Dictionnaire de la langue française du seizième siècle/Angelot
Angelot. Diminutif du mot ange. — J’estoys faict comme ung angelot Que l’on voit painct en une Eglise. R. de Collerye, Monologue du Resolu, p. 64. — Un sien jeune paige… tant honneste en son maintien que trop mieulx resembloit quelque petit angelot qu’un homme. Rabelais, I, 15. — Le changement de mœurs qu’on a observé… en plusieurs, avec le changement d’aage, a donné occasion de faire cest autre proverbe, De jeune angelot vieux diable. H. Estienne, Precellence, p. 204.
Monnaie d’or anglaise, très répandue en France surtout au temps de Charles VI et de Charles VII. — Si acquerrez loz, Rides, Angelot, L’or, la chair et l’os Des Angloys couez. Cretin, Invective sur la Journee des Esperons (p. 172), — Ces vieux doubles ducatz, nobles à la rose, angelotz… retourneront en usance. Rabelais, Pantagr. Prognost., 6. — Je suis d’advis que… vous luy escriviez quelque mot de lettre et dedans icelles mettez quelque Escu sol, ou quelque aultre piece de vieil or comme Royau Angelot ou Salut, etc., en consideration de la peyne et diligence qu’il y prend. id., Lettres (III, 359). — Panurge luy donna… une grande espée bastarde bien dorée à fourreau de velours, et cinquante beaulx angelotz. id., Pantagruel, III, 25. — Panurge… feist jecter en leurs naufz… deux mille beaux angelotz pour les ames des trespassez. id., IV, 18. — Je recognoy bien cestuy-ci, Et ce double ducat aussi, Un noble, un angelot encor. Grevin, la Tresoriere, II, 2. — Ils ne cognoissoient point ny Escus ny Ducats, Nobles ny Angelots, ny ces Portugaloises Qui sement dans les cœurs des hommes tant de noises. Ronsard, Elegies, 4 (IV, 47). — Pendant que le conte d’Argail regardoit jouer après soupper, y eut un certain galant… qui comme par maniere d’esbat destacha vint-cinq ou trente qu’angelots que nobles à la rose, lesquels estans ployez, servoyent de boutons d’or aux deschiquetures du robbon dudict conte. H. Estienne, Apol. pour Her. 15 (I, 229). — Le ducat courant de Venize, Rome, Naples, Palerme et Messine, qui est une monnoye imaginative, estoit anciennement la vraye monnoye d’or pesant un Angelot. J. Bodin, Republique, VI, 3. — Tenez, je vous donne ce besant (c’estoit environ une piece d’or valant un angelot). Fauchet, Langue et Poés. franç., II, 86. — En la livre d’or de ce temps-là, il y avoit soixante et douze pieces de mesme metal, c’est à dire autant d’Angelots. id., Antiquitez, V, 9. — L’Anglois, pour avoir noz vins, noz pastels, et nostre sel, nous porte ses beaux nobles à la rose et à la nau, et ses angelots. Var. hist. et litt., VII, 153. — Un… caporal de la couronnelle… comparut le matin à la messe, habillé tout de satin vert, et ses bandes de chausses toutes ratachées de doubles ducat, d’angelotz et nobles, jusques à ses souliers. Brantôme, Couronnels françois (VI, 106). — Adonc le Notaire luy mit un doublon d’Espagne et deux angletots d’Angleterre, et trois vieux escus François. Beroalde de Verville, Moyen de parvenir, Enseignement (I, 101). — Il faut premierement recognoistre de luy l’envoi de cent mille Angelots prestez par la roine d’Angleterre. Aubigné, Hist. Univ., V, 10.
Sorte de petit fromage. — Qu’esse ? — A mes beaulx angelos. Sotties, III, 135. — Les angelots fins, et les fromages de toutes sortes. Navigaiion du Compagnon à la bouteille, D. — Il me semble jà que je sens Force bonnes tripes de Sens… Et que dans mon ventre je cogne Vin blanc muscat et vin vermeil… Avec force angelots de Brie. Jean Godard, les Desguisez, V, 5. — La Brie entre autres, pour ses bons fourmages appellez Angelots, et les-Baux en Provence… sont beaucoup prisez. O. de Serres, Theatre d’Agric., I, 22.