◄ Laisse CXXVII | Laisse CXXVIII | Laisse CXXIX ► |
CXXVIII[1]
Droit a le dard que le Paiens a treit
S’an vient le duc, ne voult que trer le lait ;
Dou brant le fiert, quatre part en a fait.
Le niés Marsille voit q’il n’i a forfait,
L’espee longue a trait, sovre li vait.
Rollant vers lui vient corant entresait,
Car de guencir omeis se tient a lait.
Qui don veïst cum l’uns l’autre mesfait ;
Il monstrent bien que pont d’amors n’i ait.
De lor eschu ont toz li cantel frait.
Le niés Marsille par pué ne se resfait ;
Sovent le fiert, sovent le crie e brait ;
Se ne fust l’hiaume, qe ne crient fers qe rait,
A ses grans colp n’eüst mester entrait.