Girart de Roussillon (Manuscrit d’Oxford) - 7
Car li iorz fu ml’t clars en mai au man
Soau uente li uenz deuers autan
Baleunt les enſeines a cez quiſ an
Les batailles ſapruchent ꝑ un camp plan
Lai nout trameſt meſſage nul ceſtian
Ne moinges ne canoinges ne capelan
Li cauz ke uencuz ſie gran dou ſeran
La bataille comence a ire plene
Aiuos dela pimers poin conde brene
Gonfanoners ugon ki ſa gent mene
Clamet girart tracor e ſa ꝓgene
Vi ſerez blos donor el reis de pene
E bos le uait ferir e det leſtrene
Que del chaual lo met loin ſaſte plene
E ponz refert ſi lui quel deſcontene
Lui el chaual abat en la uarene
E dun bos ſail en pez e ten ſa freine
Fiert poncon de ſeſpade tan mal laſene
Tot li trenca lo cors tos quen leſchene
Non direz de girart qui deſcouene
Non ꝑdra mais ꝑ uos enor ne rene
Li iorz fu clarz e genz e ſens tēper
E la terre fu plane ſenz encombrer
Eſuos girart lo conte el camp pimer
Mautalent a uers carle e le cor fier
E at douberc la caire e lo col ner
Jleuat un ueſtit fort e dobler
Li elmes de ſon cap ueriat daur mer
E a ceinte une eſpade de brun acer
Lance portet trencant de que ben fer
E chauauge un chaual ſor baucan ner
Large at la forcheure ſoz lo brager
E ſenbla ben riu conte e fort gerrer
E partit dentre ſeus trait dun archer
E uait ferir un conte berenger
Tot li troquet leſcut ſoz lapoger
Ni a defes li fers contre lacer
E crabentet le mort en un ſender
Aiqui ioinent borgoin e beuruer
E chaſat e eſtrange e ſoudader
Aiqui uiſez ſens daſtens aitant aſcler
Tan cous ferir de dreit e trauerſer
E tan chaual uoiant de chaualer
Bos out de bataille lo coup pimer
E uos par la bataille conte folcon
E ſilaira a carle tot li deſpon
Treis en a derochaz e mort con
E uait ferir de droes le prot gacon
Noi at contre ſa lance oberc foiſon
El cors li mes a tot li gofanon
E crabentet lor mort loin del arcon
Des poinz li chait lenſeine o lo dragon
Eſloc branlet la genz au rei carlon
Del camp les un getaz a eſperon
Toz les ougrent uencuz ſenz achaiſon
Quant es deſobre deſtre lo uiel aimon
Peirun de mont rabei el conte ugon
V une compaine abet qui male fun
E uenent eſcridant eſtaz baron
Dehe ait en la caire e el grenon
Qui mais i fuira ꝑ borgeinon
E carles quan les ueit ml’t li ſa bon
E girant mal a girant e a boſon
La o uenunt au rei cil ſuen fieil
Toz ere blouz e purs de bon conſeil
Viaire les ke dex per lui reſueil
E uos peiron pimers de mont rabeil
Ne uis ui chaualer melz ſapareil
Lance porte e eſcut blanc e uermeil
E uait ferir pimers gauter nameil
Tal li donet el piez ſobre uerteil
Que de ſa aſte uolerent li aſcleil
Aiqui uiraz ioſtar tan franc donzeil
Noi a tan bon uaſſal ne tros pareil
Tot trencant a eſpades caſp e cabeil
Viraz tan donzel mort ꝑ cāp caumeil
Dun reſplendunt li elme contrel ſoleil
Que lai ora goſterent ꝑ tal aigei
Gaires n̄ i a lance qui n̄ pecei
E uos ꝑ camp peirū de mont rabei
O lui cent chaualer e trente e trei
E fu caſcuns armaz de ris conrei
De la o ueit girart moſtret la dei
Or podez ueir conte de riſ bofei
Sel ploges ke ben fus a noſtre rei
Mais ne trobe ſos cor con ſe ſoplei
Ne com puiche ſeruir autrui que ſei
E girarz uen poinent per lo caumei
E uait ferir giun de mont ſegrei
Denant peirun labat mort ges enquei
E cil refert ſi lui fei que uos dei
Quel cors li met de ſaſte o lo fer frei
Vimais cuit ke girarz li cons folei
E uos poinent neblun cel de bordele
Seneſchal fu girarz de ſeſcudele
Peirun de mont rabei ꝑ non apele
E peires quan loit ne ſi recele
E part de la conpaine que il chadele
E nebles le ferit ſoz ca forcele
Que loberc li trenchet e deſclauele
E troquet lo coſtat de ſoz laiſele
E peires trait lo brant uert alemele
Tal li donet el elme que toz cancele
Vn caire len abat lon la maiſele
