Girart de Roussillon (Manuscrit d’Oxford) - 2
arles part de girart e de borgoigne.
O cons la tant ſeruit nō auꝛgoigne.
Vaiſent ꝑ lo(hereg)ne tro a coloigne.
E mandes ſos baíuers e de ſaſoigne
E diſt a ſon conſeil quil ne reſoigne
Que ne preiçe un eu tote ſapoigne
Se girart de ſa terre fors ne redoige
De ꝓuence e dauuerne e de gaſcoige
Ainc n̄ uiſtes nul rei tanz mauſ aioigne
Carles mandet ſa gent n̄ dis ꝑ quei
E comandet caſcun caduie o ſei
Ses chiens e ſes lebriers eſō arnei
E pur cheual e armes aquemanei
E tieberz demandet armes a quei
Apele o ſoi teuric efurent trei
A uos dous ou dirai o plus me croi
Girarz nō eſt mos om ne ne tient fei
E ſeu mal li pois faire ne me deſlei
Jrai aroſſilon prendre que dei
Cache bois e ribere e mon conrei
E cele epluſ aſſaz ſi aiſe en uei
Jſ conſels diſt tieberz n̄ iſt de mei
Quel conte faciez mal nil uos gerrei
E uos que men direz diſel teuric
Seiner li paire ſunt mi enemic
Ne uos uuel dar conſeil ia dˉo bric
Que co dient tei ome ne tei amic
Ques aie mes en gerre ne en ſtric
Co ſai tan ſunt donor e dauer ric
Griu ſerrunt conqueſut co uoſ afic
Non uuel co reſpont carles comínen p̄dic
Ere reſtent li uiel uiennent li fric
Ques frai tot manant cel plus mendic
Don meſtier uos arant iouere e entic
Neu ne uos poiſ faillir au uerai afic
Carles ueit taus cent contes de ſoz un bruel
Jouenceaus e meſcins e plains dorguel
E brocet lo cheual obes ſecuel
Cache auam e ribere erbage e fuel
Mais ual aiſi annar queſtar dinz ſuel
Aiudez me ueniar dunt pluſ me duel
Queu uos am plus aſſaz queu ne ſuel
Don cheuauge abandon e nos acuel
Conquer honor e tˉre e done e cuel
Ne gariſſe tes ſaus tors ne caduel
Ne nos tiegnēt tampez qui muel
Vos me donez conſeil tal con eu uuel
Non i a un tan paubre ſamei ſacuel
Nou doigne quan uoldra de cor ne duel
Carles a cor ualent e cuer felon
E diſt non ſoufre par en ſa reion
Furent o lui ſi conte e ſi baron
E ſon obes lor mitetes e lor bracon
E treſpaſſent ardane e bois dargon
E ꝑ hoc ſciant pres prou uena e on
La reine ou apres emandet lon
Girart. quere ſa grant de traition
Mais li cons a cor noble tant e baron
Que nel creeit trouit la meſpreizon
E ꝑ hoc ſimandet conte folcon
E boſun e ſeigin de beſenzon
Carle uent de chachar per un ſender
Elauerent li tuit ſi conpaigner
Qua ſaint prezant ſe an au moneſtꝛ
Aiqui a aige dolce peſc e uiuer
Beuran aſgez ꝑgunt noſtre deſtrer
E peſtrant ꝑ ces praz mul e ſomer
Es uos enchat laire e lenconbrer
De quei pois furent mort tant cheualer
Er auires de carle. girart. quequer
Carles uent de chachar del gaudardenie
Furent o lui cent conte dune iouenie
Caus treit uautre o lebrer en ſa cadenie
E portent aurions a la fort peine
E ſec lautre maiſnade quel reis ameine
Entros ca roſſillon non tec ſa freine
De ſors le mur erbergent aes lareine
E fant les cheuaus corre ꝑ la uareine
E li ſomer paiſcient a la paleine
Es uos enchat de gerre la pime eſtraine
Ml’t durra longes acheſte peine
Qel termine es enchaz quel lune ē plaine
Soz toz omes eſt carles reis enuííous
Hanc ne uiſtes negun tan orgeillous
Soz roiſſilon erbergent eſ praz erbous
E fant tendre ſos traus ſeiſſante dous
En caſcun a poin daur reſpeſious
E li cheual as lautres paiſſent lo rous
Lo reis ueit lo caſtel tan cobeitous
E iuret damlideu le glaurious
Siou mere lai de ſus con ſui ca ious
Non ſerie girarz cons poderous
Aiqui a un donçel manſit e tous
Qui li reſpont treis moz contrarious
Se per traicion nere ſeiner deuous
Cel cap que auez negre auriaz rous
