Le Livre des ballades/Tost deperist pusillanimité
Effeminez, laſches & amoliz,
Plongés en baings, repoſez en molz lictz,
Ablandiſſez, actachez en relais,
Fuyans actraictz de vertus embellis,
Auctorizans voluptueux delictz,
Suyvans banquetz par citez & palais
Comme abhortez, très difformes & laids,
Et de vices profanez & pollus,
Premier que ſoyent leurs droictz ans revolez,
Et par finy leur terme limité,
Ils enſuivront les ſuppoſtz deolus.
Toſt déperiſt puſillanimité.
Veneriens jeux plaiſans & polluz
De délices, gras brochetz & coulus,
Baiſers, embras, attachemens follets,
Dances, eſbas & telz petit meſtis
Sont en moyens d’auoir enſepueliz
Honteuſement, maiſtres & varletz ;
Car tous ceulz qu’ont ſuivi amoureux laiz,
Et les ont diz commue ils les ont voluz
Mercenaires d’honneur ne font eſleuz,
Ains periront en leur infirmité
Sans que de nulz ſoient plaingez ne dalluz.
Toſt déperiſt puſillanimité.
Sextus Tarquin ſubject a neu couliz
A Romme ſeiſt tant richement croſlis,
Qu’il abatit les royaulx chappelliz ;
Et Roboam par ung conſeil couliz
Meiſt ſur ſa gent tribuz merencolis,
Dont affaibly ſe trouva de tous lès ;
Marc Anthoine, en traynant les ballai,
Cleopatira laiſſa fers eſmoluz ;
Marcelline quida harpes & ludz,
Lubrique fut juſque à l’extrêmité.
Peu dura l’heur de Sardanapalus,
Toſt déperiſt puſillanimité.
Prince, voyez comme grans ſont aboliz,
Tours & chaſteaulx & pays deſmoliz,
Et tant de gens cheuz en calamité
Quand les Vertus ſont miſes en oublis,
Et les vices ont les cueurs affaiblis.
Toſt déperiſt puſillanimité.