Corps morts d’eau, terre là l’on aportera,
Sperans vain heur d’estre là enseuelis.
XXI.
Le changement sera fort difficile.
Cité, prouince au change gain fera :
Cœur haut, prudent mis, chassé luy habile,
Mer, terre, peuple son estat changera.
XXII.
La grand copie qui sera deschassee,
Dans vn moment fera besoing au Roy.
La foy promise de loing sera faussee,
Nud se verra en piteux desarroy.
XXIII.
La legion dans la marine classe,
Calcine, Magnes soulphre, & poix bruslera :
Le long repos de l’asseuree place,
Port Selyn, Hercle feu les consumera.
XXIV.
Ouy soubs terre saincte Dame voix fainte,
Humaine flamme pour diuine voir luire :
Fera des seuls de leur sang terre tainte,
Et les saincts temples pour les impurs destruire.
XXV.
Corps sublimes sans fin à l’œil visibles,
Ob nubiler[16] viendront par ces raisons :
Corps, front comprins, sens chefs[17] & inuisibles,
Diminuant les sacrees oraisons.
XXVI.
Lou grand eyssame se leuera d’abelhos,
Que non salutan[18] don te siegen venguddos.
Denuech l’êbousq[19], lou gach dessous les[20] treilhos
Ciutad trahido per cinq lengos non nudos[21].
XXVII.
Salon, Mansol, Tarascon de Sex, l’are[22],
Où est debout encor la piramide :
Viendront liurer le Prince Dannemarc,
Rachat honny au temple d’Artemide.
XXVIII.
Lors que Venus du Sol sera couuert,
Soubs l’esplendeur sera forme occulte :
Mercure au feu les aura descouuert,
Par bruit bellique sera mis à l’insulte.
XXIX.
Le Sol caché eclipse par Mercure,
Ne sera mis que pour le ciel second :
De Vulcan Hermes sera faicte pasture,
Sol sera veu peur[23], rutiland & blond.
XXX.
Plus unze[24] fois Luna Sol ne vouldra,
Tous augmenté & baissez de degrez :
Et si bas mis que peu[25] or on coudra,
Qu’apres faim peste, descouuert le secret.
XXXI.
La Lune au plain de nuict sur le haut mont,
Le nouueau sophe d’vn seul cerueau la[26] veu :
Par ses disciples estre immortel semond,
Yeux au mydi, en seins mains corps au feu.
XXXII.
Es lieux & temps chair ou[27] poisson donra lieu,
La loy commune sera faicte au contraire :
Vieux tiendra fort puis osté du milieu,
Le Panta chiona philon mis fort arriere.
XXXIII.
Iupiter ioinct plus Venus qu’à la Lune,
Apparoissant de plenitude blanche :
Venus cachee sous la blancheur Neptune
De Mars frappee & par[28] la grauee blanche.
XXXIV.
Le grand mené captif d’estrange terre,
D’or enchainé au Roy Chyren offert :
Qui dans Ausone, Milan perdra la guerre,
Et tout son ost mis à feu & à fer.
XXXV.
Le feu esteint les vierges trahiront
La plus grand part de la bande nouuelle :
Foudre à fer[29], lance les sels Roy[30] garderont
Etrusque & Corse, de nuict gorge allumelle.
XXXVI.
Les ieux[31] nouueaux en Gaule redressez,
Apres victoire de l’Insubre champaigne :
Monts d’Esperie, les grands liez, troussez :
De peur trembler la Romaigne & l’Espaigne.
XXXVII.
Gaulois par sauts, monts viendra penetrer :
Occupera le grand lieu de l’Insubre :
Au plus profond son ost fera entrer,
Gennes, Monech pousseront[32] classe rubre.
XXXVIII.
Pendant que Duc, Roy, Royne occupera,
Chef Bizant du captif[33] en Samothrace :
Auant l’assauit[34] l’un l’autre mangera,
Rebours ferré suyura du sang la trace.
XXXIX.
Les Rhodiens demanderont secours,
Par le neglet[35] de ses hoirs délaissee.
L’empire Arabe reuelera[36] son cours,
Par Hesperies la cause redressee.
XL.
Les forteresses des assiegez serrez,
Par poudre à feu profondez en abysmes
Les proditeurs seront tous vifs serrez,
Onc aux sacristes n’aduint si piteux scisme.
XLI.
