Les Singularitez de la France antarctique/75
CHAPITRE LXXV.
Voyage de Seigneur Iaques Quartier en Canada. Pour autant que ceste contrée au Septentrion a esté decouuerte de nostre temps, par un nommé Iaques Cartier, Breton, maistre pillot et Capitaine, homme expert et entendu à la marine, et ce par le commandement du feu Roy François premier de ce nom, que Dieu absolue, ie me suis auisé d’en escrire sommairement en cest endroit, ce qu’il me semble meriter d’estre escript, combien que selon l’ordre de nostre voyage à retourner, il deuoit preceder le prochain chapitre. Qui m’a d’auantage inuité à ce faire, c’est que ie n’ay point veu homme[1], qui en aye traicté autrement, combien que la chose ne soit sans mérite en mon endroit, et que ie l’aye certainement appris dudit Quartier, qui en a fait la decouuerte. Situation de la terre de Canada. Ceste terre, estant presque soubs le pôle Arctique zeniculaire, est iointe par l’Occident à la Floride, et aux isles du Peru, et depuis là costoye l’Océan, vers les Baccales, dont auons parlé. Lequel lieu ie crois que ce soit le mesme que ceux qui ont fait la dernière decouuerte ont nommé Canada (comme il auient que souuent à plaisir lon nomme ce qui est hors de la congnoissance d’autruy) se confinant vers Orient, à une mer prouenant de la Glaciale ou Hyperborée : et de l’autre costé à une terre ferme, dicte Campestre de Berge, au Suest ioignant à ceste contrée. Cap de Lorraine ou terre des Bretons. Pesche de morue. Il y a un cap appelle de Lorraine, autrement de ceux qui l’ont decouuert, Terre des Bretons[2], prochaine des Terres neuues, où se prennent auiourd’huy les morues, un espace de dix ou douze lieues, entre les deux, tenant la dicte Terre neuue à ceste haute terre, laquelle nous auons nommée Cap de Lorraine : et est assise au Nordest, une assez spacieuse et longue isle entre deux, laquelle a de circuit enuiron quatre lieues. Ladicte terre commence tout auprès dudit cap, par deuers le Su, où se renge Est, Nordest, et Ouest, Surouest, la plus part d’icelle allant à la terre de Floride, se rêge en forme de demy cercle, tirant à Themistitan. Situation du cap de Lorraine. Or pour retourner au cap de Lorraine[3], dont nous auons parlé, il gist à la terre par deuers le Nort, laquelle est rengée par une mer Mediterranée (comme desia nous auons dit) ainsi que l’Italie entre la mer Adriatique et Ligustique[4]. Et depuis ledit cap allant à l’Ouest, Ouest et Surouest, se peut renger enuiron deux cens lieues, et tous sablons et arenes, sans aucun port ne haure. Ceste region est habitée de plusieurs gens, d’assez grande corpulence, fort malins, et portent ordinairement visage masqué, et deguisé par lineaments de rouges et pers : lesquelles couleurs ils tirent de certains fruits. Ladicte terre fut decouuerte par le dedans de ceste mer, l’an mil cinq cês trête cinq, par le seigneur Quartier[5], comme nous auons dit, natif de Sainct Malo. Donques outre le nombre des nauires dont il usa, pour l’execution de son voyage, auec quelques barques de soixante à quatre vingts hommes, rengea le païs par auant incongneu, Abbaye de chaleur, fleuue. iusques à un fleuue grand et spacieux, lequel ils nomment l’Abaye de chaleur[6], où il se trouue de tresbon poisson et en abondance, principalemêt des saulmons. Alors ils traffiquerent en plusieurs lieux circonuoisins, c’est à sçauoir les nostres de haches, cousteaux, hains à pescher, et autres hardes, contre peaux de cerfs, loutres, et autres sauuagines, dont ils ont abondance. Les Barbares de ce païs leur firent bien bon accueil, se monstrant bien affectionnez enuers eux, et ioyeux de telle venue, congnoissance, et amytié pratiquée et conceue les uns auecques les autres. Apres ce fait, passans outre, trouuerent autres peuples, presque contraires aux premiers, tant en langue que manière de vinre : Chelogua, fleuue. et disoient estre descendus du grâd fleuue de Chelogua[7], pour aller faire la guerre aux premiers voisins. Ce que puis après le capitaine Quartier a sceu, et véritablement entendu, par eux mesmes, d’une de leurs barques, qu’il prit auec sept hommes[8] : dont il retint deux, qu’il amena en France au Roy : lesquels il ramena à sa seconde nauigation : et les ayans de rechef amenez, ont pris le Christianisme, et sont ainsi decedez en France. Et n’a oncques esté entendue la manière de viure de ces premiers Barbares, ne de ce qu’il y a en leur païs et région, pour ce qu’elle n’a esté hantée ne autrement traffiquée.
- ↑ Pourtant la première relation du second voyage de Cartier avait été publiée dès 1545 : Brief recit, et succincte narration de la nauigation faicte es ysles de Canada, Hochelage et Saguenayet autres… etc. Paris. Ponce Roffet et Anthonie Leclerc, in-8o 48 ff. — On peut consulter sur les premiers ouvrages relatifs au Canada, Harrisse. Notes pour servir à l’histoire de la nouvelle France, (1545-1700)
- ↑ Le nom de terre des Bretons attribué à cette partie de l’Amérique est fort ancien. Nous lisons dans une note adressée par Catherine de Médicis à Forquevaulx, ambassadeur de France en Espagne : « Aussi ne seroit-il raisonnable que sa maiesté Catholique voullit tellement empescher, brider et coarcter aux subiets de sa maiesté la liberté de la nauigation qu’ils ne puissent aller nauiguer et sacommoder es autres lieux, mesme en celluy qui a esté descouuert passé cent ans par ses subiets, et qui est dès ce temps en tesmoignage de la descouuerte faicte par les François appelée la terre et caste aux Bretons. » 28 novembre 1565.
- ↑ La dénomination de cap de Lorraine n’a pas été conservée. Autant qu’on peut le conjecturer à travers les incertitudes de la description de Thevet, ce cap paraît correspondre au cap Canso ou au cap Sable qui terminent la nouvelle Écosse.
- ↑ Le sinus Ligusticus répond au golfe de Gênes. Thevet aurait dû nommer la mer Tyrrhénienne au lieu du golfe de Gênes.
- ↑ Il parait néanmoins prouvé que Cartier avait été précédé dans ces parages par des Européens, sans doute par des Basques.
- ↑ Voici le passage de la relation de Cartier (D’après Charton. Voyageurs anciens et modernes, iv, 17) : « Le pays est plus chaud que n’est l’Espagne, et le plus beau qu’il est possible de voir, tout égal et uni, et il n’y a lieu si petit où il n’y ait des arbres… Il y a grande abondance de saumons : nous appelâmes ce golfe, golfe de la Chaleur. » Le nom s’est conservé : La baie des Chaleurs.
- ↑ Cartier n’a jamais désigné ce fleuve que sous le nom de Hochelagua.
- ↑ La relation de Cartier ne mentionne que cinq hommes. Quant aux deux Canadiens qui partirent avec Cartier, et revinrent à son second voyage, ils se nommaient Taiguragui et Domagaya. Ils lui rendirent de grands services.