◄ Laisse CCXXV | Laisse CCXXVI | Laisse CCXXVII ► |
CCXXVI[1]
Quant Ysorez fu revenus en soi,
A pié se voit, s’en fu en grant esfroi ;
Machomet proie qe soit en son cunvoi,
En estant lieve, regarde le chamoi,
Prés lui non voit hom qui le portast foi.
Vers la citei reüsoit le tornoi ;
Debasez sunt les cris des Espeignoi
E renforchiez « Saint Donis ! » e « Monjoi ! ».
« Maubailis sui », feit il, « qar bien le voi.
« Hei ! Malgeris, » ce dist il, « çentil roi,
« Vos ni ma mer jamais moi non veroi. »
Lor l’unt choisis da trente a trente troi
As armeüres de cels de nostre loi ;
Le un escrie : « C’est un de lors, ce croi. »
Respondi l’autre : « Tu dis voir, por ma foi ;
« Hoi l’ai veüs qe maint en a feit qoi ;
« Sor toz les autres nos a mis en esfroi. »