Les oeuvres poétiques de Clovis Hesteau de Nuysement 1578/Je ne sçay que je veux
LXXVII.
Je ne sçay que je veux, je ne sçay que cercher,
Je ne sçay qu'il me faut, je ne sçay qui m'arreste,
Je ne sçay quel mal-heur me martelle la teste,
Je ne sçay qui m'a pris ce que j'avois plus cher.
Je ne sçay quelle plante au coupeau d'un rocher,
Je ne sçay que Chiron, je ne sçay quel Alceste,
Je ne sçay quel Achil, je ne sçay qui me reste
Pour du profond de moy la mort blesme arracher.
Je ne sçay à quel sainct, il faut que je m'adresse,
Pour me donner secours au tourment qui me presse :
Car helas je ne sçay comment ny en quel lieu
S'enracine mon mal, je ne sçay si c'est flame,
Ou glace, ou traict, ou neud, s'il me brusle ou l'entame,
Ne si je suis vaincu d'un mortel ou d'un Dieu.