L’entrée d’Espagne/Laisse LXIII

◄   Laisse LXII Laisse LXIII Laisse LXIV   ►
LXIII[1]

Qi donc veïst li quens Rollant irer !
1330Son oncle prist un poi a rampoigner :
26 b« Quant nos devomes, biaus sire, tornoier
« Sor Saracins, si alons a plaider.
« Jusque in Françe vos devïez penser
« Confatemant deviomes errer.
1335« Perdue i avons, sor sant le pués jurer,
« La flors des bons de trestoz vostre enpier.
— Niés », dist le rois, « ne m’an poez blasmer.
« Oïstes vos qe je fis comander
« Qe nuls osast meslee comencer ?
1340« Toz mes comand n’un prisez un diner.
« Par cil apostre q’alons por aquiter,
« Se les poroie ne tinir ni bailer,
« Asez m’en porïez ni blandir ni proier,
« Ne lor feïsse les testes reoigner.
1345« Mais de lor ovres avront bien le loer,

« Car Feragu les fera desmembrer,
« Se il m’en croit, o apendre o scorcher. »
Rollant oit ire. Lors se part Oliver ;
Ne prist congié, a cheval veit monter ;
1350N’oit autre a feire fors qe l’eume a lacer ;
Sa lance prist et son escuz borcler ;
Nel puet nus home tenir ni arester.
Le pont passa, irez come cengler ;
Dou tot voldra sa proeçe mostrer.


◄   Laisse LXII Laisse LXIII Laisse LXIV   ►
  1. — 1329 Si, airer — 1330 Son enole — 1334 herere — 1336 des bones — 1337 le roes — 1342 poroie est écrit d’une main postérieure, le premier scribe ayant laissé un blanc. — 1346 feront desmembre — 1347 a apendre o — schorciher — 1351 A corder (cf. le vers 2284) ; B bouclier