Girart de Roussillon (Manuscrit d’Oxford) - 10
Cum girarz fu annaz li conſ en france
E la conteſſe part de ſa peſance
Por larme de ſon fil fet gant enprance
De ſon auer donat e ſa ſubſtance
Poiſ uait a uerzelai bone eſperance
La ſainte magdalaine u a fiance
Fait ſon moſteir funder quā pot lenāce
Quant la conteſſe uait a uerſelai
La paubre gent del ren por li ſi trai
Por la gant caritat e bien que fai
Que dex grat ſon ſegnor lai u ſen uai
E cel qui bien conoiſt ſon cor uerai
Li monſtret ꝑ ſamblant que ne ſeſmai
Damar lui e ſeruir quar molt li plai
Jſte donne non ame ome qui ment
Por coueitat dauer de iugement
E non cheuauge ginſ a celement
Abanz lo fait ſaber dum meiſ uertent
Que uienent au chemin li paubre gent
E ele dert ſeſ olſ uerſ deu ſouent
Qui li done lauer quele lor rent
E uint a uerzelai aiqui deſcent
La nuit ſonget un ſonge en ſon durmēt
Que uit un ſatanas ſamblant ſerpent
Qui de ſon mau uenī loc de piument
La uolie abeurar qānt li deſcent
Li grant uertuz deſ ciel qui len defent
O deman o contet monge garſent
Monge augaz mon ſonge de qel pot meure
Qua ueu ian ſatan ſamblant coloure
Ki de ſon mal uenim me tēptat ſoure
Quem uolie abeurar en uas de coure
Quant de deuerſ lo cel preſt māne ploure
E lo ſatan ſen fuit de ſoz un roure
Donne quar la maneſt iſte ſainte oure
E lo gant ben que fas a ca gent poure
Deuſ te gart ki te pot liar e ſolure
Quant ot dat caritat gent pauberine
Pan e char e deners uin e ferine
Si ſen uai aſ oures doure caucine
En lumbre dum laurer a la racine
Sen uait o garſende e aibeline
Auent un romi ourre ne fine
Porte peire u morter u aige a tine
Eu iaz iqueſt romi don aſceline
Adeſ lo uei a meſſe u a matine
E pui obre tot ior de grant corine
Donne en une maiſon uielle qui cline
Car ne uuel herberiar en ma perine
Maiſ ab une contrade molt meſerine
E ceſt de ſon gaaig paſt la frarine
Nen i a dras ne lit que ſesclauime
E non parlerai ui a la reine
Entroſ que lor es que lobre fine
La conteſſe le mande dobre laiſſant
E qant lo ueit uenir drecet enant
E trai[ſ] lab une part diſt ſon talant
Segner car ames deu e il tei tant
Dirai tei mon conſel que uaiſ cerchant
Eu uoil portar od tei al ne demant
Aige peire u ſablon u pauc u grant
Eu dirai ſi tu uol aur ne beſant
Donne ne uuel auer por rien qindant
Segner e tu el fai por deu lo grant
E por ſa mazelaine cui aimes tant
E eu por ſoe amor faz ton comant
Maiſ dies a qual ore e cum e quant
Denant la mie nuit anz quel ialſ cant
Menrai mon capellan un ueil ferrant
Ere ferant iſſi cum lunt enpres
Aportent ten ſablon daual u es
Sobrū tinal en ſac qant li ont mes
E ſi lunt ia tengunt bien preſ dū mes
Troc uient unſ meſſages qel dus trames
Que li mandat del plait que bien eſt pres
O lui len meine en france tam laime el res
E la conteſſe en rent a deu marces
Aiquel meſſages ac nom atains
Camb’lenc ſers au duc e toz ſeſ lins
La nuit iac en la cambre a deuſ conſins
Lunſ ot nom bauduinſ laute creſpins
La conteſſe leuet cant ſoirſ fun prins
Atainſ preſ lo cerge quin fu aizins
Deualat denant lui ꝑ graz marbrins
Lai fu li capelanz el pelegrins
Tornaz uoſ anarere belz amis
E durmez aſegur troſquar matins
Car ne uoil ca me ſace om ne ueizins
E li garz ſen tornat irat enclins
Demadet coſinet e bauduins
Li cuntet quen refut toz fel e gi[n]s
Cū caſque nuit len maine unſ hon tapīs
E quident i tau rien qui noi eſt gins
Quant ſe dol del trauail puiſ ot matine
Apreſ ſe uait durmir ſoz ſa cortine
Atainſ lai ſeruit qui ſen aizine
E quant la uit colchade el lit ſouine
E fu en ſa chemiſe doliat de line
E a gente façon e color fine
Ot tan blanche la car cū flor deſpine
Li gars poſet ſe man ſor ſa poitrine
E uol baillar ſon cors e ſa cetine
E baiſar en la boche qant lagratine
Mar ou uoſ ou penſaſtes gras de cuiſine
Eu me gabaue donne queſ pelegrine
Aqui romeu de loin iaz ſor leſchin⁎e
Ele apela garſent e aibeline
Oſtaz mei iſ gloton qui mataine
E li garz orguelloz anc a eſprendre
Eu nō ſai de midonne ꝑ qe mi fendre
Maiſ uail en quel romeus cui uait ſoentre
Por que uaſ a tal ore ce fai entendre
Fel gars a uos que nai razon a rendre
Sen paraules ia mais ferai te pendre
E li garz ꝑ degraz anc a deſcendre
E uait a ſon oſtal ſeſpade cendre
E monte en ſon cheual e uai aprendre
Girart lo duc tauſ noues dūt degeſt pendre
Que felnie e mencoinge li fai entendre
Le duc a encontrat qui repairet.
