Girart de Roussillon (Manuscrit d’Oxford) - 8
Car le ior eſ paſſaç el ſers uenguz
Que la nuiz fu meiade lorler chauz
Aidunſ fu grant la noiſe e le tanbuz
De moingeſ de chanoines de clerſ menuz
La reine au moſter en uait pez nuz
E girarz ſe leuet lau es uenguz
A un autar de ſoz uns aruoluz
La la trobet orent a pau de luz
Ben pro de li ſe trais non ſi fein muz
Donne por amor deu qui fait uertuz
E per amor des ſainſ quauez queſuz
E per girart qui fun tes druz
Donne te cri marcet quere maiuz
La reine li dis bons om barbuz
Que ſabez de girart ques deuenguz
Donne per toz les ſainz ke uos preiaz
E per lamor de deu qui aoraz
E per aiquele uirgere dum el fu naz
Si uos girart lo conte iſ loc ueiaz
Car me diiaz reine queu feriaz
La reine reſpont bonſ om barbaz
Mult facez gran pechat queu coniuraz
Donaz i uougre auer trente citaz
Ꝑ quei lo cons fu uis e engeſt paz
E tote la onor dun fu ietaz
Dunt ſeſt lo cons de li faiz plus priuaz
E bailla li lanel e diſt ueiaz
Queu ſui aquel girarz dun uo diiaz
E quant ele lo tec coinut laſſaz
Onqueſ laiſ lo deuenrenſ ni fu gardaz
En iſ loc fu girarz ſet ueiz baiſaz
Apelat naimar clerge letraz
Aiquit eſt de la terre dum eu ſui naz
E apartec au meu ſos parentaz
Querez me bonaſſis ſui mamenaz
E cil diſ uolenters lan es annaz
Fait ſos donzeles totes traire a un laz
E lo baiſet girart pres lo per col
E fu li bon aſaz camar le ſol
E trait la une part de ſoz laruol
E demandat li co que auir uol
E com il li contet el en a dol
Seiner o eſt ma ſor donne la por
En loſpital erueu lerberiador
An ne uit maiſ donne de ſa ualor
De mile uies nogeſſe la menor
Mais ele ma garit per ſa doucor
E a ſon bon conſeil e a ſamor
E ma fait ca uenir a grant pauor
Donne uos eſmaiaz que mai la flor
Del conſel de la cort lemperador
Tan bon auer de pres e mouador
Lor ai donat ke maiment li meillor
E non querez ia maiſ maitenador
Se deu aqueſt beſoin ne uos ſecor
Tot aital comme uuel ai mon ſeinor
Apelet benaſſis lo cantador
Del moſter de la croiz au ſauuador
Arberiaz iſ romeu lui eſſoſſor
De ma terre fu naz ſin ai tendror
E furent dun lignage noſtre anceſſor
E faices le per mei tant calador
Que nol ſachent la fors cil gabador
Cheualer ne ſiruent loſengedor
E cil diſ uolentiers de ioi lai cor
De ſes cambres le mes en la gencor
La intret la reine a ſa ſeror
E remaſtrent de fors ſi manador
Ne uos quer acontar le dol nel plor
Ne la raiſnes que tenent entre lor
Non partit la reine tros uit lo ior
E dunc fu li de uendres ke dˉs tramis
La reine apelet lo bibe augis
Seignor preiaz lo rei e ſes amis
Per deu caie marcet de quelz chaitis
Que a deſiritaz e fait eſchis
E pardunt mauoillance ſos enemis
A toz ces cui uol mal e morz e uis
E li bibes lo fait a ſon deuis
E paraulet au rei com om peruis
Anz quaoreſt la croiz o dex fu mis
Li otreia lo reis tot can li dis
E pardonet eiſi com li requis
La reine [mandet] ches bonaſſis
Girat que pot tornar ſon plor a ris
Quenquer ert de ſonor poeſtis
Lendemain fu diſſades dieſ paſcaus
Rue lo reis fu baignaz tonduz e raus
La reine ueſtie de pailes taus
