◄ Laisse CCCLXV | Laisse CCCLXVI | Laisse CCCLXVII ► |
CCCLXVI[1]
Mout redote Grandoine François, quant il les voit ;
Mais en lui oit vasal coraços et adroit,
E dist a soi meïme qe de camp nen fuiroit
Se maint bons chevalers confundus non avroit.
Il depart de la renge com quarel qi descloit ;
Un Bertuns encontra escriant « Saint Machloit ! »
Merveilos colp lui done sor l’escu qi flanboit :
Salamons n’i querra jamés consoil destroit,
Car l’arme li en depart le Paiens au fer froit
Si che mort le trebuce des arçons o seoit.
Li quens Hue le Maine de ce grant onte en oit ;
De vengier cele mort par fut en grant covoit ;
Dolanz ert se suen gleive en saing Paiens ne boit.