Les chabelz li ras prof de la ceruele
Lai iuraz tan donzel lomar de ſele
Tal mil en iacent mort une uauzele
Jouencel e meſchin iouente bele
Dun lo dol ſeſpant loin e la nouele
Deus de qual camp ſe plait tante donzele
E tantes ueues doines iouenzele
Qui ſe claiment damins paubre meſele
Merianz uint poinent uns romanz bret
Non ſenble gins del cors per pis uaſlet
Non pout trobar o lui qui lanz ni get
Ben fu chaucat eſtreit de mut abet
A gofanon ſotil dun amoret
E gros aſte e lance dencracier uert
La mort ab un uaſſal port en ſunníet
E uait ferir focuel de mont folet
Que grabentat lo mort laz un golet
Atant carles girart fors del camp met
Jſte bataille fu el tans de mai
Que carles e girart li cons la fai
Per plan ſoz roſſillon e per garai
Deus tanz uaſſaus nafraz e morz lai ai
As girart ſunt li dol e li es glai
E quant co ueit lo cons que mal eſtai
Quant ueit franceis ſobrar el rei de lai
E fu nafraz el cors quel ſaine a rai
E ueit fuir les ſeus e ca e lai
Per confundu ſe ten e ꝑ ſauuai
Folco le pres per frein irat len trai
Dis gilbert e boſun traes uos cai
Sel conte ſunt dolenz e al rei plai
Ere ſen uait girarz a dreit bandun
E gilberz e dun bos e dan folcun
Fuient ꝑ unes uies un plan canbun
Ml’t ſen anneſſunt ben aiquiſt barun
Quan uez uos a trauers lo conte ugun
Peirun de mont rabei uel uiel aimun
Vges uen ateinant conte boſun
A deſcubert lo fert de ſon bliſun
El cors li met [la l]ance el gofanon
E o lui le ferirent ſet conpainun
E crabentet len terre fors del arcon
Aiqui lunt manures mort en un ſablun
Entre gilbert lo conte e dan folcon
Lai preſtrent de lor fraire uengeiſun
Aiqui es unt ocis lo conte ugun
Tan ſobrerent la gent del rei carlun
Quil les clauent dentor e denuirun
Lai ociſtrent gilbert preſtent folcon
Tuit le uoudrent ocire fors dan peirun
Qui lamenet au rei por gariſun
Girarz ſen eſt eſtors a eſporun
Alcon granz eſt la rote ca lui ſapun
La uie li unt toute de diiun
De nuit ſen eſt annaz a beſencon
El reis deſſent el prat ſos roſſillon
Lai li unt p̃ſentat tan riſ piſun
Jl iura damlideu lo rei del trun
Demain pendra folcon a mont argun
Per mon cap co dis pieres dan reis uos non
Quant as pres en batalle tan ris baron
Que manaces a pendre come lairun
Mais ſi auer nō uous ſa radencon
Ben lo pous faire metre en ta piſon
Per mun cap dis carles garniz en ſun
Jamais n̄ caucera ſon eſperun
Ere ſen uait girarz ml’t ſolement
Cai ſunt remaſu ſui bon parent
Tal dol en a au cor per tot ſenſent
Sobre el col del chaual paſme ſouent
E uen a beſencon au ior paruent
Carles ſoz roſſillon el prat deſcent
De maint riche priſon li fun p̃ſent
Jl apelet ertaut e diſt li gent
Viſcons es de diion uai ſi me rent
Eu te dera tant aur e argent
Que tuit ti paubee amin ſerunt manent
E ſi encui n̄ ai lo mandement
Fel ſie e maluaiz ſi non te pent
Far meſtot dis ertaut u͞r͞e talent
Primers parlet danz uges de maireuent
Don prenez en oſtages ſenz maitenent
E lo reis ſi faut bons e ſaigrement
Artauz monte aiqui es uait ſen poinēt
Des borzes de diion cinc cent
Quel reis ſou de piſon ꝑ is couent
Carles chauauge apres ſenz maitenē̄t
Lo caſtel li rendrunt tot ueirement
De celz qui la intrerent premerement
Aiqui un donzel girart parent
Demande li conteſſe e uait querent
Dedins un moneſter la trobe orent
E preie damlideu omnipotent
Que gariſſe girart lui e ſa gent
Li duncels de bun aire ꝑ bras la prent
Conteſſe mou daiqui n̄ fare lent
Jſ caſtels eſt traiz quel reis lo prent
Vencut ſunt en bataille u͞r͞e garent
Girarz ſen es eſtors non ſai coment
A beſencon annet eiſer fuient
E quant la donne lot paſmade eſtent
La donne ſe paſmet ſoz marbre blau
E uos dinz lo caſtel uiſconte artau
Enuiron lui bordeis tuit bon e mau
E caſcuns porte ſache o ſa deſtrau
O lance o giſarme o ar menuau
