Le Folk-lore de l’Île-Maurice (Texte créole)/Histoire des sept cousins et des sept cousines
ZISTOIRE SEPTE COUSINS AV SEPTE COUSINES
Ti éna éne fois éne loulou qui té content manze petit zenfants. Dans ça paye là ti éna septe garçons qui ti éna septe cousines, et chaquène ti content éne.
Alà éne zour ça loulou là trouve ptit fille qui ti content plis pitit garçon, après rode lagrains brède gandaule làhaut éne miraille lentouraze dans larie. Li dire li :
— Mo zenfant, qui vous après faire tout seil dans la rie ? Vous napas peir liciens, vous napas peir loulous ?
Ptit fille là dire li :
— Non, missié ; mo après casse lagrains gandaule pour mo grand seirs : zaute dire moi zaute éna bisoin pour zaute faire lenque rouze pour crire en rouze dans cahier.
Avlà loulou dire li :
— Dans mo lacase qui éna plein gandaule, plein raquette, plein mirte, tout ça là qui bisoin pour faire bon lenque rouze ! vine çacé av to seirs, zaute a prend tant qui zaute content.
Loulou allé ; ptit fille dire ça av so seirs.
Zenfants zamais gagne peir, zaute napas conne danzer. Lendimain, zaute tout voulé aile lacase loulou. Plis pitit garçon, qui ti appelé Ptit Poucet, tende ça, li dire zaute :
— Eh vous ! pengare ça doumounne là éne loulou, oui ! napas allé, zenfants !
— Toi même qui éne zenfant, éne capon, éne zacot !
Zaute pousse li, zaute allé.
Lendimain grand bomatin, Ptit Poucet tourne lacase so cousines : lacase vide. Li appelé, personne napas réponde. Li rôde rôdé pengare zaute zoué couc av li, li napas trouve narien ! Li comence ploré, li dire :
— Mo té cône ça éne lacase loulou ! Loulou là pour manze zaute quand mo napas trouve éne magnière empéce li !
Li galpé so lacase, li raconte ça so frères ; zaute cornent mouces dimiel dans lafimée : « Qui nous va faire, Ptit Poucet ? Qui nous va faire, Ptit Poucet ? » Ptit Poucet assise par terre ; li mazinc. Ene coup là li levé, li dire zaute :
— Napas bisoin peir ; nous va aile lacase ça loulou là, nous va touye li, nous a prend nous septe cousines !
Létemps là, ça septe ptit filles là té fine arive lacase loulou : bel bel lacase, bel bel zardin, tout qualité zarbes, tout qualité fleirs ! Zaute promené, zaute casse tout ça qui zaute content. Lheire tard, zaute zipes fine plein, zaute voulé allé : laporte firémé ! Zaute batte laporte, zaute crié, zaute apélé : personne vini, Zaute comence gagne peir, zaute comence ploré : avlà éne coup tout lacase allime en grand, éne bande loulous sourti, tchiombo zaute, amène zaute dans lacase, fréme zaute dans godon.
Létemps là Ptit Poucet té fine galoupe laboutique ; li acète posson salé av douriz, li faire éne paquet, li tourne lacase, li dire av so frères :
— Anons allé, vous zaute ! napas létemps pour perdi.
Zaute marcé, zaute marcé ; avlà zaute zoinde éne çarette av éne ptit bourique. Ptit Poucet dire zaute :
— Quand nous gagne çarette là nous napas pour lassé.
Çarette là té pour éne faye faye malbar marçand lasabe ; zaute pousse li, zaute zette lasabe, zaute monte dans çarette.
Bourique marcé, marcé, marcé. Avla zaute tout gagne faim ; mais nèque Ptit Poucet tout seil qui gagne bon morceau douriz av pôsson salé. Li dire zaute :
— Mo va donne zaute tout manzé, mais mo faire éne condition : moi même qui va céf ; tout ça qui mo comande zaute faire, zaute va faire.
Zaute tout dire oui ; Ptit Poucet donne zaute manzé.
Avlà zaute zoinde éne pied coco dans bord cimin. Ptit Poucet arrête bourique, li dire zaute :
— Mo bisoin ça pied coco là ; coupe li, mette dans çarette.
Zaute comence cipoté : « Qui faire ? — Grand grand louvraze ça ! — coco là li raide pour coupé, oui ! » Ptit Poucet dire zaute :
— Mo napas conne ça ! A cote mo douriz ? à cote mon pôsson ? Mo dire zaute coupé, mette Ihaut çarette !
