Iconologie (Cesare Ripa, 1643)/II/Oraiſon

Cesare Ripa

Iconologie où les principales choses qui peuvent tomber dans la pensée touchant les Vices et les Vertus sont représentées sous diverses figures

Traduction par Jean Baudoin.
1643 (p. 136-137).

Oraison.

ON la peint icy ſous la perſonne d’vne vieille Femme, pour monſtrer qu’en la vieilleſſe plus qu’en vn autre âge, nous nous adonnons à l’Oraiſon, à cauſe qu’alors nous ſommes plus proches de noſtre derniere fin. Elle a la teſte couuerte, & ſe tient à genoux, pource qu’vne vraye priere doit eſtre faite en particulier, & ſans oſtentation. Le Cœur qu’elle tient d’vne main demonſtre ſon zele, & la ſincerité de ſon ame. Dequoy l’on peut dire encore que l’Encenſoir eſt le vray ſymbole ; a qu’vn Chappelet y tient lieu de chaiſnettes pour l’attacher, a cauſe que le Chreſtien s’en ſert ordinairement à faire ſes principales prieres, qui ſont le Pater noſter, & l’Ave Maria.