Que laguiſſaz de geerre plain gant eſcous
Tant ſai girart de gerre mal engignous
Quil ne preiçe lamſtre uaillent untrous
Quant lot carles martels quel contrarie
Que ia naura la tor ſel neſt traie
Apelet un dolcel de ſa parie
Bernart le fil poncon de tabarie
Bernart uaime agirart ſel me couie
Rende me del caſtel la maiourie
Queu hui uoldrai laiſſar ma donzelie
E ſel faire nel uelt quel me deſdie
Jainz ne uerra paſſat carante die
Moſterrai li de gent tal oſt monie
Cent mile cheuailirs de lombardie
Eſtre gríuz e romains e ces dongrie
Eſcos e englezeis per eſtablie
Giuera les amailes de rauchopie
Que mile auciſt ſon paire ſoz ꝗnq;⁎nie
E lai oprendrant terre ferant fuillie
Que anc ne fu ꝑers cis aſſaillie
Ques pouges retener murs ne charrie
E ſi girart ne rendent en ma baillie
E ſeu prendre nel faz ia reis non ſie
Li donzes eſ montaz e tec ſa uie
E carles feiz orguel e galaubie
Qi ꝑes tau meſſage lai enanuie
Ci comence lorguels e la fulie
Qui nō fera oian liumēt fenie
Fors au maiſtre portau de roiſſillon
A deſtre con on intre ac un perron
Fait une genelee tau denuiron
De quel ſcint li pirar e leſtelon
Tuit obrat aſeldoine neiſ li cebron
Les croutes e les uoutes de mꝛ leiton
Aiqui diſne. girrarz. ſon aurion
Tau mil de ſa maiſnade tot enuiron
De quel ſun obaufreis lor auchoton
E ſunt de uermeil paille lor tubiō
Atant es uos bernart lo ſil poncon
E ſaludet lo gent en ſa raizon
Dˉs ſaut girrat. is cōte com riu barō
Amis e deus gart illi reſpon
Vos me ſambeis meſſage depar carlō
Si dex mauit diſ il car eu ſin ſon
Er te dirai ſanprere dun te ſomon
Que rendes le caduel e la maiſon
E ſe uos deſdiſe ſes un mot q̃ non
Ja ne uerreiz la feſte de rouiſon
Moſterra uos mos ſeiger tā riu barō
E laifors per ces praz tā paueillō
Inde e uermeil e iauſne tuíligirō
De color e ꝑguices come pouon
Con nōuit tāt enſeignes en un cābō
Ne per bataille faire tan riu baron
Amis co diſt girraz baiſies aicon
Ja ne me mant lo reis nule auchaiſō
Mais ſi prenge le mien come le ſon
Quant ſa maiſnade eſcide tote aūton
Ne tain de poindre a fou ne a bricon
Car ſe traire ten pouz per traicion
O il te fera pendre come lairon
O toz iors te tendra en ſa priſon
Cainc mais ne fuſtes rei itāt ſelō
Qui conſenti lamort deſ fis ei on
Quant il ne porent faire fī adueon
Quant paſſerent la mar au rei otō
Mais ne len pot moueir aute tēcō
Quain non ſosfri recet drazaualō
Girrarz ot lo meſſage tan enreiſnat
E es drecaz en piez e a parlat
Bernart tu ten iras au carlon trat
E dííaz me lo rei per quen debat
Car eu tien en aleu tot mon ducat
Ne irai a ſa cort de tot eſtat
Mais ne me ſai de ſes tan eſtragat
Queu rende le caſtel ꝑ tau foudat
Ja dex nen aie manme en poeſtat
Sabāz nē ſut mil mort encāp iuíat
E meit franc cheualꝛ. ious cabentat
Si qan ſerōt li camp de ſanc moillat
Quāc nauiſtes nul rei tā coracat
Dune rin diſt bernarz que me direz
Er mandera lo reis toz celz de mez
Franceis e englezeis e dais lo ſeiz
Qn̄t uerrez ſetcēt mile armaz depꝛz
Non aurez tan fort mur toz n̄ eſpeiz
Tant ne ſerez dedinz ious nē annez
Bernart co diſt girrart ere maugez
Que par le bateſtire que uos tenez
Ne dout ueſtre manace ne ne laprez
Abaanz chiel el fouſat en aie dez
En uerrez tant murir de pluſ euez
Ja ne cuit que prouoires lor ſietez
E meruel me molt ſe cauienez
Mort u uencut non eſtes ſi herbergez
E uos co diſt bernarz com ou ſabez
Se maintenes lorguiel q̃ uos aueiz
Lo tort e la baudie que ca tenez
Mais ſera lo rois febles e quez