E trait la un conſeil e li contet
Grant mencoinge ꝑ uer ſi cū quidet
E li conſ qant laui molt li peſet
Per un petit od lui ne ſiraſquet
Se co mencoinge me dez dex t⁎ deuet
Que eu me merueil molt ſain ſou penſet
Segner ſobre un romi a meſ ſon ſort
La nuit ſen uait od lui qant la ganz dort
Aual ſoz le caſtel u ſunt li or⁎t
Non uuel de mon ſeruent noueſ maport
Que ſe uient au prouar dūt ſe deſcort
Seu nel te puiſ moſtrar dunt ai tort
Abanz en deiz murir de male mort
E li conſ qant laui peſa tant fort
Quainſ maiſ noueſ naui ſil deſconcort
Quil ne manga la nuit puiſ uen e dort
Matint leuet girarz cainc ne fu lenç
Quainc cheuauchet e diſt entre ſeſ dēç
Ai conteſſe amie bons cors e genç
E adreiz e corteis e ſapienç
Humiles amors e dolces e couinenç
En qual trabail eſteit li tiens iouenç
E en grant paubretat ꝑ mei lonc tenç
Ainc ne me reprocaz toz ris parenç
Ainſ me fus conſelleis bons e ſiruenç
De paubretat me traiſt li tonſ porpēç
E tornat en honor toſ eſcienç
E ſauc lo te penſeſt u fu tes ſenç
Ja deuſ nen ait marcet diceleſ genç
Qi meſclent bons amis e bien uoillenç
Que tun ꝑdraſ leſ ols ſe tu nen penç
Andicaſ lapelet queſt ſapienç
Segner dunt ē uengut aiciz tormenç
Que ca caire [teſt] troble cū airemenç
Apele bedelon e toſ parenç
Qui tunt a conſeillar ſe tu conſenç
Segner ke uoſ dirie ia ſui ſoffrenç
Segner conſ diſt bedeleſ m̄tir nō quer
Trop aſ ſenz de iouent e cor leger
Qant tu creiz a garſon de ta muillier
Dirai uos que contet ele lautrer
Qant de ſainte ſufie fiſt reis moſter
Si defendie la gent de ſon enper
E de coſtantinoble a toz lor quer
Que unſ nen i meſeſt uaillant dener
Mais une pauble fēme na deſier
De coſdre e de filar de ſon meſter
De ſon paubre gaaing qua dreiturer
En cōpraue de lerbe que li ſōmer
Maniauent qant ſeſtauent deſoz lōbrer
La nuit qant gent durmie a ſon bocler
Aportaue del aigue ſobre el morter
Quant moſters fu baſtiz e li clocer
El reiſ ot mes aueir grant e plener
Si demandet a deu la uertader
Qual gueredon nauri e cum ſobrer
E deus co li mandat per meſſagier
Quel paubre fēme aura maior loger
Que lo reis por lo don de ſon or mer
E en ico midonne ſon conſier
E ai ueu moſter ſainte sufie
Eu ne quit quanc tauſ fuſt ne iamaiſ ſie
Aico eſt nunſ de deu u om ſe fie
Quant ot dit la paraule il lunt oie
El lo conſ a ſomel quant fu fenie
E deſcent e durmit en lerbe trie
E ſonget que contet qant ſe raſſie
Montet el palefrei diſt lor par uie
Fai uos enant diſ el mi dui amin
Dirai uos quai ſongat iceſt matin
Que la conteſſe ui ſoz un uert pin
Si ueſtiment tant blanc cū parchemin
E plus couert de flors dun aube eſpin
E tenie un calice de mer or fin
A quei mabeura manures daqel ſaint uin
Que dex feſt daigue aſ noces archeteclin
Segner aico eſt biens co te deuin
Grant ioi te naiſt de li deus tu deſtin
Vn pau le fant diſnar laz un ſaucin
De paſtat de poiſſon e de polcin
Hui mais di al meſſage de lui taiſin
Atam apela li conſ girarz
Diua coment iras e de quaus parz
Segner nō meneraſ maiſ ke tei quarz
E ſai annar ta genz uers ſeneſgarz
El lo fait e deſcent en unſ aiſſarz
Troſ uient la nuit eſcure qi tot eſgarz
Sor lo caſtel deſcent en mi unſ iarz
Atacent lor cheuauſ lonſ e eſparz
Aiciſt garz ere ris ui de mil marz
