Girart de Roussillon (Manuscrit d’Oxford) - 4
Entres mur el palaz ac un plan gent
Perrons aſis en art ꝑ tau ciment
Ob art de beſtiare magiſtraument
Fuguraz a muſec daur reſplendent
De clare matre uitre le pauiment
Enmi leuc a un pin quel cau cōtent
Vne gole lai fert daiſi dole uent
Melz flaire que dencens ne de puiment
Vne fontane i ſort dun deſrubent
Cer ab aur e a peirres qui laige rent
Lainz nen intrent mige tuit fol ſiruent
Carles martels lai tent ſon parlement
E ſon maior conſel de celement
Danz folche lai a dit de ſon talent
Jſſen el e li ſeu iradement
Cuns cōiat ne li done nel ne li prent
Vait ſen a ſainte lei o on latent
Des barons de la terre mais de ſet cent
Labes cafreis parlat p̃mierement
Que feraz de tos ome conſel en prent
Jrant o ſi ſerunt cai remanent
Conſel nai pres diſ folche mon eſtient
Ne uuel ꝑdent onor ne chaſement
Mais cil qui nen ont terre ne tenement
Sen ennent a foucher iſ miē parent
Quil fera del plus paubre ric e manent
Eſleuc len aſſegurent taus catre cent
Non falli uns ꝑ aur ne per argent
E puis uait caſcuns prendre ſon garnimēt
Aimes li cons leſ gida ſaluement
Saimes les gida her ſi fera hui
E ont en ſon conduit folche e folchui
A cinc cenz cheualers a cui quennui
Paſſent au pont de leire lāꝑegui
E laiſſent de monliu la ual el pui
E cant vinrent as gaz de ſaint ambrui
Folchers gardet amont ꝑ plan ſarcui
Vit une enſeigne blance el bos deiui
Treis gonfanons petis e un gant crui
Mil cheualers leſſegent milon dalui
En talant a folchers quobes ſapui
Folchers a dan folcon le pres a dir
E a naimon cel conte de bel air
Er ui cinc gonfanons dun bruel eiſſir
Mil cheualer leſſegent tant les aruir
Co e rius om del rei quil uait ſeruir
E ſel me uoliaz enconſentir
Aſeiar le uos ai a deſconfir
Grant folie diſ aimes noo onſ dir
Vos eſ a mon conduit ꝑ uos garir
Neu carle mon ſegnor ne dei faillir
E ſe uos es cinc cenz il ſunt tau mil
Ne pos en tote france mellors cauſir
Dui cheualer ben poent le tierz delir
E li el uol defendre prendre o aucir
Tal ire en ai diſ folche tor men ſuſpir
Vergoigne en ot fulchers nel pot ſofrir
Enchet ſen od les ſeus a ſoupartir
A ſon caſtel ſen torne a mont eſpir
Queſt el cap de borgoigne el pui de mir
Ne ceient conte ne duc per enuair
Daiqui uoldra rei carle gerre eſbaudir
E folche ſen annet a bel air
A un caſtel u aimes le fait ſeruir
A bel air ſen torne folche la nuic
Ne cuid de lui ſeruir qom ſi ennuic
Qant li enap ſunt plein tindrent un muic
Puis ne furent li leit paubre ne unic
Les coltes ſunt de paile n̄ dautre gluic
Si aigrent iuſ quel ſolz pares el puic
Sunt cauchat e ueſtit con donzel duic
Font metre frains e ſeles point ad aur cuic
E cheuauchent enſanz dolonc biuic
Lon laige qui deſcent del pui de buic
A roſſeillon en uent folche e li ſuic
Eſuos a roſſillon uengut folcon
E deſcendet a lolme fors au perron
Cent cheualer lai corent de tau tencon
Caus pres renne u eſtriu u cheual bon
Li cons intre el moſter fait ſorazon
Pois uait bien loin deſ autres o girarz fon
Paraule ob amedieu e a boſon
E drecerent tuit trei acoillent lon
Mais girarz ſeſt coitaz de ſa razon
Neiſ ſi auom bon plait del rei carlon
Par mon cap co diſt folche car aico non
Preſentai li ton dreit en ſa maiſon
El nen uol rien baillar ſeone lon
Mais eu li reꝓchai la traizion
De quel fes ꝑiurar tan riu baron
E cuit bien que les tieus ſor uos meſſon
Nen auez bos ne uigne toz n̄ troncon
Ne foſſat ne terrer nample donion
De laucor fuſt ne face uermel carbon
Mande amis e omes e ſis ſemon
Que taiudent de gerre contre carlon
Quil uuelt deſiritar ꝑ aucheiſon
Bataille lai pleuide el uau beton
E el mei afiat e ſei baron
E enpreze ꝑ tau deuiſion
Cil en cui remandra preigne bordon
Quen paſſe mar o nau o a dromon
Bon meſt co diſt girarz ꝑ deu del tron
Tro a breu ior naurai tant conpaignon
Que ſerunt cinc cent mile en plein canbon
E ſe bataille en uol eu li bandon
Li baron del caſtel com ont auit
Qu dans folche eſ uenguz lai ſon eiſſit
E dirai uos li caus ſe ne mublit
Bernarz gilberz e bos furent aiſit
Eelins e oudins ob amauuit
E artaus e grimaus doitran cauſit
De landri de neuers on fait lor guit
E furent diſ baron tan bien eſlit
Li plus paubres daques quauez auit
A cinc cenç cheual’rs de ſon aquit
Li cons intre en la cambre ſobre un tapit
E paraulet ob es prent ſon archit
Segnor de toz conſelz ne quer mais un
Caſcuns mant ꝑ ſa terre ne ſen an frun
Carles uient ſobre nos a un eſtrun
Nen auons bos ne uigne quel non reſun
Ne foſſat ne terre quel non deſrun
Pimers parlet gillelmes cil deuſteun
Mande amis e omes oſaz negun
Trames ai ꝑ mon paire en beſodun
Qui mandera toz celz de ual de dun
Vergedaigne e cerdaigne e moncardun
Purgele e ribecorce e barſelun
De cai mandez mon oncle dedin uauclun
Qui tient tote ꝓuence tro a tonun
Arle e fouchaucher e eureun
Le uau de moriane e danſeun
Jainz ne ſerunt paſſat li trei de lun
Que ſerunt cinc cent mile a un eſtrun
Bataille [aura carles de] mon leun
Bien ſabei diſt girarz fei qe uos dei
Plait ne dreit nen aurie namor del rei
Ꝑ tant ogiſt meſſages cincante a mei.
