| ◄ Laisse CCCCLXIII | Laisse CCCCLXIV | Laisse CCCCLXV ► |
CCCCLXIV[1]
Aprés le colp qe fist ceste franche persone,
Ogier a encontrez Stelus de Bargelone :
Sor l’escuz de son col mervelos colp lui done ;
Ne escuz ni obers ne li vaut une gone ;
Par mié le groz dou cor i mist la lance bone,
Dou cheval l’abat mort, qe un seul mot ne sone.
A la terce envahie Oliver esperone :
En la prese l’en porte le bai de Marmedone,
Departant Saracins con la chere fellone,
E fiert en mié l’escuz Asillex de Gerone
(Ce est une citez dou regne d’Aragone) ;
Ne li vaut garnimant li cuer d’une tasone ;
Le fers li mist el cors, qe de mort le semone ;
Nel puet tenir estriés a tere ne devone,
Si que derier l’oubers al verser ensablone.