Vnt ſazide la tor el mur de chau
La donne auit la uoiſe e bateſtau
E ſat la traiciun e fu li mau
Apelet ugonet e folche airau
Caſcuns mete la ſele en ſon cheuau
Jſſen nos en la fors per lo portau
E laiſen la garene tinez lo gau
Entros ca beſencon tot dreit leſclau
Se girart pois auer rien ne quer au
La donne auit la uauſe le dol eſ criz
Que lai li bordeis funt ꝑ lor mariz
E entent de girart cō eſt maudiz
E apelet ſei laſſe pecheriz
Seiner li mens conſelz n̄ fu auiz
Non laiſſe portar pailles dras ne tapiz
A treis donzelz ſen iſt ob eſcariz
Entros ca beſencon li furent giz
E cant fu nuit ſi uen a beſencon
En une cambre uoute labat ugon
Trobent gezent girart de roſſillon
Plorent baiſa ſa boche e ſa faicon
E demandet ſes ſains e diſt que non
Car un pau ſui nafraz ſoz laucoton
Conbatus ſui a carle en plan canbon
Perdut ai mort gilbert e dun boſon
Co me dient quel reis tent pres folcon
Eu les laiſet traſ mei lei de felon
E con coars reueiz a uolpillon
E peiſe mei que uiu que mors n̄ ſon
Seinor diſt la conteſſe laiſaz aicon
Conortaz uos de fait e de razon
Pois deus uos a eſtors deſ mans carlon
Non auez mais ami en iſ reion
Qui ia taiut de gerre ne ren te don
E ſobre tot tem ml’t de traicion
Annem en ungrie au rei otun
Qui fraire german fu mon paire auſon
E girarz reſpondet garniz en ſon
Atan uez un meſſa qui li deſpon
Quel reis carles cauauge el e li ſon
Li meſſages intre ꝑ pauement
E fu naz de diion filz freelent
E uient plorant de dol ſes ols terdent
Seinor carles cauage a ſa grant gent
Er li aui iurar ſon ſagrement
Non aura mencon ſi el uos prent
Ml’t me uait diſ girarz mauuaiſement
Car non ai cheualer ne porſiuent
A que tenne caſtel ni caſiment
Seinor diſ la conteſſe trop o faiz lent
Que ne conduis ton cors a gariment
Aiqui es eſt leuaz e coniat prent
r eſt montaz lo cons e coniat pris
El ne furent mais ſet diquel pais
E ſa mullers fu luiſme e eniois
Que annon⁎fu donzele qui melz fezis
Por ſon don girp ſa terre e ſos amis
Ere ſen uait girarz cō om faidis
E fu ml’t grans li dols can ſen partis
El ſat bien en ſon cor com om marris
Tote mut ceuaugeren tro iorz clarcis
El reis a beſencon uient ſi la pres
Girarz ſen uait de terre a plein poin
E lo reis non eſt mige prez dun codoin
Qui top maintient orguel dis n̄ a ſoin
Tote nuit cheuaugierent eiſi enbroin
Que uns n̄ i traiſt cauce ne co qui poin
E uinrent a une aige au gas de groin
T trobunt loherens li ſet borgoin
E ne cuit que remainne maiſ ſenz beſoin
Anz en uolerunt daſtes eſclaz e troion
Girarz les a es gas pimers chauſiz
E eſt tornaz aſ ſeus e ſi lor diſiz
Seinor as uos en dez del oſt partiz
Jamais nes troberem tan eſchariz
E uuel uos ml’t preiar ſiunt feriz
Cil reſpondent ſeinor quan ben o diz
Lez donnes out laiſſades ſoz uns iariz
E ſunt uengut enant deſcuz cubriz
[E]re porrenz auir des la raiz
Per tant ne fu eſtors melz eſbaudiz
Loherenc e borgoin ſunt coinegut
Non ſe rendent paraule ne ſalut
Mais la o ſe troberent ſunt ſe ferunt
Girarz ioinz a ugon de ual chanut
Tal li det de ſa lance tot lo feſt mut
E crabentet lo mort el prat erbut
Seu conpaignū i runt tant ben ferunt
Que les cinc en unt morz catre abatut
Cel non i at qui uait del ſanc ꝑdut
O cabel de la teſte raz o tondut
Lai o borgignun ioinnent qui ſunt egres
Aiqui ac un unſeigin om girart es
E ten ſeſpade nude delz fu tan pres
Tal donet aimar quel cap en res
E loherenc tornerent le dos de tres
E borgoin les encaucent ades ades
E ꝑ hoc cinc en unt mort e catre pres
Entro ke a un pui dura lenchaus
E ginemarz ſen fuit par unes uaus
Trobet uint cheualers del oſt reiaus
Fu engilz e cadelz lo cons giraus
Qui fun fraire ugon del cāp mortaus
E a li eſcidat donet eſtaus
E contaz noues e diiaz caus
Don girart encontrames e ſos uaſaus