Trames ꝑ mes amis com faire ou dei
E ai mandaz mes omes ſemons par fei
Que maiudent de gerre contre lo rei
Quim uuelt deſirecar per anelei
Neis a monbeliart trames iofrei
Vgon mon canberlenc ob amaufrei
Cancers e cons ginars ueignent a mei
De la uau de cabrars tot li marchei
Si com montaigne iaz qui tient la nei
Cil ſunt bon cheualer a tote lei
De ces aurom .c. mile e plus co crei
Bataille en aura carles de ſaint romei
E folche reſpondet deus li autrei
E cil ſie uopiz qui ſen recrei
E eu coars reueiz ſeu la plaidei
Des pois o lui ne pois trobar marcei
Perdut i ai diſ folche car bien ou ſei
Mil cheualers chaſaz quen la terre ei
E per hoc ſe fins neſt ſes couerrei
Mais ne faudrai girart mentre uiuerei
Bels nies co diſt li cons eu mouerei
Mais non lai tan perdras com cai rēderei
Vn pan de mon ducat uos partirei
E folche reſpondet eu nel prendrei
Car ce nen eſt amis mais ꝑ uai uei
Cainſo ueit ſon ſegnor ne ke uait grei
Logre prendre ſonor caſtel ne mei
Mais aiut li par feit el e li ſei
Quan naura faite fin ſens negun ei
Se puis prent ſon bien fait nel blaſmerei
Mentre girarz paraule uez nalinei
Don eu uien de gaſcoigne o eu nan uei
Adui uos ſenebrum de ſaint ambrei
A uint mile gaſcons tant les eſmei
Li nauar e li baſcle ſunt agenei
E ſunt autre uint mile el primer ei
Caſcuns porte treis dars e un eſpei
El bruel de uaubeton las uos menei
Don trames lor marcat de ces a pei
Eu comant diſ girarz e ſi lautrei
Bataille en aura carles de ſaint romei
Mentre girarz paraule deſcharans
Qui portent catre dars entre lor mans
E ſunt plus acorſat que cers ꝑ plans
Ves li autre meſſage qui nen eſt uans
Ainz eſt bons ch’ual’s ꝓſ e certans
Girarz uez uoſtre paire aſ catalans
E ſunt mais de cent mile ꝑ mei tes plans
Per deu co diſt girarz mes cors en ſans
Ma compaigne ē cregude deſ plus lontans
Reimon meine les men de dinz ſiurans
Ques leus eſt naturaus rius ancians
Ne lor fallira cars ne uins ne pans
Bataille en aura Carles a apermans
Mentre li cons grarz les arbers tence
Girart er uos dirai u͞r͞e plaiſence
Vez uuidelon uroſtre onde o lui, ꝓuence
E ſunt ſaiſſante mile ſenz meſcreence
Caſcuns auberc e elme e conoiſance
E iurent damlideu qui preſ naiſſance
Ne laiſſeront en france eſte pience
Per deu co diſt girarz lafar magence
Quan (ſeonet mon dreit fez i) faillence
E tornet mon (nebot en uiltence)
E dex me doinſt ueoir quil ſen repence
De laiude girart ne ſa lon dire
Ne des mes quil trames ꝑ ſon aruire
Ne de ſa terre grant dunt ſei conſire
Des lai dum alemaigne prent a deuire
Dentros cas pors deſpaigne na ca de ſire
Ne remas cheualers de grant auſire
Caucers el cons ginars uint a concire
O lui li alemant mais de uint mile
E li roſſiloneis per deſconfire
E girarz qant les ueit enquet na rire
E loat damlideu e ſaint baſire
Cil ferunt en leſtor le gant martire
La gerre de girart ne mut ꝑ ſorsz
De alemaigne en ꝓuence les regorſz
Des mongiu tros quen aſp[r]e dandoz leſ porz
J uiennent li baron cuns ne ſen torz
Mais tan par ē de carle ganz ſes eſforz
Del ſaber ne del dire non eſt conorz
E laiſunt oleneis les plans es orz
E treſpaſſent berriu e ual de borz
Ne les metra mais carles en lons deporz
Sobre girart ſen uait fuſt dreiz u torz
En uaubecun cheuauge un a tanz morz
Dom fos li munz plus aus quen eſt niorz
Ml’t par ſunt gēt li plan de uaubetun
Ganz catre leges durent en un randun
Ni a mau paz ne faigne bos ne gaſ(u)n
Mais pur laige darſanz ꝑ deuiſun
Carles martels cheuauge a aualun
Cuidet le caſtel prendre mais rien n̄ fun
Eſ en un pui folcher le marcaucun
O lui mil cheualers qui ml’t ſunt bun
Cuidet loſt eſchecar mais rien n̄ fun
Per hoc ſil ſat li reis e ſie barun
E mandet en loſt a cels qui ſun
Cheualer nes por ſege ueſ eſperun
Ꝑ tant ſen uait folchers uers roſſilun
Encontret draugon e uuidelun
Luns fu paire lautre folchun
E guillelmes reinaut qui tec maſcon
Deuers lun cap ſen intrent dinz uaubetun
Aiqui uerraz drecar tant gonfanun
Tant enſegnes de giſez e tan penun
Mais de ſet leges firent de porpreiſun
Ce diraz ſes uiſſaz ꝑ plan cambun
Conques puis en iſ ſe[cl]e tau genz ne fun
e fu a un deluns qant laube appar
Que praz prent a flurir bos a fullar
Carles faiz trente grailles enſanz ſonar
Li cor furent diuoire blanc e perclar
Dunc ſorent li baron de ſon afar
Quen bataille campau a ſon penſar
Prent loſt a ſosmouer e a leuar
Anc non uis tan menut unde de mar
Com uiraz les enſegnes au uent annar
Carles dinz uaubetun leſ fait gidar
Lai o ferunt leſtor fort e amar
Que cil qui aiqui chaeit non pot leuar
Nainc pois a ſon arbert ne pot tornar
Leſtors fu forz e ferz com auirez
Quan querre lo deuet ꝓuoire e clerſz
Quen perdirent lor diſmes quere lor dreſz
Cai deuers carle fu li cons iofresz
Naimes e aimeris e andefresz
Eelins de boloigne el fors capez
Baiuer e alemant mil ꝑ uint uez
Portet lor aure flamine dus godefrez
Agiant funt langarde diquele uez
Li dus gui de poiters uaſſaus eſlez
A uint mil agianes quin portent fez
De langarde de carle fu faiſ ladrez
Dequale de girart auir porrez
Vint mile deſertanz del pui de trez
Ja corat ne uopil ni trouerez
E lai o il ſencontrent fu tauſ effrez
Ja maior uers aqueſt ior ne uerrez
Li dux gui de peitiers ne ſentre uis
A uint mile agianz nen i a pluis
Armaz daubers e delmes qe caſcuns luis
Langarde de girart omne ne fuis
Abanceis uos dei dire qui len eſtruis
Ponz e ricars e coines. ioans chatuis
El marches amadieus del ual de cluis
Caſcuns a catre mile eſ cheuauſ ſuis
Cheuaugent loiram fet tuit a un fruis
Eu men ai mereuille ſaſte ne cruis
Li marches amadieus ꝗ fu taurinſ
Moniames e mongeus e li cheminſ
Aoſte e ſeuze e monz ſeninſ
Set contes ac a ſei li palainſ
Coſins germans girart e ſes aclinſ
Sos cors fu granz e gēz aſſaz meſchinſ
E ſos cheuaus unſ bais a longes trinſ
De ſeſpade li branz uielz acerinſ
E ſon eſcu fu poinz uns colobrinſ
Veit lenſengne de carle ꝑ uns ſauzinſ
E parti de ſon rege diſ ſos latinſ
Ahi uaſſal contre autre queu ſui auuinſ
Li dus gui de poiters ler ſanz ueizinſ
E a tan bones armes li peiteuinſ
Nes aurie coittades an dos maitinſ
Li cheuaus deſoz lui nē eſt roncinſ
Pluſ uil ſail de ſon reno cūs montaurinſ
E laiſſerent ſei corre ꝑ plans cheminſ
Fierent ſei per eſcuz neuſ belueizinſ
Trauchent li cuirs el fus el gluz el minſ