Gymnique sexe captiue par hostage,
Viendra de nuit custodes deceuoir :
Le chef du camp deçeu par son langage,
Lairra à la gente, fera piteux à voir.
XLII.
Geneue & Lâgres par ceux de Chartres & Dole,
Et par Grenoble captif au Montlimard :
Seysset[37], Lausanne, par fraudulente dole,
Les trahiront par[38] or soixante marc.
XLIII.
Seront ouye au ciel armes[39] battre,
Celuy au mesme les diuins ennemis :
Voudront loix sainctes iniustemeuit debatre :
Par foudre & guerre bien croyans à mort mis.
XLIV.
Deux gros de Mende, de Roudés & Milhau.
Cahours, Lymoges, Castres malo sepmano
De nuech l’intrado, de Bourdeaux vn cailhau,
Par Perigort au toc de la campano[40].
XLV.
Par conflict Roy, regne abandonnera,
Le plus grand chef faillira au besoing,
Mors profligez peu en reschapera,
Tous destranchés, vn en sera tesmoing.
XLVI.
Bien deffendu le faict par excellence,
Garde toy Tours de ta proche ruine :
Londres & Nantes par Reims fera deffense
Ne passe outre au temps de la bruine.
XLVII.
Le noir farouche quand aura essayé
Sa main sanguine par feu, fer arcs tendus,
Trestous le peuple sera tant effrayé,
Voir les plus grans par col & pieds pendus.
XLVIII.
Planure Ausonne fertile, spacieuse,
Produira taons si tant de sauterelles :
Clarté solaire deuiendra nubileuse,
Ronger le tout, grand peste venir d’elles.
XLIX.
Deuant le peuple sang sera respandu,
Que du haut ciel viendra[41] esloigner.
Mais d’vn long temps ne sera entendu,
L’esprit d’vn seul le viendra tesmoigner.
L.
Libra verra regner les Hesperies,
De ciel &[42] tenir la monarchie :
D’Asie forces nul ne verra peries,
Que sept ne tiennent par rang la hierarchie.
LI.
Vn Duc cupide son ennemy ensuyure,
Dans entrera empeschant la phalange,
Hastez à pied si pres viendront poursuyure,
Que la iournee conflite[43] pres de Gange.
LII.
En cité obsesse aux murs hommes & femmes,
Ennemis hors le chef prest à soy rendre :
Vent sera fort encore[44] les gendarmes.
Chassez seront par chaux, poussiere, & cendre.
LIII.
Les fugitifs & bannis reuoquez,
Peres & fils grand garnissant les hauts puis[45]
Le cruel pere & les siens souffoquez,
Son fils pire[46] submergé dans le puits.
LIV.
Du nom qui onque ne fut au Roy Gaulois
Iamais ne fut vn foudre si craintif.
Tremblant l’Italie, l’Espagne & les Anglois,
De femme estrangiers grandement attentif.
LV.
Quand la corneille sur tout[47] de brique ioincte,
Durant sept heures ne fera que crier :
Mort presagee de sang statue taincte,
Tyran meurtri, aux Dieux peuple prier.
LVI.
Apres victoire de rabieuse langue,
L’esprit tempré[48] en tranquil & repos :
Victeur sanguin par[49] conflict faict harangue,
Roustir la langue & la chair & les os.
LVII.
Ignare enuie au grand Roy supportee,
Tiendras propos deffendre les escripts.
Sa femme non femme par vn autre tentee,
Plus double deux ne fort ne criz.
LVIII.
Solœil ardent dans le grosier[50] coller,
De sang humain arrouser terre Etrusque :
Chef seille d’eau, mener son fils filer,
Captiue dame conduicte terre[51] Turque.
LIX.
Deux assiégez en ardente ferueur :
Ce[52] soif estaincts pour deux plaines tasses
Le fort limé, & vn vieillart resueur,
Aux Genevois de Nira monstra trasse.
LX.
Les sept enfans en hostaine[53] laissez,
Le tiers viendra son enfant trucider :
Deux par son fils seront d’estoc percez.
Genues[54], Florence, les viendra enconder.
LXI.
Le vieux mocqué priué[55] de sa place,
Par l’estranger qui le subornera :
Mains de son fils mangees deuant sa face,
Le frere à Chartres, Orl[56] Roüan trahira.
LXII.