Anne(mes les ferir) e el nos taus
Canc neguns n̄ eſtorz ne bo(ns de mau)s
Mais pur eu qui men uen ꝑ uns cōbaus
Vr͞e fraire i iaz morz en uns pradaus
E girauz eſcridet er aſ cheuaus
Eſ les uos adobaz de ſoz uns faus
E ginemarz leſ gide a lor eſclaus
Se girarz nac an dol el li creſt taus
Quainc not maior ſēz mort nus om mortaus
Er tien girart lo conte ben por fol
Qua pet eſt deſcenduz laz un uinol
E uolent ſei diſnar dun foacol
Done laige a un elme non dautre orcol
E cant ſe regardet per un puiol
Si ueit uenir giraut qui ad grāt dol
De ſon fraire ca mort el prat plan ſol
Seinor ere manguſt qui mangar uol
Mais garc ke ſe defende eiſi con ſol
E non quer (uiure mais) pos dex ne uol
Girarz les ueit uenir iraz de breu
E ſunt uint cheualer chaſcuns a feu
O caſtel o marcat faire o tonneu
E uent denant girauz trait dun archeu
E a li eſcridat dun chaneleu
Mon fraire mauez mort aco ſai eu
E cuit que au montar aurez releu
Canc li uoſtre ne uos nōe at ta greu
E girarz reſpondet co eſt en deu
Or eſt montaz li cons ꝑ ſon eſtreu
E corent le ferir el e li ſeu
A uos laſenblar mal el partir greu
E ſet ioinnent a uint non es egau
Girarz ioinz a berun e dec li tau
Que crabentet lo mort en un pradau
E ſel les a ocis de co cui cau
De tot en tot girart en auint mau
Non eſtortrent ke dui plus a cheuau
E ſa mullers la terce ꝑ un uinau
Qui ſe mes en ligliſe ſain nicholau
Girarz uen en ardene en un bruel gau
Aitant i demorent ke la nuit clau
Girarz es erdene o lo ſeren
Non eſt li cauſe el mont dō age ben
Vit ſon uaſſal nafrat qui per lalen
E pres lo per la regne del dorat fren
Et eiſi fors del gaut al monſter uen
E trobet un hermite bon creſtien
Qui li a fait bon feu e let de fen
Cocet i lo nafrat li couenen
Veit li de uermeil ſanc tot plein lo ſen
Demandat ſi garan diſt n̄ per ren
Jamais ne uerai ome de mon terren
Girarz en fait tal dol cō aparten
Jl es eiſiz del bos uen au moſter
Lor cheuaus arenet a un laurer
E demandet les noues de ſa muller
El eiſi de ligliſe ten un ſauter
O leu fu engois nece rainer
Que ia en nule terre gencor n̄ quer
Demandet ſen iſ loc aueit clerier
E lermites reſpont n̄ eſcoler
Vi at paſſat ſet anz e iorz derer
Que gart une donzele en recluſer
Qui fun fille berun niece diſder
El la ueſt e conroi de quo que quer
Per hoc fait lo uaſſal confeiſoner
E larme ſo partit del cheualer
Girarz en fait tal dol mentir n̄ quer
Que tire ſos cabelz eſ poinz en fer
Aiqui n̄ ant candele ni encenſer
Mais la croiz e lo fou e lo braſer
La nuit uinent garcon lairun fraiter
Qui li emblent les armes e ſon deſtrer
Vez uos un dol ſobre autre e enconbrer
Que la nuiz eſt paſſade el iorz eſcans
Ben ſabes cheualer ke fu dous grans
Quan lo cons pert ſes armes els auferans
Lai remas eniois a deu comans
Pois la pres a muller le cons bertrans
Qui top mainten orguel nol prez unſ gans
Per girart uos o diu qui maintint tans
Quen fun deſeritaz uint e dous ans
Mais pois fu tauz la fins con dis li cans
Que anz meillor n̄ fes nuſ om uiuans
Quant la nuit eſ paſſede e li iorz elcraire
E girara ac perdut n̄ ſat que faire
Mais clamet ſei dolent caitif pechaire
E lermites lor dis non facez fraire
Mais preiaz damlideu lui e ſa maire
Quil taiut e conſelt quil pot ben faire
Veez uos ci la uie dreit a rācaire
E paſſerez dardene un bruel de caire
Troberez un hermite anz quannaz gaire
Tant es uielz e floriz que terre flaire
Per deu co diſt la donne lai uuel eu traire
Cel nos conſeillera que poiren faire
Co fait bien li hermites quel les aſene
E de quoque ꝓs dom ke det lor cene
De pomaz quil a fait e pan dauene
Pois lor moſtret la uie aitant les mene
Que lor paſſet une fai del gaut dardene
Vienent a lermitage de meriene
Troberent lo ſaint ome qui ꝑ deu pene
JI non a drap ueſtit mais pel cabrene.