Con no ueiſteſ meillors uꝛmelſ e blaus
E uent deuant lo rei diſ li ſoaus
Seiner auiaz un ſonge qi toz ert faus
Enuit mer auiſ aus anz iornaus
Que cons girarz uenie ꝑ unſ carraus
E entrau ca dedinz per is portaus
E iurauue ſor ſains com om leiaus
Jamaiſ tan com el fuſt uiſ om cornaus
Ne uos ueuges per lui aiſe ni maus
Portendie caſaule de noſ doſſaus
De pailes de tapiz e de bancaus
Et ere de ta cort ris ſeneſcaus
Ai deus co dis lo reis car fuſ itaus
E uourie que fus uiſ ſains e ſaus
E per hoc ſi me fu gerrers mortaus
E feſ mei e les meus mil dols coraus
Seiner diſ la reine donaz me un don
Queu tramete ſauer ſes uis o non
Que lautrer aui dire conte drogon
Quenquere es el toz uiſ el reine oton
Reis laiſe lo uenir en ta maiſon
E per deu e per mei li fai pardon
E il te ſeruira a eſperon
Car te om eſt li meldres de ta reon
De ſon eſtant ſe mes a genollon
E pres lo per lo peu e per talon
E tochat i ſa boce e ſa facon
E li reiſ len drecet e noll ſa bon
E de can que li queſt uoil diſt que non
Ꝑ aitant len a fait lotreieſon
Quel cuidoit quil fuſt morz ſoz roſſillon
O fu nafraz el peiz ſoz lo menton
E troſque lendemain quar corde fon
Que molt ſe repentit diſte razon
Lendemain fu la paſce com ſeſiois
El reis a ſainte croiz la meſſe ois
Quant aporta corone en fu eiſis
E demanderent laige e ſon aſſis
E com il ont mamat paſſet midis
Enmi la ſale eſtendent nous tapis
E de ſuſ faudeſtos ab aur maſſis
Carles li reis de france en un ſaſis
Joſte lui la reine quil ſemonis
Leſ contes ot mandaz e les marchis
E lo reis drece en piez a toz lor dis
De girart de cel conte qui fu faidis
Ben auez tuit aui quil eſt fenis
Car li pardonez tuit qui rien forfis
Plus ſoau len ſera en pareis
Tuit li ant otreiat canque lor quis
Forſ li conſ aimars e aenris
Cui uenquet en bataille lor fraire ocis
Enri del deſtre poin momun li fis
Jcil li pardonet molt a enuis
La reine len baiſe e boche e uis
Apelet naimar cel de paris
Prenet draſ de canſile uair e gris
E aunaz toſt corent chaſ bonaſſis
Lo romeu e ſa fenne me reueſtis
Lui mamene ca ſus e cel ſi fis
E lamene el palaz per marbre bis
Au degraz de ſale au des laſſis
La barbe les cregude e blancheſis
E auent li molt gent ſobre lo gris
E ne cuidet ia om li coinegis
Mais lo reis ſi feſt loc au plener uis
De mautalent queu ac toz negrecis
Lo pardon quil a fait de deu maudis
E clamet la reine enianeris
Qvant lo reiſ ueit girart ſi ſen irais
Apelet otoet e bertelais
Lo conte naimar e en eſtais
A une part les trais de ſon palais
Seiner eſt ben girarz fel e ernais
Sor mei ſes enbatus iſ glot puſnais
E ne cuit que en ma cort gaireſ engrais
Diman le ferai pendre a mont gelais
La reine aginna cons bertelais
E il la uen corent ſempre deſlais
E pres lo rei per poin uers ſe lo trais
A ſeiner reis de france aminſ que fais
Girart ca uen a uos ne ſat o mais
Reiſ ſe tu le uols ſil pen o le defais
Per oc ſi iurra ſor ſains geruains
E dera mil oſtages quen ta cort lais
Que iamaiſ ne uoſ faille ꝑ ren qui nais
E eu len pleuirai e en eſtais