Vn coronel machine[57] ambition,
Se saisira de la grande[58] armee,
Contre son Prince fainte inuention,
Et descouuert sera soubs sa ramee.
LXIII.
L’armee Celtique contre les montaignars,
Qui seront sçeuz & prins à la pipee :
Paysans frez pouseront rost[59] faugnars,
Precipitez tous au fils[60] de l’espee.
LXIV.
Le deffaillant en habit de bourgeois,
Viendra le Roy tenter de son offense :
Quinze soldats la pluspart Vstagois,
Vie derniere & chef de sa cheuance.
LXV.
Au deserteur de la grande forteresse,
Apres qu’aura[61] son lieu abandonné,
Son aduersaire fera grand proüesse,
L’empereur tost mort sera condamné.
LXVI.
Sous couleur fainte de sept testes rasces[62],
Seront semez diuers explorateurs :
Puys[63] & fontaines de poisons arrousees,
Au fort de Gennes humains deuorateurs.
LXVII.
Lors[64] que Saturne & Mars esgaux combust,
L’air fort seiche longue traiection :
Par feux secrets, d’ardeur grand lieu adust,
Peu pluye, vent chaut, guerres, incursions.
LXVIII.
En lieu[65] bien proche non esloigné de Venus.
Les deux plus grands de l’Asie & d’Aphrique,
Du Ryn & Hister qu’on dira sont venus,
Cris pleurs à Malte & costé Ligustique.
LXIX.
La cité grande les exilez tiendront[66],
Les citadins morts, meurtris & chassez :
Ceux d’Aquilee à Parme promettront,
Monstrer l’entree par les lieux non trassez[67].
LXX.
Bien contigue des grands monts Pyrenees,
Vn contre l’Aigle grand copie addresser :
Ouuertes veines, forces exterminees,
Que iusqu’à Paulle[68] chef viendra chasser.
LXXI.
En lieu d’espouse les filles trucidées,
Meurtre à grand faute ne fera[69] super stile :
Dedans se puys vestu les inondées[70],
L’espouse estainte par haute[71] d’Aconile.
LXXII.
Les Attomiques[72] par Agen & l’Estore[73],
A sainct Felix feront leur parlement :
Ceux de Basas viendront à la mal’ heure,
Saisir Condon & Marsan[74] promptement.
LXXIII.
Le nepueu grand par force prouuera
Le pache fait du cœur pusillanime :
Ferrare & Ast[75] le Duc esprouuera,
Par lors qu’au soir sera le pantomime
LXXIV.
Du lac Leman & ceux de Brannonices :
Tous assemblez contre ceux d’Aquitaine :
Germains beaucoup encore plus Souisses,
Seront desfaicts auec ceux d’Humaine[76].
LXXV.
Prest à combattre fera defection,
Chef aduersaire obtiendra la victoire :
L’arriere garde fera defension.
Les defaillans mort au blanc territoire.
LXXVI.
Les Nibobriges[77] par eeux[78] de Perigort,
Seront vexez, tenant iusques au Rosne :
L’associé de Gascons & Begorne[79],
Trahir le temple, le prestre estant au prosne :
LXXVII.
Selin monarque l’Italie pacifique,
Regnes vnis par Roy Chrestien du monde :
Mourant voudra coucher en terre blesique,
Apres pyrates auoir chassé de l’onde[80].
LXXVIII.
La grand’ armée de la pugne ciuile,
Pour de nuict Parme à l’estrange trouuee,
Septante neuf meurtris dedans la ville,
Les estrangers passez tout[81] à l’espee.
LXXIX.
Sang Royal fuis, Monhuit, Mas, Esguillon[82],
Remplis seront de Bourdelois les Landes,
Nauuarre, Bygorre poinctes & eguillons,
Profonds[83] de faim vorer de Liege glandes.
LXXX.
Pres du grand fleuue grand fosse terre egeste,
En quinze pars sera l’eau diuisee :
La cité prinse, feu, sang cris conflict mettre[84].
Et la pluspart concerne[85] au collisee.
LXXXI.
Pont on fera promptement de nacelles,
Passer l’armee du grand Prince Belgique :
Dans profondez & non loing de Brucelles,
Outre passez, detranchez sept à[86] picque.
LXXXII.
Amas s’approche venant d’Esclauonie,
L’Olestant vieux cité ruynera :
Fort desolee verra sa Romanie,
Puis la grande flamme esteindre ne sçaura.
