Diverses instructions pour prescher, catéchiser et confesser, avec les principaux devoirs d’un bon curé, 1663
on cher Lecteur ; Ie t’aduertis que celuy qui desire d’instruire son prochain, & de luy imprimer la crainte & l’amour de Dieu dans l’ame ; il faut qu’il l’aye premierement luy mesme : c’est pourquoy nous voyons tant de personnes qui s’employent à prescher, instruire & catechiser, & conduire les ames, mais nous en voyons bien peu de fruict. Cette sentence de Iesvs-Christ est bien veritable, à sçauoir, Que la moisson est fort grande, mais qu’il y a peu d’ouvriers : c’est à dire, des ouvriers tels qu’il faut, qui soient gens d’ oraison & de mortification ; qui s’occupent plus à contempler & imiter Iesvs-Christ crucifié, qu’à feüilleter beaucoup de Liures, & par consequent qui soient entierement destachez, de toutes sortes d’interests temporels, qui ne cherchent purement que la gloire de Dieu & le salut des ames. Le grand Saint Philippes de Nery disoit sur ce sujet, que s’il pouuoit rencontrer douze personnes desinteressez d’honneur, de biens, de santé, de reputation & d’ambition, il esperoit auec eux, de conuertir tout le monde. O qu’il y a peu de telles personnes, & qui ayent iamais apprehendé la valeur & dignité d’une ame, le prix infiny quelle a cousté à Iesvs-Christ, la grandeur de sa beauté, & des biens inestimables qu’elle possede lors qu’elle est en la grace de Dieu, l’estat mal-heureux où elle est reduite par un peché mortel, & l’importance de son bon-heur ou mal-heur éternel ! Il faut auoir la grace, & estre animé de l’Esprit de Iesvs-Christ pour connoistre ces veritez ; & ceux qui ne les ont pas, agissent en tout materiellement dans toutes leurs fonctions, ainsi que fait un Aduocat qui dresse & fait son plaidoyé. O que le Diable ne redoute gueres telles personnes ! C’est pourquoy celuy qui desire s’employer utilement au salut des autres, doit beaucoup & long temps trauailler auprauant au sien, à l’exemple de tous les Saint, & de Iesvs-Christ mesme, lequel demeura caché & retiré iusques à 30.ans, & n’en voulut prescher que trois seulement ; non pas qu’il eut besoin de cette retraite, mais c’estoit pour nostre instruction : car l’oyseau qui sort de son nid auant qu’auoir les aisles fortes, est en grand danger d’estre pris du Milan : Outre : qu’il ne se faut point ingerer en une fonction si importante, que l’on ne s’y sente puissamment appellé de Dieu, auec le tesmoignage d’vne bonne conscience, & l’approbation de quelque homme sçauant, prudent, & spirituel ; & suiuant cela s’humilier beaucoup deuant Dieu, se reconnoissant tout à fait indigne d’vn si haut ministere, & s’y oicupant tousiours auec beaucoup de crainte & de défiance de soy mesme : mettant entierement toute sa confiance en la force de la grace de Dieu, & en l’Oraison continuelle, & n’entreprenant rien que par l’obeyssance, & par l’ordre estably dans l’Eglise. Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/7 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/8 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/9 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/10 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/11 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/12 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/13 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/14 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/15 Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/16
deuons tirer ; qui sont comme des conclusions qu’on tire en suitte de l’explication du benefice receu : ou bien, on peut diuiser son discours plus clairement en deux poincts, disant 1. Le grand bien que c’est de ce benefice. 2. Les motifs & les moyens de correspondre, & de s’en rendre reconnoissant.
METHODE SVCCINTE
POVR ENSEIGNER
LE CATECHISME
Aduis generaux.
E Catechiste qui doit au moins estre Lecteur, suiura le Catechisme qui sera ordonné d’estre enseigné dans tout le Diocese par Monseigneur l’Euesque, tant pour les quatre parties de la Doctrine Chrestienne, que pour l’explication des mysteres que l’Eglise celebre à certaines Festes solemnelles. A faute de Catechisme ordonné faut se seruir de ceux qui sont composez & approuuez.
