Le Livre des sonnets/Lettres, le seul repos de mon ame agitée
Sonnet pour Diane
Lettres, le ſeul repos de mon ame agitee,
Helas ! il le faut donc me ſeparer de vous :
Et que par la rigueur d’vn iniuſte courroux
Ma plus belle ricbeſſe ainſi me fait oſtee.
Ha ! ie mourray plutſoſt, & ma dextre indontee
Flechira par mon ſang le Ciel traiſtre & ialoux,
Que ie m’aille privant d’vn bien qui m’eſt ſi doux :
Non, ie n’en feray rien, la chance en eſt ici iettee.
Il le faut toutesfois, elle les veut rauoir,
Et de luy reſiſter ie n’ay cœur ny pouuoir,
A tout ce qu’elle veut mon ame eſt trop contrainte.
O Beauté ſans arreſt, mais trop ferme en rigueur,
Tien, repren tes papiers & ton amitié ſainte,
Et me rens mon repos, ma franchiſe & mon cœur.
Philippe Deſportes.