Iconologie (Cesare Ripa, 1643)/II/Rome la Saincte
Rome la sainte.
Ovs la voyez icy debout, ayant au deſſous de ſes Armes
vne Robe de pourpre brochée d’or. Elle porte
pour Cimier ſur ſon heaume le Caractere, tenant en la
main droite vne Lance, en forme de Croix par le haut, où ſe
voit au milieu d’vne Ouale garnie des perles le Caractere ſuſdit ;
& de la gauche elle porte vn Bouclier & deux Clefs croizées,
l’vne d’or & l’autre d’argent, auec la triple Couronne ;
appuyant la pointe de ſa Lance ſur vn Dragon. Le Cimier denote
le nom de Christ, que portoit ordinairement ſur ſon
habillement de teſte le grand & victorieux Conſtantin, premier
Empereur, qui par ce ſacré Nom, & par l’Eſtendard de la
Croix ſanctifia la Ville de Rome : Auſſi fut-ce par là ſeulement
qu’il vint à bout d’vn cruel Ennemy, & qu’il ſubiugua l’Idolatrie,
Monſtre difforme, & Dragon eſpouuentable. Quant aux
Armes qui ſe voyent ſur ſon Bouclier, il ſuffit de ſçauoir qu’elles
ſont les glorieuſes marques de la dignité Pontificale, qui eſt
reuerée de toute la terre.