Auparauant que le Catechiste s’applique à cet Office tout diuin, il se recolligera vn peu, tant pour dresser son intention, que pour demander à Dieu la grace pour soy & pour ses Auditeurs, & à ce sujet il inuoquera le S. Patron de la Paroisse, son Ange Gardien & ceux des enfans, mais specialement la sainte Vierge & S. Ioseph, qu’il prendra pour les Protecteurs de son Catechisme.
Le Catechiste pour s’encourager à ce saint exercice, & surmonter toutes les difficultez & desgousts qu’il pourroit ressentir, doit faire de temps en temps quelque petite reflexion sur les considerations suiuantes.
1. Sur l’excellence de cét exercice qui surpasse tous les emplois du monde, selon cette belle sentence du grand S. Denis ; Omnium diuinarum perfectionum altissima hac est Dei cooperatorem existere in reductione animarum ad primum principium.
2. Sur l’exemple de N. S. qui dit n’auoir esté enuoyé de Dieu son Pere en ce monde que pour instruire les pauures.
3. Sur le salut des ames, pour le salut desquelles il a donné son propre Sang & sa vie sur la Croix.
4. Le comte exact que Dieu luy en demandera vn iour, n’avant esté appellé à l’estat Ecclesiastique que pour cela.
5. La grande consolation à l’heure de la mort, d’auoir peut-estre esté la cause instrumentelle du salut de plusieurs ames.
6. Sur la grande recompense qui lui est preparée dans le Ciel.
Les moyens dont le Cathechiste pourroit se seruir pour se rendre parfait en cet exercice, sont 1. La frequente & feruente priere pour obtenir de Dieu cette grace & ce talent. 2. Estudier les liures qui traitent de cette matiere. 3. Communiquer souuent auec ceux qui ont grace particuliere pour le Catechisme, & s’il se peut les voir actuellement dans la pratique afin de les imiter. 4. S’appliquer de bonne heure à ce saint exercice. 5. Enfin lire souuent les reglemens dresser à cét effet, & voir si on les pratique fidellement.
Estant arriué en l’Eglise, apres auoir pris de l’eau beniste auec reuerence & deuotion, faut se mettre à genoux adorer la Sapience Incarnée residente au tres S. Sacrement, faire vn acte de Contrition & demander sa benediction pour faire cette action purement pour sa gloire.
Cette priere ainsi faite, faut aller au lieu où sont les enfans, où estant les faire mettre à genoux en bon ordre vers l’Autel, les mains jointes, la veuë baissée & en suitte le Catechiste, ayant fait le Signe de la Croix, recitera luy-mesme intelligiblement, ou fera reciter par quelque enfant qu’il aura aduerty pour cela, l’Oraison Dominicale & la salutation Angelique, en Latin ou en François, selon qu’il le jugera plus conuenable, recommandant aux enfans d’escouter attentiuement & la recicer chacun à voix basse.
Apres la priere faite, le Catechiste fait asseoir en bon ordre tous les enfans, en suitte il commence par le Signe de la Croix, qu’il fait faire non seulement à toute l’assistance mais encor à chacun enfant en particulier, auant qu’ils respondent pour la premiere fois.
Faut tousiours faire l’ouuerture de la leçon par vne repetition d’vne partie de l’abbregé de la Doctrine Chrestienne ; ce qui se fera par le Maistre du Catechisme s’il n’y a point d’enfant assez suffisant pour ce faire.
Cette repetition estant faite, faut leur exposer le sujet de la nouuelle leçon en gros & non en destail, simplement & nõ par lõg discours & en forme d’exhortation, & leur recommander l’attention, & l’affection pour apprendre cette leçon si vtile & necessaire à leur salut. Cela fait, il commencera à interroger les enfans sur la matiere du Catechisme les aduertissant de parler haut, & en cas que le nombre du peuple fut grand & qu’il eut peine de voir & entendre, faut faire monter les enfans sur les bancs, pour estre mieux veus & entendus du peuple.
Ayant fait reciter 4. ou 5. enfans plus ou moins, selon la quantité, dire quelque chose sur le texte, tantost quelque comparaison, tantost quelque histoire, ou autre chose, le tout briefuement.