E tuit li cheualer de ci ca ais
En is loc la reine lo bec li frais
Que tot li fait li reis can uol e mais
Don quan laſ pardonat ire o orguel
Rendeſ li terre plane borc ſenz caduel
Puis non aura en france cel quil reguel
Queu metrie loſeie de for au ſuel
Tinnaz mei por mauuaize ſel cap noi tuel
E lo reis reſpondet aiſi o cuel
Lai li rent terre plane ꝑ un ran fuel
Lo conſ per ram del rei receit ſon feu
E clinet lo lupergunt dentroc au peu
El reiſ non eſt tan mau quel nu len leu
Seigner de menur eſt fulc e li ſeu
E de ceſte citat tuit li iudeu
De lonor ſi la tens ne meſt trop greu
Maiſ pur folcon me rent por amor deu
Par mon cap diſt lo reiſ non ginſ tan leu
A noues li entrent per un corleu
E cil diſt leſ paraules qui liſt lo breu
Aiquel contet les noues quo lo breu lez
Elinanz e golgas e ginguenez
Jaguz eniſanz e agenez
El ſegner de bretaigne ab achel ſez
Voſ an tout mon michel e ferant pez
Si non garniz lo port per unt el trez
Ab aitant montet reis e forſenez
Lo reiſ ſen iſt lon leire en un ſablon
E ſunt o lui ſi conte e ſi baron
Li dui fil andefreit e trei aimon
E li quatre enmeri qui tent noion
E li autre bernart cob el ſapon
Mouent del duc au rei male razon
Ai ſegner com i faiz grant meſpreiſon
Noſtreſ paireſ ont mort li borgignon
E tu retenſ girart e faiz pardon
La reine ſegner me fai aicon
Per oc non eſt mos om ne poiſ ne fon
Quel me feſt de ma gent occiſon
Primerſ parlet hudinſ qui tent medon
E treiſ citaz lon mar e port audon
Voſtre niece la rouſe au ranc talon
Qui fu fille teuri au ri baron
Qui por la mort ſon paire uoſ qeſt folcon
Que ſi fraire orent mort en traicion
Quan cuidem ke preſeſt ſa uengeiſon
El amet e ſon cors e ſa faicon
Si ſen fuit ab el en auridon
En une tor bien aute en un toron
El gaut dardane ſeſt ſobre argancon
Fet li buies dargent non de leiton
Jqui la puiſ gardat en tau priſon
Plus ſoau lo nuiriſt quaige peiſon
E annia mais de lui une auoltron
Quel ris conte dauſais o cel breton
A cui uos en feſes per nos lo don
Qui erre uos en molt gerre e tencon
Mandat li quel nos rende cele diſt non
Nos laiſaron dentor e denuiron
Car ſe rent aiuſtat an cil felon
Dam e honte ſeriet de grant reſon
E carles reſpondet els abandon
Maiſ de girart non uuel faire traicion
Tan com ert en ma cort nē ma maiſon
Mais pois ſen partira qui gaardon
Li rendra de ſon mau eu li pardon
Bertranz de ual olec li filz beſon
Coſins germanz girart e dan boſon
Not melz enparentat en la reion
E tan bonſ cheualers com paire fon
Quant auit les paraules nol ſat ginſ bon
Partit de lor ſuaue e a ſairon
En uenguz en la cambre o girarz fon
E co que lai auit cai lor deſpon
Non laiſſat en ſa cambre maiſ q̃ ſei cart
Reine trait aſ conte girart
Sere non prenz conſel grant e eſgart
Quar tuit ſi anemi ſunt dune part
E li reis en creit ben cel plus gaignart
Alpais por dan folcon mourū regart
Deu ſiege a breu non guis a tart
La reine reſpont deus len eſgart
E dunt de gariment engig e art
E girarz quant lauit ot grant poor
E la conteſſe cor e ols de plor
El reine conort de grant ualor
