Les oeuvres poétiques de Clovis Hesteau de Nuysement 1578/Quelle Nymphe est ce
XCVI.
Quelle Nymphe est-ce là ? qui en face pallie,
Refoulle de ses pieds deux grands croissans de fleurs :
Et celle qui remplit un vase de ses pleurs ?
Quelles, quelles (passant) c'est Minerve & Thalie.
Dy moy de grace encor qui est celle qui lie
Ses pieds dessus son col en signal de mal-heurs :
Et celle qui du flanc arrache ses douleurs,
C'est la belle Ciprine, & la chaste Delie.
Quels apprests sont-ce là ? en ces pompes funebres,
D'un à qui son Soleil enfanta les tenebres,
Et le feit Citoien des Plutoniques lieux.
Pleurez, pleurez (passant) sa sentence cruelle,
Car helas il devoit pour son amour fidelle,
Ainsi que Caliston, est un astre de Cieux.