Dambes pars ſunt fauſat lor doblentinſ
Si que meſtrent les lances ꝑ les ſeinſ
Ambedui ſe deſrauchent en unſ cheminſ
Au ſecors uiras poindre uīt mil meſchinſ
Lai o li dui marches ionguent deuant
Ne loi i ual eſcuz pur une glant
Ne aubers un bliaut eſcharamant
Luns met la lance a lautre bien p̃u del gāt
Ne ſabant de lor uies ne tant ne quant
E qui onques amet er es eſtant
Traie leſ de la preſſe que aurunt grant
Au ſecors i uont ioindre de tau ſenblant
Con auirei ſemprere ſeu uos en cant
Ponz ferit arluin gibers armant
Coines ferit girome roge deitrant
E iechans freelent arpins berlant
E ricars aelart garins gintrant
Vns rius marcheis de monſ e de breibant
Deſſeſſe nen reſterent dui entrenant
Lor conpaignes cheuaugent cuns nē reblāt
Lor ranz fant a eſlais lance baiſſant
E lai o il [ſencō]trent a grant mazant
Viraz eſcuz traucar dauberc cil pant
Cil coſtat e cil flanc el piz denant
Qant ſunt fraites les lances ſūt trait li brāt
Dunt ſunt trencat li elme reflameiant
Li ſanz e la ceruele ious en eſpant
Tant ni a chaagut qua uers qua cant
Dunt uint mile cheual riu uan uoiant
Entre lor pies lor reſnes fort trainant
Nen eſt qui un en prenge nautre en demāt
Carles ueit de ſangarde qui uait mermant
E girarz de la ſoe fort abaiſſant
Andui i ont ꝑdut cuns ne ſen uant
Carles a dous eſchieles e girarz dez
E caſcune a uint mile omes de prez
Li legier uont premiers bien ou ſabez
Oiauz a ſes bretons quil conoiſez
Seſchale ioinſt pꝛmiers delonc un bez
Sſenebruns de bordel uaſſaus eſlez
J es cridet gaſcon car requerez
Se ꝑ uoſtre ſegnor uoſ combatez
Sauſ ſerez e garis ſe lai reſtez
E oiauz diſt a(ſ) [ſ]eus car les ferez
Huimais er uolpilage ſes treuſez
E berton reſponderent bien en dizez
Breton cridēt mas lou gaſcon biez
A laſ lances baiſat eſtant tuit cez
Fierent ſen ꝑs eſcuz cols tenas clez
Tal freis ferent les aſtes con uns tāpez
A dex co diſt girarz tien moi en pez
Queu fere dreit le rei ioios e iez
E carles diſt aſ ſens le manz derzez
E loaz les nons deu e mantenez
Que doniſt uaintre lorguel quaſ ols ueiz
Plus aſmes genz daſſaz uaſſal unez
E uenqueren leſ bien ſe uos uolez
Li breton el gaſcon ſunt per egance
Lor eſchales uont ioindre ſene dotance
Viraz tant eſtu frandre e tante lance
Tan uaſſal de cheual dunt ſe uoiance
Mais (a)ſ eſpades trare fu leſfreance
Trencent aubers e elmes tan ꝑ eſmance
Maiſ de ſet mil en reſtent en la coiance
Tan deſtrer mil ſoldor preſtre quitance
Qainc puis a lor ſegnor ne nont cōbrance
Li breton el gaſco dic a fiance
Ja nen auront repruche nul leuc en france
Li goz el prouencal uinrent enſens
E ſunt deuers girart entre deous rens
Deuers carlon normant e poerens
Tan bon cors e uaſſaus e aēlens
Lor eſchales uont ioindre cuns n̄ ferens
Viraz eſcuz traucar e iacerens
Tante teſte ob elme caoir enſens
Mais de dez mile en reſte ꝑ uns uſlens
E ꝑ puis e ꝑ plans e perodens
Que dolens en fu carles li reis de tens
E girarz ſoſpiret qui ml’t ſe tens
E preiet damlideu qui nos raiens
Segner hui men aiude ni ꝑde riens
As uos ꝑ mi leſtor le uiel draugon
Le paire dan girart loncle folcon
E ſiſt el cheual bai godemucon
E ueſti ſon auberc mereuillon
Quiſſi de la fornaiſe eſpandragon
Onques enquer par armes falſaz ne fon
E a lacat ſon elme de baraton
Lobre ab aur e a peires tot denuiron
Plus reſplent que eſtelle ki luis el tron
E a ceinte leſpade de marmion
Eſcut portet e lance a gonfanon
E uint les ſaus menuz ꝑ plan cambon
Mais del gent retener ſamble baron
E eſcridet au rei en ſa razon
Per un ſol cheualer garde nol don
Vez uos lo duc teiri denant carlon
Dan reis conoiſſes uos iſ borgignon
Par mon cap co dis carles car aiqo non
Co eſt drauge li uielz de roſſillon
Li paire dan girart loncle folcon
El me tout ia ma terre e mon reion
Set anz naiſtei faidiz en un buiſſon
Tenez me ꝑ coart a uolpillon
Pos bataille demande ſeu ne la don
E carles reſpondet eus abandon
Trop naueiz pres lonc terme de ueniaſon
Aicheſte uuel ueer ſenz aucheiſon
Veis uos lo duc teiri del renc parcit
Peſet li del contraile quil a auit
E ſiſt en lauferant amorauit
E a des bones armes ſon cors garnit
E uint les ſaus menuz ꝑ praz flurit
Sei ome le ſegerent q̃n ſunt garnit
Teiris cride a la riue ueil chaume ſit
De la cheualerie uos uei gecit
Tant uos uei entres uo͞res que fˉc cubrit
E drauge reſpondet uez men aruit
Eu men amai ainc rien ꝗ mon mau git
E brochet lo cheual uez len ſaillit
Vez lauferan el gap e larrabit
E li uaſſal ſe ſunt aiſi ferit
Lor eſcut ſunt traucat frait e partit
E li auberc fauſat e deſconfit
Vez draugon ꝑ lo coube mort e delit
Car une auſne ꝑpis del fraiſſelit
La lance el gonfanon doltre en eiſſit
E tieris de la ſoe qui li gencit
Que leſcut e lauſberc enſanz cuſit
Mais nel tochet en car dex leſcremit
Drauge en torne o les ſeus quin ſūt marrit
Eſ uos teiri de laige al plan eilit
Lor eſchales uont ioindre de tal eſtrit
Viraz eſcuz traucar tan pez ubrit
E tante teſte ab elme de bot partit
E tan pie e tan poing e tant auit
La clar aige darſans tote encubrit
Del ſanc quen eiſ deſ morz enrubreſit
Bien orent li draugon leſtor baſtit
Se ne fuſt mors lor ſegne fuſſon garit
Quere ſe tient tieris ꝑ eſcharnit
Quil nen a de uint mile mil acomplit
Manſel e angeuin e toloigiaz
Cil furent deuers carle uint mile armaz
Veſtiz leſ blans aubers lelmes lacaz
Toz les helmes enclins e enbruncaz
De gn̄t bataille a faire uan conſiraz
Com ueltres en cadaines queſ amorſaz
Li cons iofreis lor ſegne les a gidaz
Parmi les gaz darſanz oltre paſſaz
En apreu paſſe(t) carles e ſos barnaz
Enquer nol ſat girarz ne fu menbraz
Ꝑ le dol de ſon paire ques ganz e chaz
Quant folche paraulet cū on ſenaz
A la fei deu girart le dol laiſſaz
Pos li dux eſt aſols e cumeniaz
Mais quant il porra eſtre ſi ou ueniaz
Adunc eſt en ſa ſele de pie montaz
E fu dune aſte nueue folce apoiaz
Tornet ſe uers les ſeus e diſt lor paz
Segnor franc cheualer er meſcoltaz
Qant ſerez en leſtor fort la duraz
Firez e auciez e deſraucaz
E quant uos en ſerez doutre paſſaz
Treſtuit pres les eſcuz el camp tornaz
Ce ſai melz ualt ꝓei[c]e que mauuaſtaz
E ſei ome reſpondent que predicaz
Mais annem leſ ferir deuerſ toz laz
Adunc fu bien leſtors fort aduraz
Bos e folche e ſeigins e li mellor
Furent mais de uint mile comencador
Viraz daur e dazur tan grant lubor