Se dai queſte paraule nō deſdiſſez
Dune rien diſt bernarz quē direz uoſ
Tāt ſai charlon de gerre mal engigos
Et le ſai ſi fer e nartos
Quil mādera ſes omes deſmareníos
En uerraz ſet.c.mile armaz de ꝓs
Nē aurez tā fort mur toz nō eſcros
Tant ne ſerez de dinz ne annaſ ious
Mais faizez une coſe qes es ganz ꝓus
Coilliez lenperador cainz a uos
Nirez a ces clocers e murs e tors
Ne cuit carles martels iabaut ꝑ uos
Adunt paraulet folche dolzels ꝓs
Bernart dirai uos ou per glaurios
Tāt a carles martels enprez uꝛs nos
Car ſi intre cainz a plus de dos
Tan bon elme brunt uerres terros
E maint franc cheualer mort tenebros
Enuers iaçer ſennant ꝑ cel perros
Qainc mais non uiſtes rei tan corecos
Bernart co diſt girars ꝑ qel mon diz
Que tant coneis lo rei e ſos mauuiz
Que ſil er en ca tor laiſus plus fiz
Verreit de mun caſtel cum ē baſtiz
E cum il eſt enchaz deſ la raiz
E uerreit mes eſtāz eſ bruiz fluriz
Si uerreit mes dōçelz queu ai nuriz
Criem q̃ carleſ martels fuſ ſos mauuiz
E eu men remandrie folz es bahiz
Plus ten dirai bernarz girarz li dis
Quant uerreit mon palais qui reſplendis
E lun caire en lautre per mageſtis
E uerreit les carboncle ꝗ reſplēdis
Sanble de mie nuit que ſoit midis
Criem que carles martels lencobeis
Cabanceis me deſfie queu le gerpis
E me metra lo ſiege ſi con tu dis
Mais il nen prendra ia tāt cō il uis
Gran tort me fait li reis co meſ auis
Quant per itau folage ſi menuais
Au darrain mot girarz dis ſon uiaire
Roiſſellons fu toſtens alues mō paire
E ſil ma otroiat noſtre enperaire
E tote mautre onor tro aſenfaire
Ne len fera ſeruiſe li filz ma maire
Li caſtels ē bien forſ el murs de caire
Neu ne le tien de lui nen ſui bauzaire
Ne nen ſa cheualer regun retraire
Catre nebous ai proz qui tuit ſunt fraire
Li ſordere len pout fulie faire
Seu uuel a monleum a ſon repaire
Bernart co dis girarz ere ten uai
E diiaz me le rei q̃ ml’t mal fai
Queu tien tot en aleu des leire ēcai
Nē irai a ſon droit tāt cō uiuerai
Ja dˉs non laiſt ueeir lo meiſ de mai
Sabanz ne me metie en tal aſſai
Que perdrie del cors del ſāc un rai
Que rendre le caſtel ꝑ iſt eſmai
Ne un dor de ma terre de qanq̃n ai
Per deu co diſt b’narz car biē ou ſai
Ab aicheſte paraule ſen torne e uai
Ere ſen uait bernarz e ſen partit
Endreit au trat lo rei eſt reuertit
E carles li demāde quant elle uit
Ere me di bernart quen as auit
E mal aie daico quil en mentit
Aleus eſt roſſilluns au ueir afit
Ainc ome li siens paire reiſ ne fuit
Car non fera il uos ſi com el dit
Quant lot carles martels ſē feraſit
De dol e de malame tot negreſit
E at mandat ſos clerges ſos breus eſcrit
De france e dauuerne e de berrit
Lai aduiſtrent tan contes n̄ manatit
Sobre girart le cōte lo frāc ardit
E tindrent li lo ſiege tot un eſtit
A une aube aparent ſonent litit
E uant a roiſſillun ant laſalit
E girrarz out tau deche qain n̄ gecit
Ne om de ſa maiſnade ne li faillit
A catrecent deſ ſeus quil ſen eſlit
Armaz daubers e delmeſ fors ſen eiſit
A ces bares maienes tant en aucit
Quen corut ꝑ herberges de ſanc li rit
E ſe carles li ſiu len enuait
Jſte pimere uez ne ſen iauit
Aucis lor a girarz man franc doncel
Sen gonfanun en porte de ſanc uermel
Que len corut ꝑ laſte tes quen lartel
Nen a nul ome o lui non mereuel
E regarde ſor deſtre ꝑ un caumel
Na cheualiers en cap aitat cabel
Com uit elmes luiſir contre ſolel
Jntret ſen el caſtel de ſoz un tel
Ni a porte negune qui ne coreil
E trait ſos meillors omes ab un conſel
Vos ou diria armant de monbreſel
