◄ Laisse CLXXVI | Laisse CLXXVII | Laisse CLXXVIII ► |
CLXXVII[1]
. . . . . . . . . . . . . . . . . . . . .
Contre lor vent l’emperere Romans
E son neveu qu’en estoit desirans.
Les dos barons s’anjenoille de plans.
Oliver dist le salu primirans ;
Le roi salue de Diex le soverans :
« Rois sir », dist il, « molt pués estre joians
« De ce qe Diex te feit dou bien terans.
« Mesajers sumes de prisoners Cristians
« Che te proient par Diex et par si sans
« Che tu recoiles a merci cels dedans
« Et il seront de presons delivrans.
« Veez li mesajes de Paiens Najerans. »
Dist l’enperer : « Par le cors sant Abrans,
« S’il vol, les pendent, je n’i sera dolans,
« Quant paserent e mes dis e mes bans.
« Je n’ai qe fere de mesajers Paians ;
« Mais si en face son bon mes niés Rollans. »