Dacer e de uerniz tau reſplendor
Tante lance trencant ob aurie flor
E tant donzel adreit enuaidor
E non preuc ſunt uengut li ferador
Ponz e ricars e coines li poingnador
Er cheuauge girarz a grant legor
Dans euldres uint ſes oncles un pauc e por
Dacheſte arere garde vos trai autor
Que ſunt ſeſſante mile ladurador
Ne ne ſunt de cembel a ꝓcador
Quant ueit ſon anemi tan dreit li cor
E fi le uait ferir de tau uigor
Que del cheual le met a terre por
Er (cheuauge) girarz a grant iror
Contre carlon martel lemꝑador
Carles uient uers lui a ſa feror
Er es uos une encance de gant dolor
Lai o leſ oſ ſencontrent ac un plan bel
Ni a foſſat ne barre bos ne ramel
Angeuin uunt premers e li manſel
Li cons iofreis dangers e li tornel
A girat ſunt uint mile el pin cenbel
Nen i a un trop uiel ne barbuſtel
Bos e folche e ſeigins en ſunt cadel
Lun criderent ualee lautre roſſel
E li pluiſor lenſegne carlon martel
Si com fauſ prent ſa pointe quant fert lauzel
De tal eſlais ſe querent li iouencel
Ni a tant fort eſcu toz non eſtel
Ne fande o ne ꝑtuiſt o neſcantel
Aſte reide ne fraigne o non arcel
Viraz tan dol leuar freſe e nouel
Tante cuiſſe cader a ſon trumel
E tan pie e tan poing e tan codel
Mais en eſt remazut el plan eſtel
Nen eſt ne mors ne uiſ de dinſ bordel
Qui feri e eſtort diquel mazel
Deu ac a ſanuador e gabriel
Bien ferirent manſel e angeuin
Toloignac e flamenc li bauduin
Ne lor ſunt li girart de rien a[cl]in
Boſ ne folchers ne folches a dun ſegin
Ci gident lor enſegnes ꝑ bruel fraiſuin
Ce nen ē autres bruelz queu uoſ deuin
Leſ flors deſ fraiſnes furent fer acerin
Enſeignes de cendaz e daucaſſin
Gonfanons ab aufreis e neu porprin
Dunt tan nobil uaſſaus receit gant fin
Dire quen na girarz a lo cors grin
Per tant eſt deſcenduz deſoz un pin
E fichat ſenſegnere laz un marbrin
Vn perrun danti tans del uiel el fin
Quot ia caſtel en laige en reuolin
Lodois li fundent ꝑ un matin
Quant le deſiretet diquel aiſin
Girarz puie el perron le gn̄t douuin
De leſ ires quil a carlon maudin
A reis ia dex n̄ uaille cors de maſtin
De les ires que a fu pres eſtaus
Ne ſe parti deſ ſeus ne bons ne maus
Oiaz lariere garde des ꝓuencaus
Qui ſen paſſent laz eſ ꝑ uns pradaus
E ſunt ſeſſante mile eſ bons cheuaus
E dans uuildreſ leſ gide li ris cataus
En leſtor qui fu forz fers e campaus
De lances e deſpades fant cols mortaus
Si que li car len gerpent cuit lor eſtaus
Tan ne porie traire uns ars nouaus
E teiris diſt a carle ne ſom egaus
Baillies men trente mile deſ pluſ cabaus
Ob es ert departiz li biens el maus
El reis li fait baiuers e tieſtaus
Ne ſauon per ferir plus naturaus
Teiris portent lenſegne un dus reiaus
E uinrent tot enſanz lonc unes uaus
Hui mais nen ert eſlis li plus uaſſaus
Deſertant per lo camp a grant gazil
Enſi vont per leſtor com eſtorbil
Danz eldres uint poignāt ꝑ un caumil
Quainc ne ueiſtes nul uiel quaiſi gaudil
Sis fiere nes aucie ne ſis eſcil
Boſ e folche e ſeigins furent ſei fil
Denant lui ſunt uengut li trei donzil
Teint e negre dauberc cun de faizil
Dans euldres iuret deu e ſaint oſtril
Sen podie ꝓuar un a uolpil
Eu en ferie munge uſau meſtil
Mentre quil leſ chaſtie cūſ non gecil
A atant eſ uos teiri de mon cauſil
Baiuers e a[lem]ans amereuil
E corent leſ ferir e li noſtre il
Ni a eſcu de trambe nul ne de til
Jnde ne creuc ne uert blau ne uermil
A (gro)ſſe aſte de fraiſne chebil
Ne a(ub)erc qui de ſanc toz ne ruil
Qui cai de bon uaſſal com a donzil
Mais aſ eſpades traire a grāt peril
Trencent aubers e elmes cap e cebil
Velz e boches e naz e ſobrecil
E tan pie e tan poing e tan aurtil
Ni ueugre eſſer coars tan ſeſtendil
Ꝑ tot lauer qui ſie tro a gazil
Danz euldeles uient poignant ꝑ caumeſc
Cainc n̄ uiſtes nul uuel quen aiſi treſc
Ne de cheualerie tan fort ſeeſc
Vit contre lui uenir un fort trieſc
Quapelent arluin de ual landeſc
Sene[ſ]chaus fu au rei a laucor deſc
Daico me mereuille dunt aitant creſc
E dans euldeles le firt en leſcu fresc
Ne ni uant ſes aubers pur un beresc
La lance el gonfanon doutre n̄ peſc
E deſrauchet lenuers del bai moreſc
Que ſeſt laiſſaz cader per tau folesc
Cent cheual li paſſerent ſobre el fraſeſc
Quainc mais naui eſtor quan aiſi breſc
Ne tante iointe faite en un caimeſc
Tan uia chaagut cel ne pareſc
Nanques puis a cel die ne reſurreſc
Folchers uenc apoignant ō facebele
Sobre un cheual mouent de cōpoſtele
A ueſti ſon auberc clar e ſtencele
Qui ne peiſe abaſſaz une gonele
Vaſſaus qui la el deſ de mort n̄ ſele
Folchers uenc poignāt per la uerzele
Qui gant cheualerie quiert e apele
E ſe il la demande uez li molt bele
Vez li deuant rotro qui tec niuele
Fiert folchers en la targe qab aur marele
Si que tote li fant eles cantele
Mais laubers eſt tan fors ne deſclauele
E folcherſ fiert ſi lui en la forcele
Tot li trence le cors ſos la mamele
E crabentet lo mort loing de ſa ſele
Puis eſcridet aſ ſeus firaz caele
Que nennent tuit cil cui reis cadele
Bauduins (li) flamens ueit de foucart
Con lor a mort rotro conte iallart
Vait ferir conmo uaſſau lombart
Qui fu naz deſ deſers de brun eſſart
Tau li det en leſcu quan pres li cart
Que la lance en paſſet de lautre part
E crabentent lo mort del rouiart
A dex con grant damage a dan girart
Atant eſ uos folcon mais top uient tart
Ꝑ hoc ſel uait ueniar de lautre part
Folche uenc apoignant ꝑ la beſoigne
Non ſeget bauduin car el ſen ſoingne
Del gandir denant lui nē a uergoigne
E (uait) ferir elin qui tec boloigne
Tau li det en la targe quab aur (redoi)gne
Que deuant li fauſet blan(can) ſa broigne
L(e) ſon cheual liart ꝑ mort le loigne
Lor renc fait cheuaugierēt cil de coloigne
E carles od ſes ſaiſnes ꝗ fu tremoigne
Ci mourunt les eſtors e la fort poigne
Vuildres uint a girart ml’t fort lenfeindre
En ma fei deu car neis ml’t aſ cor tendre
Co eſt carles queu uei del pui deſcendre
Folchones a bataille le uol atendre
Se or nel ſecorem perdrem i ſempre
E girarz reſpondet marce car ſendre
Eſgardat ai le leu ous uuel porprendre
Ne ferunt mais eſchales ques uei eſtendre
Deſcendet del perrun ſes armes prendre
Sonet un cor diuoire caſ ſeus en menbre
Cheuage deuant toz de tal atempre
Com uaſſaus qui bataille uol en cap rendre
Er cheuauge girarz a ſes amis
Compaignes lontaignes dautre pais
Ne portent en bataille ne uar ne gris.