Bos e folche e ſegins ſunt mi feel
E annant per ma terre ab un adel
O trobent mon amic an ſen ob el
Sa carlon ne conbat ne pres un grel
Se ne mue ab eſpades tant gn̄t eſuel
Ne gariſſe ſoz elme caſp ne cabel
E ſe deus en bataille men fait parel
Ainc mais rois uenot dol auers achel
Er ſen uont li meſſage tuit trei garnir
Ne uuelent lor ſeinor ꝑ rien faillir
Mais girart aiquel conte en grat ſeruir
Per une porte pauce ſen uan eiſir
Que carles ne li ſiu neſ pout chauſir
E reuont li meſſage ſecors querir
Ainz ques ueie girarz criem que ſuſpir
Er fait ſemblant li cons de fol atir
Qui fait de ſes bordeis ſen mur garnir
E preie lor que uellent com ꝑ murir
E ſe carles uos uient cai aſſaillir
Jetez peires e rauches ꝑ tal air
Que les facez arere loin repentir
Cui caut ſi le lor preie deus les air
Cainc ne lor en menbret au ſon partir
Qui a gente mullier uait i burdir
E qui nen a ſamige uait la rauir
Vont ſen ꝑ lo caſtel ꝑ tot durmir
Ni auiſez parlar ne mot tentir
Ne gaite freſtelar ne cor bruir
E reſunt ml’t leger a eſcharnir
E li garſe leuet quis uait trair
Carlō e ſa maiſnade dedinz cuillir
Autre rien fait girrarz dūt meſtait mau
Car il pres dan fulcher le mareſcau
E lentremet la ius au trat reiau
E fulcher quant i uint ne mes en au
Per ſon encantement lo mes en bau
Ni remaſt pauelluns tenduz ne trau
Ne ponz daur cuit darraibe ne de ciſtau
E u[int] ſoz mont laſcon el plan pradau
Aichi paiſſent cent mur e cent cheuau
Aices en mena tos ne mes en au
Fait les cargar dauer bon conmunau
Paſſet ſoz roſſilon del primer iau
A carpion intret per lo portau
Des uaiſele que ietat de fors enau
Ne ſai preizar les liures daur cuit que uau
E girart receit fraite quanc nō p̃ſtau
Que perdet roſſilun caſtel cabau
Ꝑ ricer de ſordane ſon ſenechau
A deus com ele eſtait a bon gerrer
Qui de fil de uilan fait cheualer
An fait ſon ſeneſchal e conſeller
Com fait li cons girarz malet richer
Qui li dona onor grant e muillier
Pois trai roſſillun a carle au fer
A deus que ne le ſot li cons tes er
Ni ageſt a la gaite ſi man porter
Girarz ac un ſon dru ſon acreent
Tant mar i ment li cons ſon nuiriment
E li dona muillier e chaſement
E porpenſa li garz en ſon iaçent
Traira ſen ſeinor a ſon dorment
Chauſe ſei e ueſtit mais non fais lent
E uent au lit au conte les chaus en prent
E deſfermat la porte coitadement
Endreit au trat lo rei en uent corent
E cant fu au portau ſi ſe catent
Ere uuel quen diiaz uōre talent
Queu rendra roſſillon fera ou gent
Sil en aura en france nul chaſement
E carles li reſpont ſenz mentenent
Sel ſe uout a rauane o boniuent
De ces dous dons le met a chauſiment
Maiſ ne len ſera nige tan paubrement
Se el lo put tener alongement
Mil cheualers nen aie a ſon p̃ſent
E ie me don daiqui queu le te rent
E carles toz premers p̃s garnimēt
E ſa meiſnade ſarment tuit enſement
Anz que paruſt del die laube aparēt
Agran de roſſillon le mandiment
E les claus de la porte el garz los rent
Er ne ſai de girart ſon gariment
Se deus ne len cōſeille nē uei neient
Carles pres roſillon ſenz porte frece
Ni a drecat perrere ne grant eſtace
Nen i at colp donat de fuſt ne dace
Nem preſt cheualers pous meſtrace
La nuit ferent bordes fole eſcardace
A lor enteuertit la pire frace
Tote la mare honte ſor els enbrace
Ai girars riſ cons cau la tan face
Li cons girarz iazi en une tor
E ne furēt o lui mais trei contor
Aicil ſūt condurmit a la fridor
E li cons raſidet de la freor
E entendet la neiſe e la ruor
Qe ſūt lafors dozeles e uauaſor