Les eſcriz leiges uielles ſobre leſquene
Nuz cotes e genoilz a terriene
E preie ma mariau la mazolene
Que cel prec li doiſt far dun biens uos uene
Li ſainz om quant ot faite ſorazon
Tornet ſei uers girart de roſſillon
E uent ſi apoiant a un baſtun
Dum e͞e uos amis de cau reion
Seiner co diſt girarz de la carlon
Mos paires e mos aiues fu a mal ſon
Jl me rendet borgoine e auignon
Sil ac uers moi bon cor e eu felon
Tot per un meſclane de ſa maiſon
Que bos ociſt teuri ꝑ quel maus fon
Sobre mei en mes carles lachaiſon
E ꝑ hoc n̄ ſufri anc traicion
Carles me moc fort gerre e gant tencon
Et eu getai de camp de tal randon
Non donaſt por paris ſon eſperon
El men a ſi rendu lo gaardon
Que ma onor ma toute e mon reon
En ungrie en annes au rei oton
Diſte donne me peſe qui mare fon
Mes cheuaus mont enblat anuit lairon
Or nos eſtot anar come peon
Per deu ſi uos requer conſeillez on
E lermites dis ml’t laurez bon
Mais que enuit prendez arbergeſon
Aſ les uos arberiaz e remaſuz
Entros que len demain quel ſolelz luz
Que li det penetance li ſainz canuz
E det li tal conſel ſil eſt creuz
Ja mar aura paor que ſoit ꝑduz
Girarz pres ſos cabelz ſis a rumpuz
E pleuit damlideu e ſes uertuz
Que iamais nō ſeran raz ne tonduz
De ci que en ſonor ert reuenguz
E de borgoigne ſie dus coineguz
Dˉs iſ pleuimenz fu tant atenduz
Anz fu uint e dos anz cons abatuz
Quant la nuiz fu paſſade el die encance
Li ſainz om li a fait de bien enprance
Amis ſe uos auez dreite cꝛance
Seinor e ai en deu bone eſperance
Pardonaz tote gent male uoillance
Seiner e oc non mais cau rei de france
Amiſ no li feſtes auc lííance
Seinor oc per non ſens e per enfance
Entros que li ferai de mort dotance
Se iamais pois portar eſcut ni lance
En qual ke gen p̃ndrai de lui ueniance
Seiner ia ne prendrai ior penitance
Or naiaz de bon cor la repentance
Granz pechaz diſ lermites ti deſenance
Bons om cōment te cuides maiſ uēiar
Quan tu eres ris om de co qui par
Si ta carles coques co toi contar
Seiner co diſt girarz nos quer celar
Sentros au rei oton men pois annar
E ſol cheual e armes pois cobrar
Eſſaierai en france de repairar
E de nuiz e de ior a cheuaucar
Or carles gran parz ira chacar
Eu ſai bien les forez u ſout berſar
Lai me quit de ſon cors felun ueniar
Pecaz co diſt lermiteſ te fait parlar
Quan lermites lauit uez liraſcut
Molt fu ſaiues de letres tant a leſcut
Bons om or ſai qui ta ſi confundut
Cil orguelz que troberēt li cornut
Qui iuſ de ciel en furent abatut
Augres furent en cel de gant uertut
Per orguel ſunt diable deuengut
De la o eres cons de grant ſalut
Pechaz ta e orguelz ſi confundut
Que ne poez aramir mais cas ueſtut
Enquere mas gehit e coinegut
Se pos auer cheual lance e eſcut
Cauciraſ ton ſeinor en gal follut
Pecaz e enemis ta decobut
En iſte uoluntat criem que te tut
Aiduns taura tot quite cōqueſut
Quan la donne ot parlar lo ſaint chanut
Ele li chai au pet baiſat li nut
Aiqui ploret aſſaz anz que remut
Seiner ꝑ deu marcet del mal uengut
E lermites len leue ſa reſpondut
Ne uos ſai conſeillar dˉs uos aiut
Car iceſt ſiecle e lautre aues ꝑdut
Bons om co diſ lermites ke naſ paor
Quen ton iouent aſ fait tante felor
E as en mal uſat de tei la flor
Encore uols ocire ton ſeignor
Ja puis ne troberas clerc ne ſaintor
Ne bibe napoſtoille ne doutor
Qui te dun penitance a negun ior
Que la deuinitaz e li autor
Nos moſtrent en la lei au redēptor
Qual iuſtiſe on deit faire de tracor
Deſmenbrar a cheual ardre a chalor
La poudre de celui lai o chai por
Ja pois ni creiſtera erbe ne labor
Arbres ne rins qui traie a uerdor
