Iconologie (Cesare Ripa, 1643)/I/Eloquence


Eloqvence. XLIX.


CE n’eſt pas ſans raiſon, que pour exprimer ſes diuers effects, on la peint armée d’vn Motion, enuironné d’vne Couronne d’or, d’vn Corcelet, & d’vne Eſpée, qu’elle porte à ſon coſté ; Outre que de l’vn de ſes bras, qu’elle

Le Liure ouuert, & l’Horloge qu’elle tient d’vne main, enſeignent deux choſes ; L’vne, Que les paroles tissuës, auec art, & animées par la viuacité de l’action, ou miſes par eſcrit, pour le commun bien de la Poſterité, ſont les inſtrumens de l’Eloquence ; L’autre, Qu’il y faut apporter l’ordre requis, & la iuſte meſure du temps, qui donne aux periodes le nombre, au ſtile la grace, & à tout le corps du Diſcours, l’ame de la Perſuaſion.

Pier. Val. lib. 33. Quant à la Foudre, que Pierius luy attribuë, cela ſignifie, Qu’auecque la meſme facilité qu’elle met par terre les plus hautes tours, l’Eloquence abat l’obſtination des ignorans, & ruine de fonds en comble les opinions qu’ils ont baſties ſur de mauuais fondemens.