Quand les enfans badinent faut les supporter auec beaucoup de douceur & de patience, par apres les aduertir en general d’estre bien modestes & attentifs, puis en particulier. Et en cas que les deux moyens precedens ne seruent de rien, & que nonobstant tout cela ils continuent, il les faut faire mettre à genoux & les menacer de le dire à leurs parens, les priuer de la recompense de la chose qu’on leur vouloit donner s’ils eussent esté modestes.
Il ne faut iamais permettre que les enfans se mocquent de la response de leur compagnon, que si cela arriuoit faudroit faire tous ses efforts pour empescher que cela n’arriuât plus, leur faisãt voir pour cét effect combien c’est vn grand mal, & que c’est le diable qui les pousse à cela de peur qu’ils ne profitent des instructions qu’on leur fait.
Il faut tacher d’estre modestement gay & gayement modeste sans pourtant rire, il faut aussi éuiter vne trop grande grauité : car encore qu’il faille estre serieux, si est-ce neantmoins qu’il faut tacher de ne l’estre pas trop.
Il faut s’abstenir de faire des inciuilitez & immodesties ausquelles on tombe souuent sans y penser, comme de porter la main ou nez, à la barbe sans necessité, & se joüer de ses mains ou de sa ceinture, des manches du surplis ou du mouchoire.
Quand on expliquera le Mystere de l’Incarnation, faut s’esloigner de tout son possible des termes qui peuuent causer quelques pensées ou impressions salles dans les esprits ; pour cét effet, ayant à parler de la maniere comme s’est fait ce mystere, il faut se contenter de dire que le tout s’est fait d’vne maniere diuine & extraordinaire par l’operation du S. Esprit, & ne se seruir iamais de comparaison du contraire qui se passe és generations ordinaires, parce que cela pourroit causer quelque salle imagination dans l’esprit des assistans.
Il est à propos d’auoir vn catalogue, contenant les noms & surnoms des enfans ; pour les appeller par leurs noms, ce qui seruira grandement pour les connoistre parfaitement.
Il est à propos que les garçons & les filles soient disposés, en sorte que les vns & les autres soient separez, que les garçons soient partagez moitié d’vn costé & moitié de l’autre, & ainsi des filles. Cette separation se peut faire en cette sorte ; supposé qu’il y ait 6. bancs en faudroit mettre 3. d’vn costé & 3. de l’autre, laissant au-milieu vne espace tout au moins de 4. pieds de largeur, dans laquelle le maistre scroit assis ou se promeneroit quand il voudroit. Sur les 2. du millieu seroiẽt les garçons, moitié sur le 1. banc de main droite, & moitié sur le 1. de main gauche, & sur les 2. bãcs de derriere de part & d’autre seroient assises les filles. En voicy la figure.
La raison de cette disposition est afin que les garçons ainsi au milieu, tombans en quelque petulance (comme il leur est assez ordinaire) ils soient plus facilement empeschez par le maistre, aupres de qui ils sont assis, adjoustez à cela que s’ils estoient derriere les filles, sans cesse ils les importuneroient & feroient souuent du bruit par ce moyen, ce qui interromperoit beaucoup le maistre.
Les enfans ainsi separez on pourroit quelque fois pour leur donner de l’emulation, promettre vn Agnus ou vne Image à deux ou quatre d’vn costé, qui disputeroient contre autant de l’autre, à qui repeteroient mieux toutes les leçons, tantôt d’vn mois, tantôt de trois, & quelque fois de plus si on le iugeoit à propos.
S’il se trouuoit des enfans dans le Catechisme, qui pour ne sçauoir lire ne peussent respondre comme les autres, le maistre les doit interroger simplement & intelligiblement sans s’arrester aux termes qui seroient dans le Catechisme, & leur dire la substance de la leçon succintement, laissant à part tout le reste qui ne seroit necessaire.
On pourroit encore faire autre chose en faueur du ceux qui ne pourraient lire, à sçauoir de les ioindre auec quelqu’autres qui sçauroient lire & qui leur seroient voisins, & les charger de se mettre ensemble à quelque heure du iour pour apprendre la leçon, leur promettant pour cela quelque recompence. En cecy faudroit tres-estroitement obseruer de ne mettre ainsi ensemble ceux de diuers sexe, la raison en est trop éuidente.