Non pout mudar la donne que n̄ plor
Girart por quei fazez tan grant folor
Pardonaz tote genz mal e iror
E a carlon lo rei enperador
E donne e eu ſi faz per deu amor
E lermites reſpont deu en aor
E de ſa part me clam uoſtre feſſor
Que ſil faiz de bon cor e ſenz dotor
Enquor auras barnat terre e onor
Er li a fait girarz canquil li quis
Li ſains om en ot ioie e ſi ſen ris
Que giraz li otrei tot can li dis
Que pur cheual e armes li gerpis
Tros cau ior e au terme que li mis
Que aura ſos pechaz toz penedis
E cuel en ſen benfait tant cum ert uis
Aiqui ploret girarz cant en partis
E lermites les ſeines e benedis
E enſegnat la uie per gaus antis
Marchaders encontret anz que neiſis
E demandet dun ſunt don de paris
E uenem de bouere e dungreſis
Caus noues del rei de quel pais
E cil reſpondirent dō nō eſt uis
Carles lo reis de france lai antramis
Por don girat lo duc ſei la uengis
E la donne diſ moz ſes pauoris
Eu fui lai o girart en terre mis
Li marchader en rendent a deu mercis
Que grant gerre noſ fes e mal toſ dis
E girarz quan lauit ſi ſengremis
E ſe tengeſt ſa ſpade un en feris
Bon grat nait li ſainz om qil le pleuis
Cil lo diſtrent en france la lodois
Carles en at tau ioi toz ſes baudis
Li marchader lo content en france aſ lor
Que giraz ere morz tot de freſchor
Grant ioie en fait lo reis qui que ſen plor
E tuit ſi enemi grant e menor
Ne mais cil nobil ome ancienor
E cil en ont grant dol por ſa ualor
E la reine en fait ſor toz maior
Quel cons non a nul eir de ſa ſeror
Qui apres ſa mort tiegne dor de ſonor
Er laiſſerem del rei de ſa baudor
E dííam de girart ca grant dolor
En is loc que partit des marchaders
Entrat en unes uies maluas ſenders
E trobet molt maus pas e enconbres
De runces e deſpines e daiglenters
Deualet en unſ uauſ ꝑgunſ e ners
E trobet ſobre une age douſ pauſ moſters
En un ſaint ermitan ca nun garners
Quiſ erberiat la nuit ml’t uolunters
Ne lor dona de taz nautres pluers
Mais pan dorge alaiſiuers
E laige freide e douce de fonteners
La nuit ſe iaz girarz e ſa mullers
Entroſ que lendeman reſt el tempers
Ere ſen uait girarz egal ſolel
Ꝑ un eſteit ſender laz un caumet
E trober une font de ſoz un tel
E cocha ſen lunbrer per lo ſolel
E uol ſei condurmir quil a ſumel
Mais non cuidaz del conte gaire i durmel
Abanz plore des uelz tirel cabel
Diſt melz uougrei eſtre morz ē plan cāpel
Quel reis loges ocis e ſi fiel
E ſa mullers li dis non far donzel
Mais pregen damlideu quil nos conſel
E de qui erberiet a un repaire
Dun ſunt mort de ſa gerre li fil el paire
E aui ſei maudire e fille e maire
Entre lo dol e lire e lo mautraire
Si non fus ſa mullers n̄ uiſqueſt gaire
El eſt ſauie e cortoiſe e de bone aire
Que ne paraula melz nus predicaire
Seiner laiſe lo dol ſi ten eſclaire
Toz tens fus orgueillous e gerreaire
Bataillers e engres de ton afaire
E aſ plus omes morz non ſaz retraire
E lo ris paubreſiz e tout lor aire
Er en prent deus iuſtiſe lo dreiz iuiaire
Menbre tei del ſaint ome del bois de caire
Qui te det penitence de mal retraire
Enqore auras tonor ſi la uous faire
E daiqui erberiet apoiz cairaz
E paſſent li chemin de ſet contaz
Aiqui aprent taus noues qi fun uertaz
Par aiqui eſt meſſaies tres er paſſaz
Carles na cent trames enuers toz laz
Qui trobera girart ſi eſt menaz
Daur e dargent li ert cent uez peſaz
Seiner dis la conteſſe quer me creaz
Eſchiuen les caſtels e les citaz
E toz les cheualers e les poeſtaz
Que la felnie es granz el cobeitaz
Car ſeiner uoſtre non car o caniaz
E el li reſpondet ſi com uos plaz
Aiqui es ſapele iocel mauiaz