Ne uos eſmaiez ſor por deu amor
Quant li reis uos ac tout uoſtre onor
Si me donat tot le ſecle ma ſoror
Diion e roſſillun caſtel e tor
Caſtellun mont argon e uaucolor
Eu les ai ſi gardat tot li pluiſor
Sunt replet e garni de grant ricor
En aiceſt non auez contraditor
E derai uos cheuau tau mouador
Oltre mar ne de cai ne cuit meillor
E ai enſanble o [mei] un uenador
Qui fun del nuriment uoſtre anceſſor
Cel uos en guierai a la brunor
E uos ſigrai matin igau lo ior
E menerai bertant e ma ſoror
Equi es lo mandat e el la cor
O toz ſes catre filz quot de ſaiſor
La rene apelat lo uiel droon
Si ſaz annar par bois a roſſillon
E oc de mige noit [t]ros ca diion
Or mi guidaz iſ conte per gaardon
Abanz ſerai ſes om e iſt fricon
Qui ſunt catre mi fil cheualer bon
E li cons lo receit e promet don
Car del plus paubre feſt puiſ ri baron
Ci non couent diſt droe longe razon
Font li ueſtir gonele e chaperon
Fait uenir cha baucam larrabion
E li cons i montet fors au perron
E priſt un berſeret tres ſon archon
Or en annaz a deu beneiſcon
Quel reis demande freſche uenacion
Mais aiceſte que quer eſt fors ſazon
Vont ſent par la citat tuit abandon
E quant furent al bos au ſenſ droon
Cheuauchet tote nuit troſ die fon
E paſſarent iona au gat ſalon
Pen e uin̄ e ciuade pres a tonon
A une fons el bos laz un perron
Fait mangar les cheuauz e lo baron
E dormir un petit qui li ſat bon
Ab atant ſunt annat a roſſillon
El bruel ſoz roſſillun en un uerger
Eſt deſcenduz lo cons de ſon deſtrer
E quau la ferem ere mi compaigner
Si atendram bertram e ma muller
V trametrem lainz un meſſaier
Por ſauer de la gent lor conſier
Car de folcon ſocorre ai deſier
Aico reſpondet droe uos a meſter
Eu irai e merrai mon fil ancher
Qui cai uos nuncera co que lai quer
Droe intre el caſtel ſobre cheual
Mil en trobet a treſches e a bal
E trei mile borgeis par la charral
E treis cenz cheualers per plan igal
Qui de ioie e de iou ſunt cōmunal
E quant uirent droon paralet dal
Di nos noueſ ſi ſapſ de cort reial
E oc com de girart bon e leial
Quar tu nos eſcarniz e faiz gant mal
Abanz uos di tot uer par ſaint marcal
El fait lire lo breu begun bigal
E ciſt breus diſ a toz que deul uoſ ſal
De par girart lo duc el ri catal
Cui li reiſ a rendu ſonor caual
E la reine mande au ſeneſcal
Cil qui ſun el caduel annent aual
E deliurent girart au duc oſtal
Aiqui ont grant ioie quac nauiſ tal
vant auirent parlar de lor ſegnor
Nen i a tan felon por lui non plor
Segnor quant lo uerrons di noſ lo ior
Viegne contrel qui lāme quel urēt la por
Eſ uoſ canunge e clerc ſain ſauuador
Fait li proceſſion com en ſonor
E uos ueignez a mei chauauchador
Apres lui ſunt eiſit de uers pontor
E ſos fiz primerans a girart cor
E conta li qual ioie funt por ſamor
El conſ monte el cheual iſt contre lor
Li demeine lo baiſent el uauaſor
E bordeis e ſiruent grant e menor
Ni a paubre ne ric deu nen aor
Cels baiſet a cheuauz e les pluſ druz
E doncels galobers e encreguz
Apres deſcent a pet entres menuz
E quant les ot baiſat el fu uenguz
A la proceſſion eſt recobuz