E el deman non ac maiſ pur eſcharz
Li garz les en gidet a la maiſon
Que gaita no ils i ſent car nō i fun
Aiqui les fait eſtar en un crucun
Troſ que uint la conteſſe a clerc guiun
El romeu tient lo ſac e lo baſtun
E cil leſ uunt ſigant loiget paſſun
Troſ la conteſſe areſte en un cambun
E cil ſunt remaſu traſ un buiſſun
Vne clartaz pluſ ganz que de brandun
Deſcent de ſobre lor deuerſ lo trun
Veit lo romi qui trait e met ſablun
El ſac quele li tent a geneillun
E girarz qant lo ueit molt li ſat bon
Apelat andicas e bedelun
Segnor molt a lo cor ma e felun
Qui creie de midonne fol ne garcun
Conſ or poz bien ueer ta uiſion
A bon dreit te doinſt deuſ confuſiun
Se ia chauceſ por gerre maiſ eſꝑun
Ne ferai eu diſt el deu ou pardon
E li garz ſen emblat traſ a lairon
Abanz fugit el boſ deſqua ſa maiſon
Girarz eſtet ſei quarz en ſon agac
Vne clartaz deſcent ſi cū deu plac
De quei li cons el ſeu ac gant eſmac
Vit ſa muillier bertran qui tent lo ſac
Cil i met lo ſablum que traiſ del brac
E le capelan gui ſeſt quam uol iac
E girarz qant leſ ueit gant ioi en ac
Ni prendrez maiſ romeu colp ne ramac
Abanz ai en talant que gent uos pac
Li ſabluns fu peſanz e gans li ſas
Cele le tient pres de ſei e uai detras
E la conteſſe enant lo petit pas
Del pie deſtre marchat denant ſoſ dras
E chiet la donne adenz en terre bas
Li tinauſ en eſtant tot dreit remas
A fel car le ſocore dis andicas
Girarz lai uait corant e diſt cui las
Ai conteſſe amie cum bon cor as
E eu mal e felun e ſatanas
Or aſ tot cauiaire eca frunt cas
Non ſegner deut marcet tu cum ſi uas
Amie diſt girarz bien ou ſauras
Lai ſen portar romeu car me taing
Que uuel eſtre diſt fais midon cōpaing
E parconerſ o lui diqueſt gaaing
E uos donrai aſſaz qant uos ſuffraing
Maniar prou e deniers e draſ e baing
Voſ ou ſegner diſ cel ſa uos remaing
Abanz ſirurai celui dunt nus ne plaing
Li conſ pres lo tinal nou de caſ aing
E la conteſſe enant nou gichiſ faing
Entroſ ſunt au moſter u ſonent ſaing
Qvar qant uit la clartat cū clar reſplant
El tinauſ cum eſteit toz entrenant
E ſi quil ne baiſſat ne tant ne quant
Dunc ot le cor pitant humeliant
Elle porte detras e el denant
Entroſ ſunt au moſter intrat ou uant
Li clerc en fant tot trei de lauſ un chant
Por la uertu de deu ke uirent grant
Li conſ ot le ſeruiſe qant iorſ ſeſpant
Li conſ ot le ſeruiſe matin e breu
En une cambre uoute blanche cū neu
En eſt intraz girarz el priuat ſeu
Conteſſe diſt li conſ bien eſ a deu
Granz uertuz fes por tei aico ui eu
Segner non giuſ per mei mais ꝑ romeu
E por la mazalaine ufazanz preu
Per cui reſuſcitet deus le iudeu
Eu manderai diſ el bartolomeu
Leueſque doſteun e dan andreu
Per miracles eſcrire e metre en breu
La conteſſe reſpont ne place deu
Senz ueriaz de gent un ſi grant pleu
Ne uuel qui age auer fors u͞r͞e el meu
E de pur alueſ non gins de feu
Conteſſe dirai tei cum ſui uenguz
Atainſ me contet quauies druz
E oc la mercet deu tant lai queſut
Eu le uuel diſ girarz ſe deus maiut
E me ſat bon au cor car lai ueut
[L]e labor de uoſ douſ e la uertut
[Q]ue deuſ noſ i tremeſt per grant ſalut
Ja maiſ ne baillerai per gerre eſcut
Fai uenir le garcon fol meſcrut
Segner diſ andicas tu laſ perdut
Car eu len ui fuir el bos ramut