Mais bliaus (uers) e teins taillaz antis
Deſuz fer e acer qui reluzis
E azur e uerniſ qui reſplendis
Bos e folche e girarz lamaneuis
Ponz e ricars e coines e otois
E ſunt catre cent mile q̃l breus lo dis
Adurat de bataille uolunteris
Soz les helmes enbruns dardit enclis
Atenderēt que carles leſ requeſis
Si fera il ſemprere bien en ſunt ſis
Damont ꝑmei un pui laz un concis
Deſcent carles martels de ſaīt denis
O lui baiuers e ſaiſnes e li letis
Alemans loherens leſ enforcis
Teuris portet lenſegne unſ dux marcis
Lai o gidet el cap qui det fluris
Nes pot eſmar nuſ om tan fuſt ꝑuis
A les lances baiſſar uns mot ni dis
Mais ne fu taus dols fais puis aquel dis
Lai u ſentrecontrerent aiquil dui renc
Li fers e li eſchin unſ non catenc
Ne del ferir ne ferent faille ne genc
Folche e li cons girarz aſ pimers uenc
Ob es li alemans el deſertenc
Cil de monbeliart e de uaubenc
E reniers e oudinſ li fil ardenc
Er ferent prouencal e uienenc
Nauar e arragon e li roſſenc
De cai baiuer e ſaiſne e coloignenc
E normant e francois e li flamenc
Enaiſi uont ferir cum caſcuns uenc
Non ual eſcuz ſon don pur un ſebenc
Car ſil ſeſtort de lun lautres lenpenc
Aiqui murent e (c)aient tant eſturlenc
E tant nobile uaſſal e aelenc
Tant ni a chaagut co uoſ couenc
Cainc puis nen leuet unſ ſi eu ne menc
No ne ferant iamais ce ſai eu benc
Tro a deu en iuize u eu matenc
Leſtors fu fors e ferſ cū auez dir
(Ne por)ūt les compaiges aitāt fufrir
Que lūs nen ānet lautre el cāp aucir
Comencent a laſſar e a murir
Laſſat a pauçar freſc a uenir
E girarz loz eſcrie del enuair
E carles preie aſ ſeus del eſbaudir
O perdues cent uez ni reſtunt mir
E dex cum ſunt iuiat ꝑ remanir
De terres alienes uinrent murir
Vnſ que fuſt faiſ leſtors de uaubetun
Fu predicaz cent anz el uiel ſermun
La quite pars des omes ꝑ deuiſun
J recegrent martire iuiement fun
Contre caſcun catal ac un barun
Vez uos lo duc teiri contre uuidelon
E dan ſeigin ſon fil contre naimon
Contre aucer naimeri qui tec neion
Contrel conte ginart li braibēcon
Qui fu dux de baiuere de la reiun
Ains ſeriez a rome dins prat neiron
Que luns ne requert lautre ſe ꝑ mort non
Euldeles ueit de teiri qui fait tau tort
Qui contre lui ſes mes ſon fraire a mort
Ne le mes de ueniar eu lonc deport
Enuers teuri tornet fauue elbuort
De droit i met la lance enor de tort
E feri le en leſcu un colp tan fort
De ſon cheual liart a terre el ſort
Puis eſcridet ſenſegne dunort dunort
E[re querez ma]iſ hui qui uos enport
Leſtors quauez auit amenteuer
Eſ plus lons iors de mai fu fais per uer
E duret tros le nuit quel meſcle au ſer
Que ſolelz uait coiar con far ſo der
Eſ uos tieiri cobrat el baucanner
Vait ferir uuidelon de tau poder
Tot li trenca leſcut el cuir dazer
Ne pot li fers lacer contre tener
Dautre part ne feſeſt le fuſt parer
E deſrauchet lenuers del maur el ner
Ne ues quet mais cinc iors tā cuit ſaber
Au ſecors uolent poindre ꝑ retener
Mais une aure leuet ꝑ deu uoler
Fors e fiere e hiſdoſe fait a temer
Que carles uit ſenſeigne a fuc arder
E girarz de la ſoe carbuns cader
Ꝑ ſignes que lor fait deus aparer
La bataille e leſtor fant remaner
La nuiz lor eſt uengude e iors failliz
E li celz ē teners e bruneziz
Dex lor moſtra miracles qui fu chaſtiz
Flamine lor ciet del ciel ꝗs entrubriz
Quel gonfanōs girart ē toz bruiz
E li carlon qui fu ab aur eſcriz
Tot en tanblent les cars aſ plus ardiz
E terre ſoz lor piez deſ la raiz
Ce diſt li uns a lautre ſegles feniz
Dunc fu girarz li cons eſpaueriz
E carles entres ſeus fort eſmariz
Dunc ſes loignent deſ autres e ſeu partiz
Puis ni fu cols mẽbraz nautres feriz
Eſterent tote nuit aubers ueſtiz
E qant li iors par ē ml’t fu iauiz
Virarz terre porpreize deſcuz uoutiz
De blans aubers e delmeſ ab aur ſartiz
Dunt reſplent li ciſtaus e laumatiz
De gonfanōs od lances taus plaiſadiz
Des mors uaſſaus qui iaçent ꝑ praſ fluriz
Fu toz li cans cubers e roueziz
Bos e folche e girarz lamaneuiz
Raioſtent lor conpaignes qant iorſ clarciz
Luns de p̃mers iraz parlet dauiz
Fraire germanz elin qui tint pontiz
F cons de ualencon e de uautriz
A reis partiz de deu cum es maudiz
Per ton orguel nos a aſeruentiz
Tei mees confunduz e nos traiz
Enquer n̄ eſt girarz li cons fuiz
Anz quil ſie uencuz ne deſconfiz
J auera mais ꝑdu daico ſui fiz
Tant i auez laiſſaz de uos muiriz
Jamais li dols aiches ne nert ubliz
Perdut i ai mon fraire e mes douſ fiz
Vez les la mors u iaicent deſoz cauiz
Eu men ai ꝑ le cors taus dous eſpiz
Ja ꝑ mige qui ſie nen er gariz
E ꝑ hoc ſeu nenere top eſgarniz
Lauerie que plais en fuſt queziz
Par lamme del baron el cors deliz
Au bon conſelz qui fu de lui eiſſiz
Cent baron deſ mellors i ſunt cuilliz
Premiers diſt galeranz qui tec ſenliz
Reis por queſt teus li danz li tors el ciz
Car en creis tes barons amiſ pleuiz
Tros quen ſie del conte unſ plaiz auiz
E carles en iuret la genitriz
Melz uoldrie enſtre enſenbeliz
Quen [ſi]e plais carcaz dum fuſ oniz
Quar ſe girarz nel cuel ꝑ ſoz mauuiz
Dunt ſeie auntaz e enueiliz
Dan ſe girarz nel cuel ſi cū tu diz
Dunt ert li tors de lai el dreis geciz
Si aura nos talanz toz aempliz
Des puis taiuderā non a enuiz
E qui ꝑ tei morra n̄ ert periz
Li manz fu otreiaz li mes chauſiz
Tieberz de uaubetun eſ uielz e fluriz
E ſaiues de paraules e enſeiliz
Mil dreiz aura iuiaz e eſcheuiz
Ainc nē fu dun tornaz ne cōtrediz
Ꝑ lui ſera li mes fais e furniz
Mais cōque fie plaiz maiſ hui auiz
Eu remant uaubetuns de morſ garniz
E cent mile donnes ueueſ de lor mariz
Tieber(z menet a ſei garnir de bl)aiue
(Coſin german girart e fis maiu)e
Mais om liges (fu carle de fieu ſon aiu)e
Siſt el cheual goton al amoraiue
Treſpaſſet mil donzels ociſ a glaiue
Si razonet girart la dōne ſaiue
Eſtait girarz iraz e peſencoz
Vez donant leſ meſſages loc ambes doz
Garners premers parlet cō dozelz proz
Girart car fai dreit e prendre noz