E eſtrāze e piuat grāt e menor
E reclament girart lor deeit ſeinor
E uiſt aubꝛc e elme qui la for cor
E pres eſcu e lance quil ſat meillor
La o ſat ſon cheual cele part cor
Ja len traie fors trei lecador
A caſcun fait uolar la teſte por
Pois es montaz li cons de gan uigor
Ꝑ une porte pauce ni ſai menor
Per la ſen iſt li cons a grant iror
E cubice lo rei periur tracor
Dˉs cō mau uait del conte ꝗ ꝑt ſonor
Quant la nuis eſt tenerge qis fait eſcur
E la maiſnade carle ſunt ꝑ lo mur
Eſgarderent les rurs fort e adur
E il nen i a ome negun tan pur
La mort girart ne parle o ne la uir
Per une porte pauce point adaſur
Per la ſen iſt li cons qui quel rancur
E ſes cheuas len porte de tal atur
Ne cuit que meldre bisce derbe paſtur
E iuret ſeint martin lo bon tafur
Mais am la gerre afaire que tot ia fur
San deuie murir a lei de tur
Sin aucirai lo rei iouene e maur
Quainc ne uiſtes maiſ gerre tan longeſ dur
Vne tor i a fort gente e caucine
Li cartel ſunt de pirre alemandine
Le ꝑget faiz de fors gent ſarrazine
E fu de ſus cuberte ꝑ art tapine
Liſol⁎s en fu tan uerz come ſabine
Cel qui uol bon auer uerſ lai ſazine
O cobertor de matre gris o ermine
Non aie dargent mere oiaſterine
Caus en a un ſeſter o plane mine
Mais en agrent garcon e gent rapine
Qui nen ot el treſor milon daigline
Er uait lauer gerart a deſcepline
Qui trobe ſa parente ne ſa cuſine
En iſ leuc en fait fur rap o tragine
E li cons en eſſit la caire encline
Carles comence gerre caloin define
Ere ſen uait girarz ſus en ramunt
Sobre un cheual tan bon tan leſemunt
Non pot trobar de corre qui puis launt
E puige raus e flors un pui rodunt
E torn7 ſoz foz un iu a une font
Ot la neiſe el caſtel quel raial funt
E le gap en la tor e ſat bien dunt
De ſon treſaur quen traien li ner el blunt
De mautalent ſe plaint 7 dire grunt
E porpenſe en ſon cor conreis ahunt
E uint ſoz roſſillon au ſobrer pont
E trobet maneſer lo fil reimunt
O lui doz filz de contes qui aiqui ſūt
Aices ietet toz morz el ga pergunt
Ꝑ lo caſtel ſeſcrident cuns n̄ e rebunt
E girarz a la uie eſ leuc ſapunt
E iur7 damlideu e ſain ſimont
Qe ſe carlon de gerre tot ne confunt
Mais li fera de mal que om diſmunt
Anne uiſtes eſtor ſi porſegut
Es uos primers rener un carlon drut
Vat manecat girart qn̄t la uegut
Vait le ſouont clamant dan cōfundut
Le cap de uoſtre onoz aues ꝑdut
Ancui rendreis au rei dolent ſalut
Girarz la bien auit e entendut
E ſau conte fu greu il aparut
E uiret lo cheual ꝑ grant uertut
E annele ferir ſobre les ſcut
Que treſtot le li a frait e fendut
E ſon hab’c fauſat e deſcuſut
E crabentat lo mort el prat erbut
E diſt une paraule quant la uencut
De la folie dire uos uei tot mut
A tont mont enuait e deus maiut
Carles a un donzel garatolein
Cil a lo cors felon e dire plain
E uait ferir girart aiſi couein
Li aubres qua ueſtit ne li uaut rein
E girarz firt ſi lui de plain en plain
Que li trence le col per mi lo ſeim
E crabentet lo mort au caut ſerein
Puis diſt alaltre mot ten dei nein
E cobre le cheual ꝑ mi lo frein
Ere enporte girarz ml’t aſpre plaie
Que li ſans ꝑ hauberc de fors len raie
E mal aie daico quil ſen eſmaie
E a pres los cheuals cum nen il aie
E diſt une paraule qui ml’t fu gaie
Atant men prendrai ere tro plus en aie
Mal ait quin prent oian trege ne paie
Qui premers de la gerre nen ſen aſaie
Ere ſen uait girarz uers auignun
Qui ne deignet tornar dreit a diſon
Au ſetme ior i fu de roſſilon
Aſ li primers uengut conte boſon
Qui lannaue ſecorre a drei bandun.
