Le Livre des ballades/Seulette suis senz ami demourée
Seulette ſuis, & ſeulette vueil eſtre,
Seulette m’a mon doulz ami laiſſée,
Seulette ſuis, ſans compaignon, ne maiſtre
Seulette ſuis, doulente & courroucée,
Seulette ſuis, en langour meſaiſée,
Seulette ſuis, plus que nulle eſgarée,
Seulette ſuis, ſenz ami demeurée.
Seulette ſuis à huiz, ou à feneſtre,
Seulette ſuis en un anglet mucée,
Seulette ſuis pour moi de pleurs repaiſtre,
Seulette ſuis, doulente ou appaiſée,
Seulette ſuis, rien n’eſt qui tant me fié
Seulette ſuis en ma chambre enſerrée,
Seulette ſuis ſenz ami demourée
Seulette ſuis partout, & en tout eſtre,
Seulette ſuis, où je voiſe, où je ſiée,
Seulette ſuis plus qu’auctre rien terreſtre,
Seulette ſuis de chaſcun delaiſſée,
Seulette ſuis, durement abaiſſée,
Seulette ſuis ſouvent toute eſplorée,
Seulette ſuis ſenz ami demourée.
Princes, or eſt ma douleur commenciée,
Seulette ſuis, de tout dueil menaciée,
Seulette ſuis, plus tainte que morte,
Seulette ſuis, ſenz ami demourée.