E li cons reſpondet toz airoz
E uos en iur le paire queſ glaurioz
Si cai uengeſt meſſages autres q̃ uoz
Que del poins e del pie le fere bloz
El ma mon paire mort reiſ de ſoudoz
Er me mande un plait tan enconbroz
Enes lo camp mees u ſui danoz
A ains ſen tornera luns toz uꝛgoignoz
Er paraule tiebers apres garner
A gize de baron qui amor quer
Ne reſpont mot dorguel ne trauerſer
Girart car pren conſel a ton enper
Ci uei eſtar folcon ton coſeller
Landric e aenric e don aucer
E car li loaz tuit franc cheualer
Con ageſt uers lo rei bon coſier
Car ſi tors cai reman nos el ſobrer
Colſelz ce diſt landris i a meſter
Aual en ca ribere en un ombrer
Se iaz euldres nafrat li cons treſer
Ainc ne ui tau baron ne tau parler
Tau ſaiue ne ſi prou ne tā gerrer
Conſ uai parlar o un conſel li quer
E ce quil te dira fai uolenter
Girarz uait conſel querre a uuidelon
Od ſi menet gilbert e dan folcon
Landric e aenric e dan gigon
Aual en ca ribere en un cambon
Jaz euldres ſobre un paile de ciglaton
Lordre ſaint beneeit quert con li don
Cant lai uiennent ſi fil e li baron
E girarz denant lui a geneillon
Onches conſel te quer e daz lan bon
Tal qui ne tort a unte na retracon
Carles me mande plait fin e pardon
Cai nat trames tiebert de uau beton
E garnir men coſin lo fil aimon
Bels neis marcaz en rent ih’u de tron
Ci a gente paraule ſenz aucheiſon
Pos ele nut premers de par carlon
Fai en fin uolenters ſenz contēcon
Eu coment amerai rei tant felon
Teuris ſen conſellers de ſa maiſon
Amatiues mort mō paire lo duc draugon
E mees lo ton cors qui mare fon
Ja ne rendirai le mien die ꝑſon
Se tan plait ne me fait qui ſie bon
E teuri ne guerpiſſe de ſa reiun
Eu tan ferai diſ euldres ml’t breu’sermon
Car ſe creire me uolez e ma razon
Ja ne ſeras retaz de meſpreſon
Vers ton lige ſegnor de traiciun
E apreu de ma mort mon fil folcon
Qui ne dera conſel ia ſe bon non
Ja nen crerai conſel que lon men die
Se teuri ne gerpiſt e ſa parie
E puis ne me fait dreit de la bauzie
Qua tort a ma onor preze e ſaiſie
E ma mon paire mort ma gent delie
Se ceſt plait ne me fait e ne mautrie
Ja ne ſera mos ſeindre ne eu ſienſ die
Euldres qant laui ſi ſen aire
Neiſ mult aſ pau de ſen e fol aruire
Poſ dex fu mes en croz canpres martire
Ne fu mais per un ome tā greu cōcire
Ne tant dolans iornaus ꝑ gent deuire
Aſ en maior pechat queu n̄ fai dire
Ne com ne pot contar ne clers eſcrire
Ce ne pues tu neiar ne eſcondire
Ne ſies ſes om liges e el teſ ſire
Nel pues cachar de cāp ne deſconfire
Que naſ forfait con feu quin uoudreit dire
Er ne morrez iſ plait maiſ hui deuire
Lordre ſaint benoit e ſaint baſire
Aicel uuel e deſir penſaz enclire
E girarz can lauit de duel ſoſpire
Segnor ce diſt girarz nen ſai concort
Vers carle el rei de france com me concort
Qui ma onor me tolt mon paire a mort
Premers reſpondet gale cil de niort
Carles en face dreit quin a le tort
Au iugement le conte queſt de mon fort
E dun autre barun qui nel deport
Nen a ſoing de tamor ſil ſen reſort
Er paraule landris de ſon eſtage
Gale ce que diſſez ſamble folage
Tuit li ſaiue de rome ne cartage
Ne li ſet iugeor del ren deufrage
Ne iugerient dreit ſon le damage
Aiſi com la mars claut tro al rimage
Na baron cheualer de nul parage
Ni aie ꝑdut home de ſon lignage
Mais pos dex nos ou a miſ en corage
Quin a fait demonſtrance a ſon barnage
E carles quert tamor ꝑ ſos meſſage
Ne reſponde orguel mal ne oltrage
Girarz fu ſos om liges queu ui lomage
Quen preſ de lui en feu ſon eritage
En recut amor e ſegnorage
(Si ſen retor) li cons en ſon omage
(El reis li rende tot ſon eritag)e
Si com fu deuiſat au mariage
Bien paraule iſt om dient li ſage
Car a el cors grant ſen e uaſſelage
Girarz ot de barons quil fu blaſmez
E entent de ſon oncle quil a(c)irez
Vient denant lui eſtar li cons en pez
Oncles marcet por deu uoſ iraſcez
Plait ferai uoirement poſ ou uolez
Belz nies co diſt li cons en me pliuez
Que daiqueſt couinen non deſdirez
Boſ e folche e ſegin enant uenez
Par aiqueſt couinent le mautreiez
Gilbert de ſenesgart lui i metez
Bernart mon petit fil ni oblidez
E gardaz le me bien e nuiriſſez
Meſure e ſanz car fil gent retenez
Amaz uo͞re ſegnor e fei portez
Ja ne ꝑdrez onor mentre uiurez
Aannaz uos en dans cons au rei mandez
Vos li rendrez lo ſon tot can auez
Acordaz uos a lui gent le ſeruez
Aico ert u͞r͞e pros ꝓeize e prez
Girarz part de conſel li cons iraz
Aſ uenguz leſ meſſages toz dautre laz
Don manderez a Carle co que uos plaz
Plait ferai ueirement poſ meſt loaz
Mais en uos en iur deu e ſans bontaz
Ja nen er ſos fials ne ſes priuaz
Sabanz nen eſt li dus del plait getaz
Si que nen aie a lui mais amiſtaz
Grant tort ſen ot li reis e ſei franceis
A ſa cort a orlins qant i trameis
Ne mi fu conſentis ne dreiz ne leis
Sanz dreit queu li uees ne tort li feis
A porpreize ma terre e mon paeis
E ma mon paire mort mō ren porpꝛis
Mais pos euldres mos oncles ou a enpꝛis
E li baron ou lauent de mon paeis
Plait ferai ueirement ſel duſ ni eis
Ab aiques morz tarzans cil unt apreis
Lai ſen uont li meſſage u fu li reis
Entor lui ſei baron e ſei marcheis
Teiris i eſt daſcane nafraz cū eis
Nen i a un tan ſaiue ne plus corteis
E cant li dux paraule ne fu mes preis
Li meſſage deſcendent tuit aiqui eis
E carles lor demande diiaz cum eis
Segner ce diſt tieberz com dome irat
Senz tort quil tagiſt fait ne dreit ueat
Aſ porpreize ſa terre e ſon regnat
E laſ ſon paire mort a gant pechat
E euldelon ſon oncle a mort nafrat
Mais ꝑ amor ih’u de ternitat
E libaron ou lauent de ſon regnat
Si fuiſſent li maufeit tot pardonat
Par aceſt mot furent tuit acordat
Mais cau darrein ouat lait encombrat
Quil iure damlideu deternitat
Ja nen ert toſ fials de tei priuat
Sabanz nen aſ lo duc del plait ietat
Si quil nen aie a tei mais amiſtat
Par mon cap diſt li reis ne ꝑ can uei