LXXXIII.
Combat nocturne le vaillant capitaine,
Vaincu fuyra peu de gens profligé :
Son peuple esmeu, sedition non vaine.
Son propre fils le tiendra assiegé.
LXXXIV.
Vn grand d’Auxerre mourra bien miserable.
Chassé de ceux qui sous luy ont esté :
Serré de chaines, après d’vn rude cable,
En Tan que Mars, Venus & Sol mis[87] en esté.
LXXXV.
Le charbon blanc du noir sera chassé,
Prisonnier faict mené au tombereau,
More Chameau sur pieds entrelassez,
Lors le puisné sillera[88] l’aubereau.
LXXXVI.
L’an que Saturne en eau sera conioinct.
Avecques Sol, le Roy fort puissant[89],
A Reims & Aix sera receu & oingt,
Apres conquestes meurtrira innocens.
LXXXVII.
Vn fils du Roy tant de langues apprins,
A son aisné au regne different :
Son pere beau au plus grand fils comprins,
Fera perir principal adherant.
LXXXVIII.
Le grand Antoine de[90] nom de faict sordide
De Phthyriaise à son dernier rongé :
Vn qui de plomb voudra estre cupide,
Passant le port d’esleu sera plongé.
LXXXIX.
Trente de Londres secret coniureront,
Contre leur Roy, sur le pont l’entreprise :
Leuy, satalites là mort de gousteront[91],
Vn Roy esleut[92] blonde, natif de Frize.
XC.
Les deux copies aux mers[93] ne pourrôt ioindre,
Dans cest instan trembler Misan[94], Ticin :
Faim, soif, doutance si fort les viendra poindre
Chair, pain, ne[95] viures n’auront vn seul boucin.
XCI.
Au Duc Gaulois contrainct battre au duelle,
La nef Mellele monech n’approchera.
Tort accusé, prison perpetuelle,
Son fils regner auant mort taschera.
XCII.
Teste tranchee du vaillant capitaine,
Seza[96] iettee deuant son aduersaire :
Son corps pendu de la classe à Tancienne[97]
Confus fuira par rames à vent contraire.
XCIII.
Vn serpent veu proche du lict royal,
Sera par dame nuict chiens n’abayeront ;
Lors naistre en France vn Prince tant royal,
Du[98] ciel venu tous les Princes verront.
XCIV.
Deux grands freres seront chassez d’Espaigne,
L’aisne vaincu sous les mons Pyrenees :
Rougir mer, Rosne, sang Lemand[99] d’Alemaigne,
Narbon[100], Blyterre, d’Agth[101] contaminees.
XCV.
Le regne à deux l’aisse[102] bien peu tiendront,
Trois ans sept mois passez feront la guere
Les deux Vestales contre rebelleront,
Victor puisnay en Armenique[103] terre.
XCVI.
La sœur aisnee de l’Isle Britannique
Quinze ans deuant le frere aura naissance,
Par son promis moyennant verrifique,
Succedera au regne de balance.
XCVII.
L’an que Mercure, Mars, Venus retrograde,
Du grand Monarque la ligne ne faillir :
Esleu du peuple l’vsitant[104] pres de Gaudole[105].
Qu’en[106] paix & regne viendra fort enuieillir.
XCVIII.
Les Albanois passeront dedans Rome,
Moyennan Langres demipler affublez.
Marquis & Duc ne pardonnes à homme,
Feu, sang, morbiles point d’eau faillir les bleds.
XCIX.
Laisné[107] vaillant de la fille du Roy,
Respoussera si profond les Celtiques,
Qu’il mettra foudres, combien en tel arroy
Peu & loing, puis profond és Hesperiques.
C.
- ↑ Variante : long.
- ↑ Lisez : pille.
- ↑ Variante ; coq.
- ↑ Lisez : chef lasche.
- ↑ Lausanne.
- ↑ Construisez : mettra le camp en trouble et en querelles.
- ↑ Construisez : celui qui aura.
- ↑ Variante : quelque.
- ↑ Variante : nappe.
- ↑ Variante : camp.
- ↑
Variante :
De plus grand perte nouvelles rapportées,
Le raport fait, le camp s’estonnera :
Bandes unies encontre révoltées,
Double phalange grand abandonnera. - ↑ Variante : le.
- ↑ Variante : Beaune.
- ↑ Nuits.
