| ◄ Laisse CCXXVI | Laisse CCXXVII | Laisse CCXXVIII ► |
CCXXVII[1]
Sor Ysorez sunt nos François corus ;
Desfi ni rendre non li ont menteüs,
Mais que de lances, de darz, de brant molus
Le vont ferir : teil furent lor salus.
Cil se deffend, que s’est aperceüs
Qe, s’il nel feit, mort ert et confondus ;
Cinq n’i a mort contre tere estendus.
Quens Anseïs, q’il avoit abatus,
Coneüs l’a, cele part est venus ;
Dist as François : « Traiez vos tut en sus ;
« Un teil Païn non fu jamais veüs ;
« Gardez non i ait sor lui plus colp ferus.
« S’il garpisoit Apolin ni Chaüs,
« Dire poroit, ce croi, Rolant le dus
« Ch’en le trecesme sunt le doçes creüs. »