Nen uoudrie auer fait tal anelei
Ꝑ quen ait li dux gerre nule ſenz mei
E teiris reſpondet ſegnor marchei
Ne place a damlideu aumanne rei
Que iamaiſ ꝑ mon cors nuſ om gerrei
Cent anz a que fui naz e maiſ ce crei
Tot ai flori le peil e blanc con nei
De france fui ietat a gant be[ſ]lei
Paſſai un braz de mar a mon nauei
Set anz fui en eſcil a mont caucei
Aimes e aimeris ob andefrei
Mil fil ſerunt au rei e nos tuit trei
E eu lai tornerai ꝑ ſon autrei
Quen ſera bien girarz li cons au rei
Mi amic e ſegnor preiaz per mei
Car de tot me uuel metre en ſa mercii
C Carles qant lauit a grāt dolor
Mei conte e mei demeine e mei contor
Li bibe e li abat e li doutor
Qui maues a gardar mei e monor
Par le fei quen deuez ne ꝑ lamor
Hui donez tau conſel uoſtre ſegnor
Quil ne me tort a unte na deſoror
Queu ne faudrai lo duc a negun ior
Nel uoldrie aueir fait acel menor
Ca mei fus en bataille ne en eſtor
E li dux reſpondet per gant doucor
Ne place a damlideu au redemptor
Que per mei ſient mal li noſtre a lor
Ainz quel dus feſeſt gerre lemꝑador
Me uolient gant mal ſi anceſſor
Er me uuelent li fil ce ſai maior
Gralerans de ſenlis premierement
En paraulet au rei ml’t couiment
Carle eu ſai ke dex uuelt lacordement
Ce ſaz quen la bataille ou fais parent
Cant trameſt ſobre nos lo fuc ardent
Tan franc baron lai reſtent mort e ſanglēt
Noal en er en france a ton uiuent
Mais facent plait au duc per auinent
Com qui a tort gerreie top longemet
A tart ueit lo gaaig e ꝑt ſouent
Car compre co quen a e car ou uent
E ſune uet en puie maiſ en deſcent
E ſe rendez au conte ſon chaſement
Facaz en co diſt carles uoſtre talent
Mais de teiri ai ml’t mon cor dolent
Se girarz nol pardone ſon mautalent
En autre plait en uolt li reis carchar
Quil uolt lo duc el conte ml’t acordar
Mais girarz ne le uolt ainc otreiar
Ne bos de ſcarpion ne ſegins far
E li dux preſt coniat anc a annar
Lai iuraz tan baron ꝑ lui plorar
Er deuam la paraule mais hui breiar
Tant meinent la razon li bibe el par
Que ferent les compaignes ſenz deſarmar
E dant girart de peiz au rei annar
E font li ſon omage arafiar
Gerpir male uoilance loce baiſar
E la feide des mors fant pardonar
E les uis qui ſunt pres funt deliurar
Les bibes eſ abas funt demandar
Comandent lor lo camp bien a gardar
Les mors a ſofoir leſ uiſ ſanar
Tant franc baron la reſtent mort laz ſon par
Dunt li dols ſeſpant loing au repairar
Aſſaz ont lor amic mais a plorar
E donnes e donzeles a regretar
Ainc de forcor bataille naui retraire
Car ne fu nule aitaus pos dex ot maire
Folche e girarz i pert caſcuns ſon paire
E ne nos caut deſ mors maiſ hui retraire
Les anmes aient deu li cors ſuaire
Quant la gerre finet au main uiaire
Girarz en fez moſters ne ſai cans faire
En quel mes aſſaz monges a ſaintuaire
Girarz a roſſillon torne ſon aire
En ꝓuence ſen uait folche e ſeu fraire
Carles li reis en france ſi ſen repaire
De draugon ne re(m)az fiz ke girarz
E deuldolon pluiſeur de ml’t gaillars
Ce bos e ſeginſ folche e bernarz
E dans gilberz li cons de ſeneſgarz
E ſe teuris ſen uait per lor regarz
E ꝑ la pais quil uolt que gerre tarz
Ne deit eſtre clamaz ſel ne coarz
Tant preierent aſ contes dambes doſ parz
Que a cinc anz len mes un plait girarz
Ꝑ quei fu puis li cons clamaz traaz
E ꝑ hoc nen ſat el engiens ne arz
Mais bos de ſcarpion fait que gaignarz
E danſ ſegins ſos fraire el e foucharz
Gilberz tint ſeneſgarz e mon targon
E ſegins la contat de beſencon
E dans bos la onor deſcarpion
E bernar la contat de teraſcon
E folche la duchat de barſelon
Aoſte e ſeuſe e auignon
Ce fu tot del onor au uiel draugon
Ce tint girarz li dus de roſſillon
Mais paian len ont tout e eſclauon
Mais de .iiii. iornades a dreit peion
Com auirent le dol e le reſon
Del eſtor qui fu fais en uaubeton
V furent mort li conte e li baron
Cil paſſerunt les pors ſēs contencon
Tro a gironde uinrent a dreit bandon
Ꝑ ſecors ſunt uengut catre gaſcon
Dui en uant a girarz e a folcon
Li autre dui en france au rei carlon
Li reis eſt a paris en ſon donion
En un palaz qui fu rei francion
(Aiqui requert co)nſel del rei friſon
Q(ui gerre la mobude e li ſaiſon)
Li m(eſſage deſcend)ent toſt au perron
E intrerent lainz o carles fon
E dient li taus noues qui nol ſat bon
Premieres ou dis uns cons danſ anſeis
Ahi carles martel cum mau feſis
Cant tu en uaubetun eſtor preſis
E draugon ton baron i auceſis
Qant cuidaz enforcar ſenflebeſis
Ꝑdeu auons leſ marces quel duſ cōquis
De cai te ſunt uengut (amor)auis
E de lai te ſunt gerre li ſaiſne el fris
Se girarz ne taiude tor es conquis
El reis de mautalant ſes engramis
Premers parlet tenarz qui tint girūde
Segner reis uoſtre amors ne meſt ſegūde
De cai deuers eſpaigne naſ fait eſpōde
Aſſaillent mi paian de tote munde
Ne puis uolar en france ne ſui arunde
Ne nos ſaillir en laige tant ē pergunde
Tot le uoſtre ſecors ih’s confunde
A girart me tendrai par deu de munde
En reis ne ſat penſar que li reſponde
Anſeis de narbone parlet com bar
Don reis ia un de uos non deiſ gramar
Cuidiez uos ꝑ mal faire uos ait gēz car
Nos ne ſuns genz engleis doltre ca mar
Cant annaz en eſpaigne ta oſt gidar
E eu portent enſegne per cadelar
En tot lo peior leu que por trabar
Mas laiſſat en narbone queu la te gar
Aſſaillent mi paian doltre la mar
Mes portes mont fait claure e fort trar
Anz ne fuſtes tan proz ne ſi rius bar
Que maneſſaz de france lai aiudar
A girart me tendrai ſe dex me gar
El reis fun tan dolens ne ſat que far
Mais ſon cheual demande e uait mōtar
iqui eſ montez carles ꝑ iſ ſecors
Cainc ne ſe mes en rei tan ganz ualors
E trameſt ſos meſſages toz ſanz leſ cors
E mandet ſos barons e uauaſors
E a cent quince mile en catre iors
E furent aioſtat a lui ators
Enueiet ꝑ girart aiſſecors
Orguels fu e fennie e male amors
Que ſenz lui comenchat li grans eſtors
E ꝑ hoc ſi en fu ſoe lonors
