La Chasse (Gaston Phœbus)/Chapitre XXI
(p. 115).
Chapitre vingt et unième.
Du mastin et de toute sa nature.
astins est une nature de chiens que chescun en ha veu. Les mastins ont office et est leur nature de garder les bestaills et l’ostel de leur seigneur ; et est bonne nature de chiens ; quar ilz deffendent et gardent à leur povoir tout quant qui est de leur seinheur ; mais vilains chiens et de vilaine taille sont. Toutesvoyes y en a d’aucuns qui chassent toutes bestes ; mès ils ne rechassent pas, car ilz n’en sont pas de nature. De mastins et de chiens courans y a aucunefois de bons chiens espécialement pour gens qui chassent, à proufit de l’ostel, toutes bestes pour la char. Aussi de mastins et d’alans y a de bons chiens pour les porcs, pour les ours et pour les loux. Aussi de mastins et de levriers, y a il de bons chiens pour cela mesme. Aussi de mastins et de chiens d’oysel y a il de bons chiens chescuns selon leur natures ; mes pource qu’ilz ne sont pas chiens de quoy on doyve fere grant mention, je n’en diray plus ; quar ce n’est mie grant mestrise, ne de grant recouvrier les chasses qu’ils font.
