| ◄ Laisse CCLV | Laisse CCLVI | Laisse CCLVII ► |
CCLVI[1]
Gauter atend et le Paien s’an veit ;
Deci que ou rois demoraisons non feit ;
Dou més li conte ce qu’il ohi aveit.
Le roi comande qu’il amenés li seit :
Cil s’an retorne a la porte tot dreit ;
Gauter ovri, qui dehors atendeit,
Qui mout porpanse sor ce qu’il dire deit.
En la cité entra sans nul meffeit ;
La droite rue, tot si com il aleit,
Oi bien les dames, que ceschune huche e breit :
Qui frer, qui fius, qui marit demandeit,
E les ploisors Marsille blastengeit
Quant le trehu Carlons rendus n’aveit.