Eſ prins lōs iors de mai ke tans aunde
Que carles ſe combat ſobre girunde
A paians deſclaudie une gent blunde
E a ci daufricans neirs cū arunde
Segurans de ſurie fiſt lapemunde
Aduicet cele gent cui deus confunde
De ces paians ſauuais tant ni auonde
Que ni uougre eſſer carles ꝑ tot le mūde
Ne trobe de ſenſegne qui li reſponde
Quant girarz ſorſt li cons de uau ꝑgūde
Lance portet trencant targe rodunde
Sachale ioint premere od la ſegunde
Aidunt fu la bataille aitant fegunde
De ſanc quen uei annar uꝛmeille lunde
Ainc ne uiſtes nul rei quaiſi rancur
Quant girarz ſaioſtet li con(s a lu)r
Ainz non ui tan baron tan ꝓu ſi dur
Ne ꝓeçe de conte quaiſi mellur
Tote ior ſe combatent e al eſcur
Al aube apariſſent uencu ſunt tur
Paian e aufrican au rei ſegur
Canc uns non eſchapet ſi non arfur
La bataille eſt uencue el camp finaz
E girarz del eſtor eſt repairaz
A taus mil cheualers des ſeus p̃izaz
Quant ꝑdues lor lances leſ brans oſcaz
Aices portent toz nus enſangletaz
Nen enterunt en feure tro ſūt lauaz
E furbit a canſil e reſudaz
Per le cōſel folcon queſt ml’t ſenaz
Fu li eſchaz a carle ſanz preſentaz
E li reis diſt girart cons tot prennaz
E donaz la uos omes cui mels amaz
Per itau cors de conte ſerai prei(z)az
E cremuz e tenſuz e redotaz
E amerai uos mais que ome naz
Si ne reſte en uos la mauuaiſtaz
E eu uos dis girart don ſe uos plaz
Ja ne partire maiſ lor amiſtaz
Cant bos deſcapion leſ a ſeuraz
Aico fu ſes granz dols e ſeſ pechaz
Car il en fu puis mors e afolaz
E dans girarz li cons deſeritaz
Tan bien reſte girarz li cons au rei
Quot lui len maine en france a ſaint romei
Toz li diſ ſes conſels tant laime e crei
Er puet girarz en france far tort e drei
Jl ni a tan ric ome uers lui ſaucei
Qui ait forfait ſa terre ne ſon paei
A dan girart la donent au riu marchei
Li cons en prent ſil uos de toz la lei
Tan bien reſtent enſanz li cons el reis
Nen a baron en france nē uꝛmendeis
En berriu nē auuerne ne en foreis
Sel fait lait tort uers carle ne li faeis
Que nait forfait ſa terre e ſon paieis
A dan girart la rendent au riu marches
Aiſi ſunt bien enſanz ſeſſante meis
Que ainc ne li fez chaus nel rien qel peis
Ains li fes ſes batailles a paians treis
E li conquiſt par force rabeu le freis
Li termes eſt uenguz qua teuri meis
E carles de ſon duc marcei requeis
E girarz li pardone quanqua forfeis
Dunc fu mandaz teiriz ſampre aiqi eis
A ſaint denis en france girarz i eis
Cai mar torna li dux en ſon paieis
Ꝑ tant leſtut murir ꝑ ueir anceis
Faite en fu felonie e aneleis
Carles mandet ſa cort e fu bien granz
De barons loherens e dalemanz
De ties de francois e de normanz
Fu i tieris daſcane li repairanz
Li ſaiues dreiturers li uuelz ferranz
Ainc ne iuia un tort ſos eſcianz
Ne cainc ne pres loger le pres duns gairz
E ac enſemble o lui ſes dous enfanz
Girarz les pres a omes e a comanz
Le ior les auciſt bos cum ſoduianz
Per co renchet la ire e li mazanz
E la gerre mortals maire quaanz
Li dux teiris repaire del lonc eſcil
Del pui de la montaigne de mont cauſil
Carles mandet ſa cort a mereuil
Vait lai bos e ſegins e ſeu donzil
Se gerre orent li paire raurant li fil
Bos tout unches la teſte ſor le chebil
Per ce renchet la gerre e tal gazil
Des carres daiſtes fraites a un tornil
E carles enchauchaz ꝑ un caumil
Se ne fuſt roſſilluns mors fure il
Qui auez la gerre e la tencon
Quot carles a girart de roſſilon
E com la meſcla bos deſcarpion
Car il retint folcher le mar taucon
Quenbla leſ cheuaus carle ſoz montargon
Quant li reis fu al ſiege a roſſillon
E de teuri lo duc le riu baron
De leſtor qui fu fai en uaubeton
V il auciſt draugon e uuidelon
Luns paire girart lautres folcon
E li enfant reſterent ch’ual’r bon
E de taus ni a furent pau mancipon
Ere ſunt tan cregut cheualer ſon
A un deluns de paſque ſurexion
Lencontre en la cort le rei carlon
Eu quos en mentirie cauciſtran lon
O fu a une paſque ce mes auis
Que carles tient ſa cort grant a paris
Teiris li dus daſcane lai fu aucis
Dans bos de ſcarpion ſa lance i mis
E per paire e per oncle ueniance en pris
Ꝑ ce renchet la gerre aiques dis
Ce fu a un deluns prin ior ſemane
Que carles tient ſa cort grant e forcae
En la ſale a paris ques uielle ancane
Cant li reis a mangat dur meriane
Li donzel uont burdir a la quintane
Aual ſoz la citat lonc la fontane
Grant dol i unt mogut ꝑ lor folane
E[n]trels i ont leuat une meſclane
Mort unt teiri le duc le don daſcane
Dans bos deſcarpion qui tint cordane
J mes tote ſa lance parmi lentrane
E taus ſeſſante dautres cuns ne ſen uane
Cainc nonui ſigarmer toc adeiane
Mais pois le uenget uges de monbriſane
Ꝑ le conſel gauter au fort debrane
Qui ne fe⁎laide chauſe ne citolane
Ains fu fait en bataille bien gn̄t cāpane
Mais de mil en uiraz ꝑ campe plane
Cuns de ces nen a cors ne teſte ſane
Soz paris la citat en cambon
Quintane i ont baſtie ꝑ tracion
Fait la boſ e ſegins de beſencon
Li fil teirri lai uant pau mancipon
Luns portet une uerge lautre un bolzon
Cil uont a la maiſnade qui dex mal don
Bos tout caſcun la teſte ſoz le menton
Ꝑ co renchet taus gerre dunt fins ne fon
Tros quen fu mors dans bos de ſcarpion
E carles encauchaz ꝑ un tendon
E girart en eiſſi de ſa reion
Quel cons en portet puis en gaut carbon
Li fil teiri lai portent uerges pelades
La meiſnade bozon targes roades
Soz lor goneles unt braines ſafrades
A ſaint german lor ferent les racelades
Aiqui lor ont les teſtes del buſ ſeurades
Ꝑ co ranchent les gerres tan irades
Cent mil ome en eiſſerent de lor contrades
E mort de purs cataus cinc cenz carrades
Dunt ſunt les terres gaſtes e aermades
Li fil teiri lai portent bliaus fronciz
La maiſnade boſon aubers ueſtiz
Soz lor goneles unt breines treſliz
Sil uont a la maiſnade ques unt traiz
Bos tout caſcun la teſte ſoz la ceruiz
E puis auciſt lor paire li deu mentiz
Le duc tieri daſcane dunt fu aiziz