◄ Laisse CXIV | Laisse CXV | Laisse CXVI ► |
CXV[1]
Pur solament al giter de la piere.
Dist Feragu : « Sire niés d’enperere,
« S’il vos pleisot, sanz fier longe proiere,
« Tornez vos en. Je m’an irai arere
« Demains avrois mout la cose legere ;
« A piez venrai ma bataile a fin trere,
« Car n’a cheval trosqu’en la Roge Mere,
« Quant sui armez a la moie mainere,
« Che moi portast demie liue entere. »
Respont Rollant : « Si bien m’ait la Diex mere
« Com bien me poise se serois peonere ;
« Prendez le mien, s’il est par vostre afere.
« S’il fust meilor, foi qe je doi sant Piere,
« Jel vos donas asés plus volantere. »