A un licrer felun eſ erberiaz
Ca felireſſe muller e el mauuaz
Lai li prent maleuez e maus aſſaz
Que de carante ior ne fun leuaz
Troſ la nuit de nodal que deus fu naz
Jl lo feſt deualar de ſon palaz
En laruol dun celer de ſoz uns garz
Aiqui a la conteſſe dolent ſolaz
Girarz iaz en laruol ni a ſeruent
Fors ſa muller quil ſert molt bonemēt
Atant les un gahel qui a le uent
Que deus li a trames tot ueirement
E li aporte un drap denant leſtent
Donne per amor deu omnipotent
Qui naſquet per tau nuit en belleent
Me tail e cos diſſel iſ ueſtement
Ele dis uolunters ſempres lo prent
E tailler e coſet de maintenent
A laſte o contrerent cil ſuen ſiruent
La pautonere coſt molt couinent
E li trameſt ueſtir dun ſen parent
Mandet li quel coſeſt toſt e non lent
Ele diſ al meſſage umiliment
Amīſ eu men cos un a plus manent
E pois prendrai lo ſon ſi tant matent
E cil li recontet tot enſement
Jla uen per degraz aual corent
A lei de ſatanas iradement
E gitet los tot de ſon baſtiment
Aitant male muller non uiſtes anc
Con les a fait getar fores el fanc
Lo cons non a uertut ni car ni ſanc
La conteſſe lo pres per me lo flanc
Jle ſun feiule cauſe echaunc anc
Vns ꝓſdom les gardet qua lo cor franc
Fait de ioſte ſon fouc oſtar un banc
E fai li faire let molet e blanc
Pois li det ueneiſun e peis deſtanc
Qvant furent chaagut andui el brac
Aiqui paſmet la donne de dol que ac
Lo ꝓſdom leſgardet ſi com deu plac
E fait len aportar tot freit e flac
Lo o li fes laz ſon foc e let o iac
Pois li det car de bos e peis de lac
E retet lo tant que gari lac
Girarz ſe regardet e iac enuers
E non a maiſ les oſ lo cuir euſ ners
E deus diſ el tant es uers moi teners
Les obres que ai faiteſ molt lai me mers
Folche e landriſ mou diſt cil de niuers
Bernart folcher ſegin bos e gilbers
Poſ ueſquei apres uos molt ſui cuuers
E ſa bone mullers lo cap li ders
Car ſeiner laiſſe eſtar lonor que pers
Quar ſi mal cuelz en grat mellor cōqers
Pois li deſpont deſ ſaumeſ dauid teſ uers
E contet lui de iop qui fun deu ſers
E ſon ſermon o diſt ſainz rigobers
Que co fun uns miracles granz e apers
Que dex feſt per iſ conte qui tant fu fers
Car ſel ne fuſt faidis e tant deſers
Ja ne partiſt de mal ne fuſt conuers
Qvi uos aconterie tanz enconbrers
E la fanſ e leſ ſeſ e deſtorber
Eiſi con diſt leſcris queſ eſ moſters
Vint e douſ anſ fu ſi li fors gerrers
Que non ac de ſa terre catre deners
Anz eſt en alemaigne don fu lohers
Vn ior intre en uns gauz ganſ e pleners
E auit une noiſe de carpenters
E ſeget tant la uoiz per les ramers
Que trobet a un foc douſ charboners
Cil unſ fu ganſ e laiz e tenſ e ners
E a nom garins bruns lautreſ reiners
Ci fun unſ petitez unſ ranproners
E apelet girart e diſt primers
Amiſ diiaz dom es eſ penaders
Car portes iſ carbon ſeiaz colers
E ſeiaz del gain dres parconers
E giras reſpondet don uolentiers
A girart ſunt li dui trei conpainnon
Caſcuns a pres ſon fais el con lo ſon
E ſunt eiſi del bos per plan cambon
Vienent aurilac ſoz torilon
Chaſcuns ſettan dener uent ſon carbon
Gerart ueit lo gaain e ſat li bon
Cil nen unt plus de lui mige un billon
Or li doinz dex oſtal e tal maiſon
Ꝑ quei poiſſent uenir a gariſon
Eſ rueſ dauri lae en la ſobrere
En une maiſon pauce eſtre mere
Eſ erbergies girarz chies la ſaunere
Ceſt une ueue fenne bone aumonere
De li ferunt ſiruent e chamberere
Girarz ſa ben dardene la ch[a]rere
Jl a bone uertut forte e plenere
E uait ſouent la rue obergere
Eſ loc fu la conteſſe taillendere
Con no uiſtes de mans tal fazendere
Ni a donne tan riche no la quere
De ſes obres faire ne li profere
