I.
Ami barbu ou imberbe
In buvant in coeup d'piction,
Répétons in viux proverbe
Bien connu da nou canton.
Refrain
Saleux Salouël
Vers et pis Bacouël
Plachy ou Byon
Y o d'fameux lurons,
Saleux Salouël
Vers et pis Bacouël
Plachy ou Byon
Y o d'fameux bib'rons.
II.
A Salouê, six jours pa s'minne
O les trouve au cabaretl,
El'septième i vont dins l'plinne
Dormir avu ches beudets.
III.
A Saleux, poéys d'fabrique
o n'craint ni l'diable ni l'Bon Diu,
O boét du ch'nik à l'abrrique
Ch'est à chti qui pompro l'miux.
IV.
A Vers, o sait rire et boére
Danser canter foére l'amour,
Peut-on avoér l'humeur noére
In s'amusant nuit et jour.
V.
A Bacoui, o n'est point riche
On aime aussi boére in coeup,
D'ech'pu pauv jusquà ch'pu riche
Pour boére in'feut point d'coutieu.
VI.
In Normandie in Bourgongne
O n'boét point conme par ichi,
In France i n'y o point d'ivrongnes
Comparables à cheux d'Plachy.
VII.
A Oubyon poéys sans r'sources
On adore aussi ch'brin d'vin,
Chatchin i boét à la ourse
Sans rien dire à sin voésin.
VIII.
Rappelons inne tournée nouvelle
Pis cantons fiers et joyeux,
Honneur à tout l'vallée d'Selle
Qu'o fourni d'pareils buveux.
L'canchon d'el' vallée
Source modifier
- ↑ L'canchon d'el' vallée est un texte écrit en picard d' Amiens.