O lui mil cheualer qui ml’t ſunt bon
Quant ueit nafrat lo conte dolenz en fun
E quant ueir quil uenra a gariſon
Puis demande les noues de roſſilun
Lautreſer lo tout carles ꝑ traicun
Ꝑ un men bauſador de ma maiſon
Ne men caut co diſt bos ſe deus bien dun
Puis dˉs uos a eſtors de ſa priſon
Eu ne pris uˉre ꝑte un moiſſerun
Tres cens caſtels aueis en ſa reion
Trente citaz demenes ob auignun
Metun le de la gerre en tau tencun
Que len liurā aſſaz ob eſperun
E gerram lo rei lo mau felon
Is conſel dis girarz tiem eu ꝑ bun
Aſ ſegin lo uiſconte deuers beers
E uint doutre narbone e de lamers
O lui furent doi mile dozel apers
De lor armes portar non ſunt auers
Deuant ices ne dure acers ne fers
Li cheual deſoz els ſunt de uaumers
Corent e rabinor plus que nus cers
Aicil ferunt girart quant ioe enq̃rs
Roſſillon li rendrunt tant n̄ ert fers
Quel reis en ert dolanz e tris e ners
Folche entre en auignū deuers les iarz
E lai o deſcendi n̄ ſamble garz
O lui furent dez mile de eſcobarz
De ꝓs e des hardis e des gaillarz
Nuiriz en la montaigne q̃ clot lonbarz
Qui dures des prouence des pons deſiarz
Deſci quen alemaigne en bel regarz
Aiſi con le d[euiſ mōſ] beliarz
Li marcheis amadeus ponz e ricarz
Furent ſeignor daicheste e folche eſ carz
Lor cuſin eſt germainz lo cons girarz
Ꝑ co uiennent ſecorre de tantes parz
Folche les i menra ne cuit que tarz
Ne ſen tornera carles ſenz grāz regarz
Girarz en auignon de ſobre el roine
En une cambre uielle pointe alioine
Dunt ſunt li capitel uermel ſerdoine
Li pilar de liois e li coloine
Li caire e li eſtel furent marmoine
Bien entaillat a lobre de ſalemoine
De ſobre un feltre obrat de capadoine
Se iaz li cons girarz deuant un moine
Na tau mige deſci quen babiloine
Lainz intre dans folche e o lui coine
Li marcheis amadˉs e don anſtoine
A ces dira ſen pere de ſon eſſoine
Son enemic en trait a teſtimoine
Conques nuſ cons nen ot mellor ꝑſone
Quant li cambre ē tenerge cil eſt enchai
E ne cuide parlar cun ſi aut ai
Leſ feneſtres ſunt clauſes quan ior ni uai
Leſ cortines tendues ei bor daufrai
Mais pirres i reluiſent de tant eſlai
Quainc ne uiſtes nul cirge qaiſi clarai
E girarz en un lit nafrat co crei
De carlon ſe porpenſe con le gerrei
Lains intrent ſet conte ob un marchei
Folche parlat primers car faire ou dei
Con ueis ci ta maiſnade qui uiē a tei
E girarz fu tan bons que dreca ſei
E ne cuit de baiſar cun en fait nei
Buis les feſz aſezer toz entor ſei
Vos eſſes mi amic fei que uos dei
Mi ome e mi parent en cui me cei
Ꝑdu ai roſſillon ꝑ grant niſlei
Laute ſeir lo tout carles ꝑ ſō bofei
Or uuel caſcūs de gerre aiſi ſaigꝛi
O trobe ſon amic ſi le gerrei
Mort o uencu lo face monſtrer au dei
Jraim a roſſillon tener tornei
Quar eu ne pres ma plage mige un bolei
Girarz pres dan folcon e dan boſon
E ſegin lo uiſconte de benſencon
A une part les trait en un reſcon
Vos eſſes mi amic et mi baron
Fazes dire la fors aices qui ſon
Quil erbergent es praz ſoz auignon
Mais nen i tendent trau ne pauillon
Atacent lor cheuas con en maiſon
Fai cridar au bordeis ꝑ un garcon
Que lor face la fors grant liuraſon
Pan e uin e cibade ꝓu a fuiſon
Quil troberunt del erbe per lor canbon
Apelet dan foucher lo marecaucon
Cuſins uos men irez a garignon
Diiaz gilbert lo conte que gart deldon
Del bos de la foreſt de montargon
Que cant uerra lauar un fumacon
Si tramete cenbel a roſſillon
Sient cen cheualer a un panon
Qui firent a la porte a dreit bandon
E tuit eſcrident carle traitor felon
E puis tornaz uos enues carpion
E il uos ſigrant ſempres a eſperon
E nos uendrons detras ꝑ lo ſablon
Aitant prendrōs de ces cō noſ er bō
Si ou penſe girarz cō les deſpon
Folchers monte el cheual tec ſa uie
Aīc nē fu tā̄ bōs laires ne tauſ eſpie
Mais a auer emblat na en pauie
E ꝑ hoc per lignage nol auendrie
Quil nē a melz ait cōte to en ongrie
Mais ne ſe pot tener de laronie
Set cheualers menoit en conpagie
E fu en garignō au cincain die
Co que quiſt a gilb’t ne ſifa die
Er oiaz de girart ſa galoubie
Ne cuidaz de ſa plage que rien li ſie
Dune faiſſe de paile ſe ceint lie
