| ◄ Laisse CCLXV | Laisse CCLXVI | Laisse CCLXVII ► |
CCLXVI[1]
Cil porterent les armes, chi les unt.
Isoreç s’arme devant Rolant le cont ;
Lui et ses homes mult grant honor li font.
Le bon ceval ch’il perdi leç le mont
Li stoit menés ; Rolant dist che il mont,
E cil si fait ; pois li aporteront
L’escuç coupé, ou le grans pertus sont,
E cil le prant, mais de lançe n’oit pont.
Rollant apelle un valet de Granmont ;
Feit soi mener un palafroi reont.
Plus de cinq çent montent, qi o lui vont.
Tant sunt alés che la porte veront.
Dist Ysorés : « Jantil duch de Clermont,
« Torné vos rier » ; e li ber li respunt :
« De moi vos membre. » A cist mot s’en revunt.