Il seroit fort vtile pour les enfans que le maistre fit sur la fin du Catechisme, vne recapitulation de tout ce qui y auroit esté dit, & cela fort succintement, afin qu’il fut facile à vn chacun voire aux plus grossiers, de remporter tout au moins cela du Catechisme. Cette recapitulation estant faite il faut finir par quelque histoire conforme à la doctrine qu’on a enseignée & approuuée par des bõs Autheurs qu’on nõmera à ce sujet, puis donner la leçon pour le Dimanche suiuant, laquelle ne doit iamais exceder vne page, faire la priere, recitant ou faisant reciter clairement & intelligiblement les Commandemens de Dieu & de l’Eglise, auec les sept Sacremens.
La priere ainsi faite, les faire tous asseoir à leur place, pour les faire sortir deux à deux auec plus d’ordre & modestie.
y assistent.
remierement, il faut que tous ceux qui viennent au Catechisme n’y manquent pas vne seule fois.
2. Qu’ils viennent à l’heure determinée, prenant de l’eau beniste en entrant à l’Eglise, se mettant à genoux deuant le S. Sacrement ; & puis s’en aller à leur place, où ils demeureront assis auec modestie, attendant qu’on commence le Catechisme.
3. Qu’on ne responde point sinon lors qu’on sera interrogé ; & pour lors on se leue, & on fait tousiours le signe de la Croix auant que de respondre pour la premiere fois.
4. Que l’on soit bien attentif, sans s’amuser à causer auec ses compagnons, & encore moins se mocquer des autres.
5. Qu’on s’en retourne modestement apres le Catechisme en sa maison, sans s’amuser à jouër autour de l’Eglise, ny deuant ny apres.
6. Que l’on tasche de repeter en sa maison deuant ses pere & mere ce qu’on aura appris.
7. Tascher d’amener ses compagnons au Catechisme, les excitant de penser au salut de leurs ames.
8. Que tous ceux qui sont du Catechisme s’aiment tendrement comme freres & sœurs, sans se quereller iamais, ny dire aucune injure : Prier Dieu auec affection qu’il conuertisse & touche le cœur de ceux qui n’y viennẽt pas ; mais principalement de ne manquer iamais de prier Dieu soir & matin à genoux deuant son Oratoire auec ses autres freres & sœurs, & tout cela auec affection ; & de faire l’examen de conscience.
9. Faire tout son possible d’estre bien obeyssans à leurs peres & meres.
desquelles on peut se seruir
pour faire le Catéchisme,
qui se vendent chez Clement Malassis.
remièrement, Abregé de la Foy qui enseigne la priere.
2. Abregé de la Foy, qui contient les mysteres plus aduancés.
De la Charité ou des Commandemens de Dieu.
Des Sacremens en general.
Du Baptesme.
De la Confirmation.
De la Confession. en particulier.
De la Communion.
De la Tonsure.
De l’Extreme-onction.
Du Mariage.
Des 4. fins dernieres.
Des 3. ennemis de nostre salut.
De l’eau beniste.
Du pain benist.
Du Signe de la Croix.
Journée Chrestienne.
Exercice du Chrestien pendant la journée.
Pour entendre la Sainte Messe.
Exercice du S. Sacrement.
Des deuoirs à son Ange Gardien.
Examen de Iesus-Christ au pecheur.
Contre les jureurs & blasphemateurs.
Contre le peché d’impureté.
Contre les dances.
De la conuersation Chrestienne.
Des femmes enceintes.
Deffences aux femmes d’entrer aux Autels.
Contre les irreuerences en l’Eglise.
De la netteté des Eglises.
Des Clercs déguisés.
Des Prestres descollez.
Methode pour faire les Prosnes & Catechismes.
Devoirs d’vn bon Curé.
Aduis aux Confesseurs.
Catechisme entier, qui contient les quatre parties de la doctrine Chrestienne ; & les Festes principales de l’année.
Pour faire faire avec fruict la premiere Communion aux enfans, &c.
ou feüilles.
Table pour les Confesseurs.
Abregé de plusieurs ceremonies, & poincts de la discipline de l’Eglise, par Monsieur de la Croix.
Exercice du Chrestien pendant la journée.
Chrestien Dieu vous regarde.
Il faut mourir peut-estre aujourd’huy.
Aduis pour la Communion.
Ratio diuini officii.
Affectus virtutum, &c.