- ↑ Variante : desert.
- ↑ Variante : Obnubiler.
- ↑ Variante : sens chief ; lisez : sans chef.
- ↑ Variante : sauran.
- ↑ Variante : De nuech, l’embousque.
- ↑ Variante : las.
- ↑ Traduction :
Le grand essaim se lèvera d’abeilles.
Qu’on ne saura d’où elles seront venues ;
De nuit l’embûche : le geai sous les Treilhes ;
Ville livrée par cinq langues non nues. - ↑ Variante : l’arc.
- ↑ Variante : pur.
- ↑ Variante : onze.
- ↑ Lisez : pur.
- ↑ Variante : l’a.
- ↑ Variante : au.
- ↑ Variante : frappée par.
- ↑ Traduisez : fulmen a ferro (latin), foudre lancée par le fer ; c’est-à-dire : coups de fusil & de canon.
- ↑ Variante : Les seuls Roys.
- ↑ Variante : yeux.
- ↑ Lisez : repousseront.
- ↑ Lisez : Chef Byzantin captif.
- ↑ Variante : assault.
- ↑ Variante : neglect.
- ↑ Variante : revalera.
- ↑ Montélimart, Seyssel.
- ↑ Lisez : pour.
- ↑ Variante : les armes.
- ↑
Traduction :
Deux rassemblements de Mende, Rodez, Milhau.
Cahors, Limoges, Castres, mauvaise semaine :
De nuit l’entrée, de Bordeaux un affront.
Par Perigord, au son du tocsin. - ↑ Variante : ne viendra.
- ↑ Variante : Du ciel et terre.
- ↑ Lisez : conflict.
- ↑ Variante : encontre.
- ↑ Variante : puits.
- ↑ Variante : plus pire.
- ↑ Lisez : tour.
- ↑ Variante : tempté.
- ↑ Traduisez : per (prép. lat.), pour, à cause de.
- ↑ Variante : gosier.
- ↑ Variante : en terre.
- ↑ Variante : De.
- ↑ Variante : hostaige.
- ↑ Variante : Gennes.
- ↑ Variante : et privé.
- ↑ Orléans.
- ↑ Lisez : un colonel par machine et ambition.
- ↑ Variante : plus grande.
- ↑ Variante : tost.
- ↑ Variante : fil.
- ↑ Construisez : après qu’il aura.
- ↑ Variante : rasées.
- ↑ Lisez : puits.
- ↑ Variante : L’an.
- ↑ Variante : l’an.
- ↑ Construisez : les exilés tiendront la grande cité.
- ↑ Lisez : tracés.
- ↑ Variante : Pau le.
- ↑ Variante : sera.
- ↑ Variante : Dedans le puys (puits) vestules (vestales) inondées.
- ↑ Variante : hauste.
- ↑ Variante : Artomiques.
- ↑ Lisez : Lestore.
- ↑ Mont-de-Marsan.
- ↑ Asti.
- ↑ Lisez : du Maine.
- ↑ Variante : Nictobriges.
- ↑ Variante : ceux.
- ↑ Bigorre.
- ↑ Construisez : après avoir chassé les pirates de la mer.
- ↑ Variante : tous.
- ↑ Montjoie, Mas-le-Grenier, Aiguillon.
- ↑ Lisez : profondés.
- ↑ Lisez : mœste.
- ↑ Lisez : concernés.
- ↑ Traduisez : a (prép. lat.), par.
- ↑ Lisez : unis (en conjonction).
- ↑ Variante : fillera.
- ↑ Variante : et puissant.
- ↑ Variante : du.
- ↑ Variante : Luy, satallites la more degousteront.
- ↑ Variante : esleu.
- ↑ Variante : murs.
- ↑ Variante : Milan.
- ↑ Ni.
- ↑ Variante : sera.
- ↑ Variante : antenne.
- ↑ Construisez : que tous les Princes verront qu’il est venu du ciel.
- ↑ Leman.
- ↑ Narbonne.
- ↑ Variante : d’Agath.
- ↑ Variante : laissé.
- ↑ Variante : Armonique ; lisez : Armorique.
- ↑ Lisez : Lusitan.
- ↑ Variante : Gagdole.
- ↑ Construisez : qui en.
- ↑ Variante : L’aisné.
- ↑ Variante : De ; lisez : le.
- ↑ Variante : gent.