Zaute tout labec sauté. Zaute bisoin dicendé, coupe pied coco, çarze làhaut çarette av son cocos.
Zaute allé, zaute allé ; avlà zaute zoinde éne cousinier qui après couit zambon dans éne grand marmite divant laporte so lacousine. Ptit Poucet arête bourique, li dire zaute :
— Mo bisoin ça maman marmite là ; aile prend li, mette dans çarette.
Zaute comence encore napas vlé : « Qui faire marmite ? — Zamais cousinier pour donne li ? — Napas narien pour couit. » Ptit Poucet nèque réponde :
— Où li mon douriz ? où li mon pôsson ! Aile casse marmite là !
Zaute blizé dicendé, arranze zaffaire av cousinier, prend marmite, mette li dans çarette.
Zaute allé, zaute allé ; lacase loulou napas loin asthère. Alà zaute zoinde éne vie blano qui ti marce av éne fisil dans so lamain, sembe éne lapompe làhaut so lédos. Ptit Poucet arrête encore bourique, li dire av so frères :
— Ça même dernier quiqueçoses mo bisoin : ça fisil là sembe ça lapompe là. Aile prend ; mette dans çarette.
Ça voyaze là zaute napas voulé même : pengare vie blanc là pette zaute éne coupdefisil.
Ptit Poucet en colère : H tire son couteau, li crie zaute :
— Amène ventes : mo tire mo douriz av mo pôsson salé !
Zaute tout nèque saute enbas çarette ; zaute couri av ça vie blanc là, quiquefois zaute embête embête li, zaute prend fisil av lapompe, zaute mette dans çarette, zaute allé.
Aforce marce marcé avlà zaute fine arrive lacase loulou. Bourique content, oui ! çarette là li lourde av tout ça quiqueçôses qui làdans là.
Laporte larie fermé : Ptit Poucet passe dans barreaux, ouvert laporte en grand, faire rente so çarette. Lacase ouvert, Ptit Poucet tout seil rentré, li quitte so frères dohors dans çarette. Tout loulous ti dans salon : zaute après dansé, après canté ; Ptit Poucet coûté, zaute tout çanté : « Dimain zaute va gras, nous va manze zaute ! dimain zaute va gras, nous va manze zaute ! » Li laisse loulous faire zaute vacarme, li rôde rôde partout partout dans tout lacase. Coment li arrive à cote godon, li tende doumounde après ploré làdans. Laclé ti làhaut laporte ; li ouvert éne coup : ça même, ça ! so septe cousines saute làhaut li, embrasse li, serre so licou. Ptit Poucet pousse pousse zaute, li dire zaute :
— Resse tranquille, donc ! napas létemps pour embrassé açthère. Zaute bisoin paré pour sauvé : talhère mo va apéle zaute.
Li tourne dans lacour, H prend so frères, li amène zaute doucement doucement dans godon av so cousines, li dire zaute :
— Napas faire tapaze, coûte bien. Talhère mo pour tire éne coupdefisil ; sitôt vous tende coupdefisil là, zaute tout ensembe largue éne guélé ; tapé, cogné, batte laporte, faire tapaze ; ça même qui mo comande vous, ça magnière là qui mo pour sauve vous lavie.
Ptit Poucet tourne dans lacour ; li prend labride bourique, li faire li monte enbas lavarangue av çarette, li fonce dans vestibile, li barre laporte salon. Loulou trouve li, li dire av so camrades :
— Avlà encore éne laute pour nous manzé ! Mais Ptit Poucet napas gagne peir. Li tine fisil
dans so lamain, li dire loulou :
— Napas saye bouzé : tout lacase plein av mo soldars. Mais mo vlé règue zaffaire av toi ; to camrades même qui va zize nous, zaute même qui pour dicidé qui plis famé, sipas toi, sipas moi.
Loulou sembe tout loulous nèque dire : « Oui ! oui ! anons guété ! » Ptit Poucet dire loulou :
— Mo laisse toi-même comencé.
Loulou comencé. Li dire Ptit Poucet :
— Anons guété qui gagne plis gros vente. Avlà pour moi.
Li monte so vente : napas éne vente, ça : éne barique !
Ptit Poucet nèque renverse çarette ; li diboute dans çarette, so latête tout seil dépassé ; li dire :
— Guéte ça qui pour moi !
