Dictionnaire de la langue française du seizième siècle/Aumosnier
Aumosnier. Celui qui distribue les aumônes. — Puisqu’il veult estre liberal… Ne sçait-il bouter en son lieu Ung aumosnier qui leur ordonne Leur pitance, sans qu’en personne Il y soit ? Gringore, Sainct Loys, L. I (II, 15). — Cestuy-ci je ne prise, Si aumosnier il n’est des tresors de l’Eglise. Du Bellay, Discours au Roy (édit. M.-L., II, 479). — (Fig.). Tant que vivray de moy seras aymee… Doulce aulmosniere de gracieulx regardz. Michel d’Amboise, Epistres et Lettres amoureuses, 107 vo. — Plustost nous penserions que nous venons pouvres à un bening aumosnier : malades, au medecin : pecheurs, au Sauveur. Calvin, Instit., XII, p. 649.
Faisant volontiers l’aumône, charitable. — Le bruyt a eu d’estre grant aumosniere. R. de Collerye, Epitaphes, 4. — Il estoit grant aulmoshier, et ne se trouva durant sa vie homme qui sceust dire avoir esté reffusé de lui en chose dont il ait esté requis, s’il a esté en son possible. Le Loyal Serviteur, Hist. de Bayart, ch. 10. — Il estoit grant aumosnier et faisoit ses aulmosnes secrètement. id., ib., ch. 66. — Hans Carvel estoit home docte, expert… charitable, aulmonsnier, philosophe. Rabelais, III, 28. — Bien que ce Roy soit magnanime et fort, Soit aumosnier, des pauvres le support, Pourtant son ame aux vices inclinée De trop de vin se verra dominée. Ronsard, Franciade, L. IV (III, 165). — Amour… a mis la courtoisie où ne fut jamais sinon une extresme avarice : je veux dire au sire Symeon, qu’il a faict devenir aumosnier. Larivey, le Laquais, II, 2. — Tout le monde luy faisoit aumosne… Or il y eut une damoiselle honorable et grande aumosniere, qui la print en son logis. Ambr. Paré, XIX, 25. — Chilperic manioit son Royaume d’une autre sorte que Guntchram son frere, grand aumosnier et liberal envers les pauvres. Fauchet, Antiquitez, III, 19. — Elle est… tant charitable, tant ausmonnière à l’endroict des pauvres. Brantôme, des Dames, part. I, Marguerite, Reine de Fr. et de Nav. (VIII, 76). — Grande aumosniere envers les pauvres… il n’y a religion des Mendiants qui ne se ressente de ses liberalitez annuelles. E. Pasquier, Lettres, XXII, 5. — Mes ausmonniers amis M’ont donné un linceul où mon espoux est mis, Aubigné, Tragiques, III (IV, 140). — Piteuse, diligente et devote Yverny, Hostesse à l’estranger, des pauvres ausmoniere. id., ib., V (IV, 218). — La damoiselle d’Yverni, docte et aumosniere… se sauvoit en religieuse. Aubigné, Hist. Univ., VI, 4.