◄ Laisse CCXIII | Laisse CCXIV | Laisse CCXV ► |
CCXIV[1]
Grant fu le chaple par devant le robist ;
Frans combatent par la loi Jesu Christ
Vers les Paiens qe forment le aïst :
Qi fiert, qi fuit, qi torne, qi guenchist.
Mester fesoit bien qe Rollant venist :
Frans fusent frait se plus i atendist.
L’aute venue dou baron qi veïst,
Le contenir el grant senblant q’il fist :
N’a hom si foible qe ne s’en esbaudist.
Devant les autres, tant com un arch treisist,
Vient le niés Carles et l’olifant bondist.
Le bon destrer soz lui brait et honist ;
De grant randon en la presse se mist ;
Sor un Paien un si gran colp ofrist
Le eschu tranche e l’obers i malmist.
. . . . . . . . . . . . . . . . . . . . .