Tout loulous bisoin crié : « Vente Ptit Poucet plis gros ! vente Ptit Poucet plis gros ! » Loulou en colère. Li dire :
— Ah ben ! anons guété qui gagne plis gros latête.
Loulou tire çapeau, li monte so latête : éne ziraumon !
Ptit Poucet pèse marmite zambon, li méte li Ihaut so la tête ; tout loulous blizé crié : « Pour Ptit Poucet plis gros ! pour Ptit Poucet plis gros ! »
Loulou vine bête. Li dire :
— Anons guété qui gagne plis gros tétés.
Li ouvert éne coup so cimise : so tétés loulou dé gargoulettes !
Ptit Poucet prend dé cocos ; li mette en bas so cimise lhaut so lostomac : — « Tétés Ptit Poucet plis gros ! tétés Ptit Poucet plis gros ! »
Loulou firié. Ça coup là li dire :
— Ah ben ! anons guété qui va crie plis fort.
Loulou largue éne guélé : vites lacase tremblé !
Ptit Poucet napas rôde divant derrière ; li batte so bourique. Bourique fronce nénez, allonze lédents : « hihan ! hihan ! hihan ! » Tout loulous rié : — « Bien sir, bien sir qui Ptit Poucet qui capave guéle plis fort ! »
Mais loulou napas rié, li. Li déboutône quilotte, li dire :
— Ça vôyaze là nous pour guété qui capabe rende plis beaucoup dileau.
Loulou vidé même : li rempli tout vases, tout gamelles, tout quivettes, tout seaux.
Qui Ptit Poucet faire ? Li arranze so lapompe, li pompé, pompé, pompééé : lacase comence plein av dileau. Tout loulous même que blizé arrête li pour zaute napas nÔ3’é ! Quamême loulou mouillé, li bisoin reste sec.
Ptit Poucet dire loulou :
— Eh toi ! encore dé coups tout seil ! Quand ça de coups là moi qui casse toi encore, to zaffaire zizé même.
Loulou comence peir ; 11 crace coton. Mais li bisoin saye encore, li dire :
— Mo parié qui mo laquée plis longue qui ça qui pour toi.
Loulou tire solaquée : laquée là longue longue et gros gros cornent éne brancard çarètte !
Mais Ptit Poucet napas en peine. Li amarre ça pied coco là av li par derrière ; li dire zaute : « Misire nous dé laquées ; misire zisse ! » Napas lapeine pour misire, pied coco plis longue qui brancard çarette.
Ptit Poucet dire av loulou :
— Eh toi, pitit to manman ! ça to denier coup, oui ; mo prévini toi encore éne fois : mazine bien !
Ça coup là, loulou peir même, mo dire vous. Dans so lafrayeir là, li senti so vente comence brouille brouille av dileau ; coma dire gournouies plein làdans. Li dire Ptit Poucet :
— Ah ben ! anons guété qui capave casse éne pété plis fort !
Loulou tape so vente éne coup. Manman ! napas pèle éne lodéir mazizi av éne tapaze, ça ! Çarête quilé : li roule de tours laroues ; bourique même honte.
Ptit Poucet saute en lair à force li en colère. Li dire loulou :
— Cornent , cocon ! coment malprôpe I coment, mal élevé !
Çà, éne quiqueçose pour faire divant éne doumoune cornent moi, côçon !
Ptit Poucet pèse son fisil, li vise loulou, li pèse gacette : boum ! loulou en bas, li vire cayes, li mort même.
Cornent zaute entende coudefisil là, frères Ptit Poucet av so cousines comence éne vacarme, tapé, batte laportes, çavire meibes, guélé ; loulous tende ça, zaute croire soldars ; zaute tout saute lafenête, piqué, balié, bouré même.
Avlà Ptit Poucet fine reste maître lacase loulou av tout ça qui làdans, meibes, zassiettes, couverts, piano dans salon, bon divin dans lacave, bon linze dans larmoires, tout ça qui bisoin. Li prend laçambe loulou pour li ; li donne so frères çaquéne so laçambe av éne cabinet.
Zaute tout marié même zour. Napas appelle éne grand diner, ça ! Tout doumonnde line invité : vie blanc qui ti prête Ptit Poucet son fisil av so lapompe, cousiuier qui ti donne marmite zambon, zousqu’à ça faye malbar marçand lasabe qui ti laisse prend so çarette av so bourique.
Moi aussi mo voulé rente lacousine pour gagne morceau manzé : zaute flanque moi éne coupde pied, zaute faire moi tombe ici pour raconte vous ça zistoire là.