Cauſe ſei e ueſti com faire ſolie
E montet en un mur de bogerie
Ne uait cheuaꝛ galos tant cōſābie
E ſunt uint e cinc mile en ſa parie
E folche le gidet a ſa cauſie
Er cheuauge girarz cō ꝑ iornade
Quil ne a ſoſt monie ne loin mandade
Ꝑ hoc ne fu tan pauce la cheuaugade
Que ſunt uint e cinc mile gn̄t bien armade
A leun ant del roine laige paſſade
E a maſcons ſaone tuit trauerſade
Cele nuit erbergerent ious eli laprade
Entros uint lendemain a laniornade
Per mi calon ſen paſſent de grant diade
Suz mont aguz erbergent ꝑ la contrade
E prendent le conrei ꝑ mi leſtrade
Daiqui not a diion reſne tirade
Defors le mur erbergent lonc la taillade
E donent as cheuaus erbe eſſiuade
Gillelmes doſteum e gent ſenade
Gardent le pas del bos e la ramade
Que rien ni pot paſſar qui ſie nade
Que a carlon nen ſie noue contade
Anz quel ſache lo reis ne ſa maiſnade
En ſera ml’t ſa gent greu ꝑfolade
Le ior ont ſoiornat que mauez dir
Conreent leſ cheuaus e uant durmir
Entres que uient la nuit au fredizir
Que folche les gidet a ſon cauſir
Ne cuit ke trueſca ſeine uns reiſne i tir
Soz caſtellun deſcendent el bruel demir
Entrues ke uit del die laube eſclacir
Si fant a mont argun un fun baſtir
Gilb’z de ſeneſgarz les pout cauſiṣr
Enquet a ſa maiſnade a eſbaudir
Armaz uos cheualer co uos uuel dir
Jren a roſſilun aſſaut baſtir
De girart ferai noues carlon auir
E tau rien li cuit faire de quei ſuſpir
Cil ne furent mais cēt qui uont garnir
Ꝑ une porte pauce ſen uan eſir
ilberz gidet leſ ſeus ꝑ une uau
E ne furent mais cent pur a cheuau
E uont a roſſillun baſtir aſſau
E gilberz de ſa lance fer el portau
E eſcridet lo rei tracor e mau
E apres cobeitos e deſleiau
Ne fu carlon tant mal ne crit en au
Armaz uos cheualꝛ e mei catau
E li reis toz pimers ſail el cheuau
E pres eſcu e lance kainc ni ꝗs au
Per la porte ſen iſſent tuit conmunau
Ne furent que dez mile aiqui reiau
E li reis uient primers plus que deiſau
E eſcridet gilbert fuir que uau
E ꝑ hoc nafret le mais nen ot mau
E girarz uient laz ſeine ꝑ un coſtau
E ſunt uint e cinc mile lonc le boſcau
Apres lo rei ſe metent en ſos eſclau
Vinent les conſiuent de ſoz belfau
Aiqui (en) furent fait tant colp mortau
O carles receit frete canc n̄ preſt tau
Sos belfau les conſegent en une plaigne
Las eſcridet girarz e ſa conpaigne
A ces pimers not aſtre quaiqui ne fraigne
Moſterra lor li cons de ſa bargaigne
As eſpades ſe mouent dol e malaigne
Li reis cauſiſt la ꝑte qi fu tant maigne
E eſcridet aſ ſeus lenchaus remaigne
Trai uos a gilberz qui que ſen plaige
Enquet ſen atornar laz une ſeigne
E gilberz le uiret lonc le montaigne
E corut le ferir en la canpaigne
Folche uient premerains en plaine paue
Sobre un cheual mouent at come ſaue
E de pur ardement la color paue
E uait ferir bernart de roche maue
Tau li det en leſcu que tot leſtraue
Son aub’c li deſrunt e li deſclaue
Del cors en trait uermeille ſenſenge blaue
Co eſt li iorz de que girarz ſe laue
Lenſeigne au rei martel le ior fu raue
Carles ſecor les ſeus par un plantert
A pres dun ſoudader elme e aubert
E eſcridet ſenſeigne lat uos uuert
Firaz leſ cheualer pos tant i pert
Aiqui uiraz donar tan colp apert
Que tau mil en cairent ꝑ lo codert
Que uns de ces nen a cor ne cap encert
Ne ne ſauant conoiſtre clar de tenert
Nainc pois nen tornat uns a ſon abert
Carles ueit deſ girart quil uant ſobrant
E ueit folcon lo conte uenir deuant
E portet une enſeigne tote ſeignant
Aucis lor a bermart lo fraire armant
E ueit boſun ſon fraire quil uait reíuant
El marches amadieus ſen eſt traiant
E quant carles leſ ueit not ais que cant
F[ir]az leſ cheualer pos uos comant
Ja nen ꝑderunt onor uoſtre enfant
De mi pie ne un dou ne un plan gant
E cil com il lauirent irat les uant
E corent leſ ferir el dois ſeſpant
Onques ni ot de ſcale plait ne conrei
Ne derengar bataille fai que uos dei
Mais li caus abanz pot poin adeſtrei
E uos carlon primers e uc de brei
Galeran de ſaint liz e godefrei
Carlon plot cant leſ ueit toz entor ſei
Mais autre riens le met ml’t [en] effrei