E mandaſme lo blanc romeu chanut
Molt ſenble bien prodome apercobut
Qui del ſeruiſe deu faire noſ mut
La conteſſe apelet garſant la monge
Donzele or puef ueer de noſtre ſonge
Anc non ueiſtez nul qui melz ſeſponge
Li ſa[tan]as eſt li garz e ſa mencoinge
Qui uol meſclar au duc e far uergoinge
E co quil ſe mouaue quil noſ eſloinge
Don preiaz au romeu qua nos ſapoinge
Que deu ame de cor e non fait conge
Jntrat es li romeus e fu bien granz
La barbe les cregude el capſ ferranz
Romeus co diſt li cons faiz uos enanz
Per amor de midonne qui eſ amanz
Vos derai de mon aur cinc cenz beſāz
E el li reſpont don nen aurai tanz
Por mangar me dont deuſ e moſ affāz
E en terre de uie retribuanz
Car el eſt droiturers gerredonanz
E girarz lagardet e ſos ſemblanz
Romeuſ co diſt li conſ per uos balanz
E diſt a lautre mot tu es gintranz
Mos paranz e mos om cum ſalemanz
Bons parlers en ties e en romanz
E adroiz cheualers e combatanz
Per mei feſis eſtors io ne ſai quanz
E gaſtas a callun denor gran panz
Or en ſui penidenz e grauiſanz
Qua ne fuſ en tonor bien uint anz
Girarz baiſat guntrant e tent lo char
A conſeil diſ ugon e gillemar
Quereiz li a ueſtir e griſ e uar
Tan diſ anquet ſa uide a enqueſtar
Segner u as eſtat don oltre mar
Annem au ſaint ſepulchre au repairar
Me preſt unſ meſcrezanz qen feſt menar
Od mil autres chaitis por afamar
A caſtels e a murs peire portar
Mais de quinze anz i fui nen poi tornar
Qant deuſ ſa magdalaine me fiſt liurar
Cel qui getat ionas de la balaine
Me trameſt deliurar ſa magdalaine
Por aico ſui ſos ſerſ e faz ſa paine
Bien ta deus eſpirat ꝑ qua que uaine
Qant la dei herbergar eniſtun raine
E eu le laiſſerai quar nos abaine
Eu uoſ ferai ancui donor eſtraine
E contaz nos del ren dun deus tamaine
Don lou conte ferie e uos enui
V conqueſ ai eſtat ere ci ſui
Voſ non partet de mei coſin poſ ui
Anz uos donrai uela lonor del pui
E dumbes e beleſ troſqua moniui
Ne place deu iamais quonor reuui
Mais por tant u girai en un ſarcui
Or ſert gira⁎z de cor deu e cil ſui
Por aico preſ la ſainte ab ez ſapui
Quant plora lor pechaz de la greſ mui
Li conſ comande aioc chaire riſent
Aportez a ueſtir a mon parent
E cil a cui ou diſt nou firent lent
Cendat e de cauſil li fant preſent
Pelicon e mantel molt bon ualent
E el leſ iete iuſ negun nen prent
E lo conſ en iuret ſon ſaigrement
A ueſtir uoſ eſtuet ce uoſ couent
Coſin por deu facaz a mon talent
Que non ai maiſ ami ne bon parent
Quin ſache dar conſeil ric ne ualent
Fors bertran e folcon a cui ſatent
Por dreit e por iuſtiſe a paubre gent
E monors eſt tan granz ke loing porp̃nt
Quil ne poent tornar a mei ſouent
E uoſ non eſ meſchins de leu iouent
Qui ſe preiz ne orguel por ueſtiment
Eu ſaint bertolomeu uoſ trai garent
Qui en mult char ueſtit ſerui deu gent
Cel lo fai ſi cum uol nol len deſment
Premiers le funt baignar e tondre e raire
E a cels dras ueſtir e leſ ſienſ traire
E ſambla bien baron de grant afaire
Girarz laſiſt lon ſei toz ſen eſclaire
Or en conſeil caſcuns al ſen uiaire
Eu uoſ conterai co que io uuel faire
De la honor que tieng tan deu repaire
Dunt uiurunt cinc cenz paube e mil ꝯfraire
Segner diſ andicaſ ce nen ert gaire
Auerſ le gerre grant dunt fuſ pechaire