E profet de ſon aur a les uertuz
E quant fu fors eiſit des ars uoluz
A toz lor rant marcet grant e ſaluz
E il reſpondent don bien es uenguz
Car tos nos a gariz e erobuz
Toz auom teſ trachors mors e uencuz
Por quei uer nos fu zarles iraſcuz
Ja mais non ers par ome conqueſuz
Bone gens diſt girarz que tauſ ne fun
Toz iors mauez ſerui come baron
Ja ne fus enc conques per rei carlon
Si non feſiſt richiers la traicion
Vn ſeruiſe uos quer par gaardun
Que trametez uiuat troſ ca diion
Que uegnent cheualer e li peon
De mont argun e cil de caſtellon
E uos li men ami de roſſillun
Maiudaz tuit de co por quei ſemon
E a ſi grant beſoin com per folcon
Mon nebou delibrar de ſa priſon
E il reſpondent tuit oc a un ſon
Ja non troberez un qui die non
E oundinſ e li ſeu a fort ſemon
Por annar metre ſiege ad auridon
A meante trames e a noiun
Dambes pars lant enpreſ ꝑ contenſun
E la reine bone en fait ſon dun
E per girart ſalegrent borgignun
Car deus lor at renduz ml’t lor ſat bon
Abanz quel reiſ partis de ſon conſeil
V que reine ſat uaſſal donzel
Tramet ſon don argent e aur uermeil
De donar ſunt ſeſ torſ e ſui denteil
Ja de co donne a lui ne ſapareil
Tant clars ouls cū leſ ſeuſ n̄ clount ceil
Ne itant bele ne cobre ſei cabeil
E preiat a caſcun que ſapareil
Si cum dannar o lui igau ſoleil
E cōmanda bertran matin leſueil
Ore uerens qual ſunt noſtre ſezeil
Nou conte ſunt au rei tot trei lor paire
Furent nec bout terri e german fraire
E uont iſte razon au rei retraire
Segnor bertranz uol eſtre gerraire
Cuit que parte de uos co fait ſoſ paire
Car ſe mut de la cort qan qen pot traire
Ni remant cheualerſ de grant afaire
La reine reſpont neſ tendra gaire
Queu menra ma ſoror en ſun duaire
E oudinſ en iuret par ſaint alaire
Se de mon enemi ſe fait guiaire
Eu li er quant porrai contraliaire
La reine reſpont non diges faure
Aidunc parla pepinſ ſos filz li maire
Cō donzelz de qinze an ac bon uiaire
E ſaiues e corteis e bons donaire
Cel qui uol auntar midan na maire
Se gart de mei ſos corſ e ſis repaire
Por iqueſt mot ſe tarde lemperaire
Annat ſunt au rei conte e contor
Abanz que girarz tor en ſa onor
Li ferant ſi cum dient de mort poor
Marcet deu e bertrant el uenador
El reine quen ſot choiſir la flor
Tunant peuder e el temor
Bertranz fun cheualerſ nō ſai mellor
Ac uint e cinc neuoz de grant ualor
De fraire u de ſoror non ſunt loignor
E ducent cheualer ric uauaſor
De ſa maiſnade ſunt bon fazador
De noues entroit ob et lai cor
E uoſ que demandaz girart ſeignor
Cuidaz lauer trobat cōme paſtor
Cum reis lot retengut eneſ lo ior
Parlaz o lui ſa mort uos li mellor
Ne conuent a conſel demperador
Que li dunt tau domage grant deſonor
Franceiſ a borgignuns non unt amor
Sil unt mort uoſtres paires e uoſ leſ lor
Non deuez refreſchir tam uielle iror
Bertrant diſt la reine ni ait gramor
Poſ lo reiſ ne lo uol nel ſeu pluiſor
Ne uoſ faiz de girart duo guiador
Mais eu rendrai ſon oſcle a ma ſoror
Ne li cons i uen en de emor
Jle lerbergera com ſon ſegnor
E eu la guiderai deman au ior
E menerai od mei mon fil maior