Quil ueit folcon uenir laz un auſnei
E deſpeget ſenſegne ꝑ quei balei
Sanglent en ſunt li pan e tuit li plei
E uindrent o lui conte a catre o trei
Ponz e ricarz e coines el deſertei
Caſcuns cridet ſenſegne ſegun ſa lei
E lai o aioſterent a grant abei
Ni tan bon eſcu que non pecei
Aſte reide ne freigne o non arcei
Ne uaint maille daub’c maiſ cal correi
Folche ioinſt a albert girarz au rei
Eſuos albert cau del bai morei
E girarz de ramunt laz un mafei
Mais al eſcoſſe delz ot tau trepei
Caichi fu eferit ne non chaei
Bin a deu a garent e ſaint romei
Folche retient arbert denant lo rei
Trei mile en i reſterent que mort q, frei
Ml’t en retient gerarz des uiſ o ſei
Mar uit carles martelz ſon grant bofei
Quant creeit traitor lauſengier chei
Quant el pres roſſillon ꝑ annelei
Girarz apie li cons en un garaut
Carles eſt cheualers qant ꝑ lui chait
Sa force li cregeſt feſeſt li lait
Aiqui íuraz mes tan cobes fait
E (d)e cai e de lai tant eſcut frait
E tant uaſſal nafrat qui ſeigne arait
E girarz ſe remas li dreiz del plait
Tant i reſte ſes carle mil ne ſen uai
Aſſaz aura li cons don les ſeus pait
Amadieus e e[n]telmes cil de uerdum
Li cons bos e gillelmes ques doſteum
Jntrēs en la bataille a un eſtrum
C⁎⁎ ferent fu pareir aſ branz ſens fum
E meſclar e moillar ſanc e ferum
E tan cors iaçer blouz dame ieum
Vnques puis au rei carle uns nen reſcum
Melz uougre eſſere lo reis a mont leum
A[l] tans que faille e flors par en la rauſe
Fu faite iſte bataille ſoz fiere nauſe
La maiſnade au rei ne ſe repauſe
Carles ſe trait arere a gent deſclauſe
E girarz prez lo camp car faire lauſe
Ainz ne íuſtes eſtor ſi fuſ feruz
Tan bon uaſſal uiraz mors caaguç
E tante teſt ab elme ſeurar de buz
Li gonfanons lo rei fu abatuz
Lai en la maior preſſe toz deſrumpuz
Arbers li cons de troies es retenguz
Mil barons eſtres mors i a perduz
Carles ueit de ſenſegne leſ ſens ſi muz
E trais ſe loin areres el pui aguz
Gace e li cons ioifreis lai eſ uenguz
E unt lui eſcridat cartan conduz
Nen as de dez mil ome ſet cenz eſcuz
Li tors de roſſillon entes ſaluz
Les maupas e les uieſ noſ ūt toguz
Les bos e les entrages e les paluz
Co dis carles martels ſui dunc uencuz
Non ſegner car non eres aꝑcobuz
Vai ten a ſain romei aſ arſuoluz
Aiqui mande tes omes ꝑ que taiuz
Ere ſen uait li rois toz iraſcuz
Gace e li cons ioifreis qui len conduz
Ere ſen uait li reis ſor carbonel
Gace e li cons ioifreis laz le ramel
E girarz e li ſeu fant le mazel
Retengun unt deſuis qui unt caſtel
Duos [c]enz e catreuins en un tropel
Girarz lor diſt paraule qui lor fu bel
Pos dˉs uos a uegut e ſeant michel
Ne deuom encauchar maiſ hui cenbel
Tornons nos en enſanz uers lo caſtel
Dans richers de ſordane ait lo cadel
Cui lo reis det lonor doutre uerdel
Moi que caut con diſt folche diquel fradel
Eu li metrai el col tel charcanel.
Qua nororai laforces de mon ſaurel
Trait leſcu deuant ſei torne eſt cantel
Aiſi ſen uon enſanz con eſtornel
Entroſca roſſilon de ſoz lolmel
E girarz eſcridet ſeige nouel
Mais ne uol del mur peir ne deſclauel
Eſlenc ſunt deſcendut mil iouencel
Qui trencerunt les bares e le flaiel
Mais ne trobent dedinz ques contrapel
Caſuns ſen uait fuiant en ſun batel
Vengut ſunt au conduit carlon martel
Autre rien fait girarz dum meſtait gent
Sa bataille a uencue ſon caſtel prent
Cheualers ne ſos om ne li defent
E folche en la riuere aual ſeſtent
Au dos le ſegrent bie mais de ſet cent
Tot ſunt de ſa maiſnade ꝓu e ualent
Nul ne trobent deſ carle mort ne cabent
Li traice ſen annaue a gariment
Folche li fu deuant a un pandent
A une peſcadoire de ſaine uent
Li nauclers qui menaue le meſcredent
Cui richers ot batut e fait ſanglent
Oant reconoiſt folcon au cors iauent
En trauerſe la lau ſon eſſient
De tau frei fert a terre que tote fent
E fouche quant lo ueit lai uent poignent
Na lage quil paraule ne il content
Mais ꝑ cabel le cobre iradement
Con cheual len meine a mont auuent
A unes autes forces cuit quel preſent
Aici branlera mais tro en auent
Aſuos del traitor pres uengement
Qui tanz na fait aucire de tel iouent