Dunt cent mile ome iſſirent de lor aire
E altretant a ociſ neiſ ton paire
Maiſ poſ deuſ taime tant qel te declaire
Qui tei e ta muillier uol a ſei traire
Rent aton cors e tonor lui e ſa maire
Ne retenir citat ne mur de quaire
Don nol uolrie faire noſtre emꝑaire
Quen ꝑdrie ſeruiſe ke len dei faire
En apreſ demandet a bedelun
E uos que mo loez diqueſt ſermon
Don ſi faire le uuelz eu tieng por bon
Poſ deus ten a moſtrat tau ſignacio⁎n
E autre ten trameſt en uaubeton
Que tenſeigne arſt a fuc e a carbon
Por lo tort que ogis enuers carlon
Ne te laiſſat donor tor ne doignon
Por deu la te renduz refai len don
Coſin gintrant e eu uos en ſermon
Que uoſ men daz conſel ſegunt razon
Segner per comant deu dauid deſpon
Beati ſun qui gardent iudition
E qui iuſtiſe fant tote ſazon
Dreite iuſtiſe uaut bone oriſon
E eu la laiſſerai a dan folcon
Por grant honor tenir nō ſai tan bon
Anc norent paiſ o lui tracor felon
Ni faus ni m̄coiugéér ne mal lairon
Nol aurunt cheuaualer tal conpaigon
Qui ſi char le tengueſt ne tan lor don
Quatre filz a qui ſunt gent mancipun
Cum reiſ tendra ſacor⁎ ſenz nul ſemon
Portera lun leſpade laltre baſton
E li tierz caucera ſo eſperon
E li quarz en bataille ſon gonfanon
E lo ferir premer tengrunt breton
De mei e de mon paire le duc drogon
E tot lautre meſter de la maiſon
Enaiſi ſun li feu de roſſillon
Li conſ laiſſat aceſ torne a ſeiſor
Donne a uos parlerai en de emor
Car uoſtre conſeil munt eſta mellor
E tornat en richeſe e en ualor
Segner ſe ren i uail deu en ador
E uoſ lui que dereit de uoſtre honor
Toz meſ cuiteſ alueſ qai danceſſor
Maia qui fut boſon au pognador
Au meillor cheualer e au genſor
Qui ainc fuſt ne ia ſie mais negun ior
Membre uoſ cū mei traiſt de la calor
Cum reis preſ roſſillun ꝑ traitor
E proierent por el e molt pluiſor
Treze moſterſ ferauſ por deu amor
E en calcun abat rice prio⁎r
El ual de roſſillon u ſaine cor
Lai gira uoſtre filz enos eu por
Citat uiles fores caſtel e tor
Cheualer e bordeis e uauaſor
E a toz celz qui ſunt laborador
Qui preierunt por ur li orador
Ab aitoz celz couient defendador
Eu lor dirai folcon ne ſai meillor
A la force del rei imperador
Ferant lorguel ſobran tornar ſotror
Or intrent cheualer en lon ſeior
E ſerent de ſazun chien e oſtor
Falcon e falconer e ueneor
E qual le feran ore achatador
E donzel galauber cheuauiador
Qui uol prouar ſon cors ne ſa ualor
Si annent gerreiar gent paienor
Car top lunt mentengut li n͞r͞e el lor
Si cum dient eſcrit del redemptor
Noſtre don lai montar can pechador
Cum ſere ſor le pui de libanor
Puiſ deuale pluſ toſt quauzel del ſor
Vez uoſ mei e mon lin ki ſunt tot mor
Maiſ folcon quama paz e deu de cor
Quatre filz a qui ſunt blondet e ſor
De la nebode carle fille ſa ſor
Ne partirunt del rei por negun for
Ciſt auront ma honor cūque demor
Guitranz e bedelunſ e andicas
Pn̄dez de mon aleuſ chaſcunſ mil maus
Eu trouerai lauer e les compas
E uoſ ferez molters e torſ e glas
Don tu iraſ deuant e noſ detras
E noſ feronſ tot qanque tu uoldras
Ne i a meiſ meſter orguelz ne gas
Leſ obreſ ſunt enchadeſ el campſ remas
Queu nen dirai maiſ pluſ top en ſui las
E ſe chare la tienz qui la diras
Aſaz en poz conquere auer e dras
Tu autem domine deſ ici en auant
[f. 173r leer]