Per mon cap diſt lo reis niſ lo menor
E eu menrai bertran qui men ſocor
Qui tent par ton coniat de moi ſonor
E li reis dire mut de ſa color
Maiſ non uol deſcourir ſa grant felor
Oudinſ trait lo rei forſ deſ autreſ loing
Apelet ſos cuſins e ceſ qua ſoing
Aciſt meſtiz franceiſ demiſ borgoing
Nos fait cai apparer lorguel dantoing
Reiſ de parlar midone tant uoſ oing
Que tot uoſ a tornat en autre coing
Trop a gant don del rin entroſ qau groing
Leu tornera ſa cors rei a non ſoing
Qui ſi grant onor gete forſ de ſon poing
Si maimeſ pres diſt cel ſi fan aucon
Apreſ uin fu fait non a deiun
Maiſ non uoil perdre cent ne mil ꝑ un
Maiſ de folcon uoil ſiat enfrun
Eu trametrai alpaſ berart del brun
Quel me tramete a ais o a loun
E ſi faire nel uol eu doinſ chaſcun
Coniat de ſon caſtel cum li derun
E ſa tor e ſon mur fraigne e aſgrun
Tot len rendet marcet enſenble a un
El reine leuet com iors pares
Montent ile e ſa ſor el palefres
A cinc cent cheualerſ iſſent dorles
Toſ li ſordere fu uaſauſ cortes
Aicels a e pluiſors adunc conques
E par ſun les agarz can girarz mes
E ſunt eiſut del bos e dorlenes
La reine erberiat en erupes
E a dit a bertran que ne li pes
De cheuauiar la noit car coita es
Portez alpais iſ breu e ſiaſ mes
Quer li derai folcon que li promes
Por lui me uol gant mal lorguel frāces
Per tote ma onor ſi maiut fes
Nen uoil quel tiegne odinſ done lores
E diiaz mei girarz que ni anges
Si aucheſonſ i cres eu i trames
Non chai remaigne om quarmeſ ades
Si non eſt uiel diuſ clers u borges
E bertranz li clinet e rant marces
E quant ſe part de lui ſi ſeſt demes
Molt trobe bien garni roſillones
De cinc cenſ cheualerſ ab armes fres
E dez mile ſiruenz que de borges
De quan lor quert girarz rienſ ne ſofres
Bertrans parle a girart e diſt droun
Portez alpaiſ iſt breu e dan folcon
Que facent tot aico quel deſpon
Eu irai apres uos ad auridon
Eſemble mei irant mi conpaignon
E cel de ceſt onor e de diion
Fai guiar baudoin au conte odon
Does ligueſ de plan del gaut darton
E diqui a les barres darguncon
Al bos remauront tuit e li peon
Eu irai diſt girarz ſegnor uos non
La reine uoſ māde qe lo rei ne ſen penge a acheſon
Quele tient iſt afaire tot por ſon
E ſi ant aioſtat fait e razon
Bercelaie de bria ant a guion
Aciſt fu filz fulcher au ric lairon
E droe uait poignant a auridon
Maiſ abanceiſ i fut li meſ carlon
Li meſſagers carlon o diz alpais
Carleſ tes oncleſ mande qil uien ad ais
Quel te dera marit cel duc dauſais
V aquel deſ bretonſ queſt proz e gais
Qi li mut par tei gerre dunt feraſ pais
E tu li rent folcon nel tenir mais
Dahait eit ſel uoſ rent donqes lapais
E li reis (te mouera ire e pantais)
E tra(metra tei ſiege an que ſolz bais)
(Qant tu uerras trencher uꝛgieſ e plais)
Ja non auraſ talent ke folcon bais
Meſſagers uai de ci trop me fais lais
E berarz brunſ ſen torne o lui ſirais
E muntet el cheual uait ſen deſlais
E annet contre oudin cui ou retrais
Cvm li mes del rei iſt li girart entre
Ele qui fu en aut lo ueit deſcendre
E uit uenir bertran de loing ſuentre
De poor li trambla lo cor el uentre
