L’entrée d’Espagne/Laisse CCCCLXXXI

◄   Laisse CCCCLXXX Laisse CCCCLXXXI Laisse CCCCLXXXII   ►
CCCCLXXXI[1]

Biaus fu le jor et le solel luisant ;
Ariere torne le large cont Rollant
Et Olivier et Ogier le vallant,
11000Gerarz li duc, qe gariz fu alquant.
Bien ont de lor pensee acompliz le talant,

214 bLa cité prise et oncis l’amirant ;
De convertie gient menerent planté grant,
Les quatres Diés, qe herent d’or e d’arçant,
11005Car et caretes, roncins et muls anblant
Toz cargiez de vitaille, pains et vins et formant.
Tant chevaucerent a grant joie feisant
Qe il de Pampaloine verent le fermamant
E les grans host de Françe et de Breibant.
11010Rollant apelle Hestous tot in riant :
« Coisins », dist il, « je croi veraiemant
« Qe troverons le rois de mautalant. »
Respont Hestous : « Il avra droit auquant :
« Ne est mie peu a si greu pont et grant
11015« Leiser un roi en storme combatant.
« Trop nos partimes, bias sire, folemant,
« E je por moi n’en veul savoir noiant
« Ne le primer ne lui irai davant :
« Qi a forfeit en recoile tormant. »
11020Lor dist li quens : « Ancor ne m’an repant,
« Qe, merci Diex, nos feit avomes tant
« Qe la merci mon oncle nos sera bien aidant. »


◄   Laisse CCCCLXXX Laisse CCCCLXXXI Laisse CCCCLXXXII   ►
  1. — 11002 oncise — 11003 plantee — 11006 Toz manque — 11014 mie pue