L’entrée d’Espagne/Laisse CCCXLV

◄   Laisse CCCXLIV Laisse CCCXLV Laisse CCCXLVI   ►
CCCXLV[1]

De ce fu mout liez li rois Maugeris
Quant de bataile voit li conseil porpris ;
Ne Ysorés de ce ne fu divis.
En estant lieve Maugeris l’Arabis.
8135« Signor », feit il, « antendés mon devis.
« Anchois, ch’il soit cist conseil difinis,
« Si soit cist feit ceans en ordre mis,
« Cels che iront demain ou chapleïs
156 a« Condur les renges contre nos enemis,
8140« Primer, segont, terç, quart e quint e sis,
« Si che tant tost cum jorn en esclaris

« De l’ensir hors n’i soit lung terme quis. »
Lors s’est leveç Carion l’aupatris.
« Signor », feit il, « de molt luitan païs
8145« Sui ça venus por avoir lous e pris :
« Le primer colp vos soit par moi requis.
« Je m’en istrai insamble mes noris,
« Si irons combatre sor la loi Jesu Cris.
« Deviseç donque, s’en heüse li pis,
8150« Che li segont soient amanoïs
« Par moi secorre, se mester me faïs. »
Dist Balegant, che li oit feit un ris :
« Volunter, sire ; tot a vestre devis
« Secors avrés contre cil de Paris. »


◄   Laisse CCCXLIV Laisse CCCXLV Laisse CCCXLVI   ►
  1. — 8134 larabi — 8135 Signos — 8138 C. che uront — 8141 est esclaris. — 8146 roquis — 8151 secorte se mestre