E diunt cil donzel e gent legere
Parlunt tot ſon oient e enderrere
Eſgardaz la beltat ca carbonere
Ses uilans del carbon no la fes nere
Nogiſt tan gente donne dinz bouere
Vi donne ꝓz e gente e bone obrere
Por quas pres a marit carbon fadere
Jle reſpont qui fun ſaiue parlere
E qui ben lor ſat eſtre menſongere
Seiner mercet por deu e por ſaint pere
Trobet mei orfenine pauche bergere
E me preſt a muller deuſ lo li mere
E poiſ me fes aprendre a coſturere
Non ſai plus gentil ome de lui o quere
Quel non eſt de ca mar diſte ribere
Ni a un tan felun de male terre
Aſſa duce razon tot nol conquere
Li gaainz del carbon uen ꝑ talent
Cil le funt il le porte e lo uent
Vin e dous anz uont eiſi uiuent
Entros ca une feſte caren pernent
Vaſſaus qui doit quitane lo ior la rent
E ait la lo cons gontelmes el dus dagent
Girar la uait ueeir o lautre gent
E fu lomeſ deſ autres en ſon geſent
Entros braz ſa muller qui char lo tent
La donne les uaſſauſ ueit burdiſſent
E menbret li de loin nuriment
De girart qui ſolie faire enſement
E ac tal dol el cor par poi ne fent
Laige li chiet des uelz e len deſcent
Sor la barbe girart li uait chaent
E li conſ ſe drecet diſ ſon talent
Donne or ſai ke tes cor uers mei repent
Care ten uaiſ en france ſenz maitenent
Eu te iurerai ſor ſainſ uercent :
Jamaiſ ne me ueiras ne tei parent
Or oi co diſt la donne ſenz de iouent
Ja damlideu no place omnipotent
Seiner per quei parlaz tan malement
Que eu ia uoſ gerpis a mon uiuent
Ne maiſ cau me ſaudrie en foc ardent
E lo conſ la baiſat ſenz meintennent
Seiner ſe mes conſelz en fuſ auiz
Noſ torneſem en france o fuſ nuiriz
Or a uint e douſ anſ que neſ eiſiz
Et eſſez de mau traire roz e fraitiz
E ſi podez trobar lenpereriz
A cui uoſ fuſteſ ia amius pleuiz
Ja non ert tan fel carles ſoſ mariz
Ne uos i quere plai dunt ers gariz
E girarz reſpondet benſ eſ que diz
Eu lai men irai tot ſui garniz
o cons girarz en prent ſon conſel breu
Non laiſerai ꝑ ren ꝑ man non leu
E a la meſſe auie a ſaint andreu
E a preiat lo ſainte damlideu
Reis del cel met en cor au ſeinor meu
Que me pardunt ſa ire el e li ſeu
Ꝑ quen rende maſ terres e mon feu
Poiſ ſe meſ au chemin molt o fai greu
Au digos de la cene ſemblant romeu
Erberiat a orlins chies loſte erueu
Erueus li oſtelers fu ben autis
E apelet girart molt genz li dis
Dum es uos amius de cau pais
Quer annaz a ca cort ſi ſerez mis
E preiaz la reine ke uos ueſtis
Per deu co dis girarz non ſui apris
Seiner dis la conteſſe ſeiaz peruis
E ne uos eſmaiaz du cars amis
Paraulaz o lei per cau ke gis
Lannes annaz lo cons molt a enuis
Entres autres romeus girarz ſaiſis
Atant es aimar clers de paris
E quant il ueit girart fai lun fein ris
Veez uos ceu truant a ceu cap gris
Enquel pout gaainar de quel garis
Donc a poor girarz queu coinogis
E ne fu gins ſegurs quen annes uis
E cil ſe trait uers lui per poin le pris
Dun uilan patuners ke ca queſis
Si ne niere por deu eu uos feris
E leuet lo del renc e len partis
Gran ioi en a girarz can le gerpis
E uen a la conteſſe e ſi li dis
Pechaz nos a menat en is pais
Seiner dis la conteſſe ſabas ke dirai
Per deu ne te caut metre en tel eſmai
Car eu ai bou conſel que te dirai
Deman ſera deuenrenſ com per deu fai
Enque nuit la reine en cerche uai
E cum er au moſter annez ren lai
Baille li iſt anel quen te dirai
Quele uos donet de cor uerai
A tot ſa druerie ueient geruai
El gonfanon de france e bertelai
Seiner tu me bailaz eu la gardai
Per nul beſoin cauges an non laiſſai
E girarz reſpondet car ben lo ſai
E des pos lo uolez lai men irai