(Fait leſ porteſ fermar) uait leſ clauſ prēdre
(E qual la fereit ere folce) char ſendre
Quel enſeignes ueit ia leſ puiſ porpendre
Non ſai ce reſpont el au que defendre
Come cel qeſt ſegurs de mort u pendre
Fait ſe bues trenchar e eſcui ſendre
E uait ueſtir oſberc eſpade cendre
Meldrez uaſſauſ ne fu por autre atēdre
Co diſt maiſ uol murir qeſ laiſ uiſ pendre
Folches ueiſ qe dēſegneſ ke autanz uēte
Ere quit de midonne qele me mente
Top ai folche en uoſ fait maluaiſ atēte
Ꝑdut i ai mon tenſ e ma iouente
Por uoſ me fu ma genz ta mauuolēte
Que nen oi de monor auer ne rente
Ne n̄ ai leſ uaſſauſ dun uos defende
Cum uoſ uerrai morir laſſe dolente
O la póór que a dunc ſeſpoente
Droe crie a la porte lai mintrar gēte
Tau ſalu uos aport qui ioi preſente
Quant ele auit droon ſon conoiſent
Vait a la porte obrit ꝑ poing lo pent
Droeſ quauſ noueſ ſapſ qi ſūt chagēt
La maiſnade girard qi por te uent
Que tramet la reine qui uos atent
O eſ a roſſillon el mandement
Tien iſ breu de ſa part queu te preſēt
De ioie la baiat qant lo breu prent
Diſ tu uens de girart ſi dˉs tament
E oc ſi maiut deuſ omnipotent
Ele uient a folcon chaire rient
Folche noues taport a ton talent
De par girart lo duc uoſtre parent
Trop meſcarnis donzele malement
E quant folche loit o lui ſirais
Char meſcharniſ dazele gant (pechat fajs)
Morz eſt li conſ girarz nel uerai mais
Baillat li lo ſael e el lo frais
E quant il lesgardet riſ len li cais
Aiceſt breus diſ molt bien ſil ē uerais
Dunt granz ualorſ me creiſt e ioiſ te nais
La reine cheuauce mentrenſ tu iais
Qui de girart au rei cerche la pais
A roſſillun u eſt dinz lo palais
Aiqui te donrai mei ſa lui ten uais
Abanz me iureras par ſainſ geruais
Quem prendraſ a muller anz qiſſe mais
Et eu aiſi danzelle par fei te bais
Atant monte bertranz ſus par relais
O lui cent cheualers de celſ que pais
E folche qant lo ueit tal ioi not mais
Bertranz lor demandet a i content
Jl ou folche reſpont dunt ſaigremē̄t
Segner ſil en quert un tu len fai cent
En ſa capele intrat lo ſainz en prent
Sobre un texte entablat daur reſplendēt
Li om iurat can uol a ſon talent
Ele enbracha bertran e diſt rient
Eu men uauc a mari tan paubremē̄t
Nen port od mei auer aur ne argent
Paile ſamit ne porpre ne ornement
E bertranz li reſpont qui bien entent
Voſ ſi fais gant biautat e bon corſ gent
Grant treſaur nos aduiz qi folcon rent
Annem uoſ en uiuaz non fachaz lent
Meſſagerſ meſ uenguz coitadement
Que por ton dan cheuaucent ti parent
Aiqui plorerent donzele e ſiruent
Noſ ere que ferenſ caitif dolent
E folce quant lauit pitaz len prent
Jſ caſtel uos otrei el caſement
E ſi perdez iceſt mellor uos rent
E ueinaz tot a mei ſegurement
Car eu ne uos faudrai a mon uiuent
Bertranz la prent ꝑ braz e len deſcent
E monte en cheual anblant mouent
Pren cabauchan ꝑ fren folcon lo rent
De par girart lo duc ceſt uos preſent
An ne uis mais tan bon ne ſi corent
E folche i ſaut de plan eſtreu ni prent
E dient cheualer e lautre gent
Ceſt a gardes oguz a ſon talent
Non a pres en preiſon afolement