Transcription modifier
Une aultre moyenne painture sur bois de la tentation de St. Anthoine, faicte par Jeronimus Bosch, avecq sa casse de bois d’escrignerie painte de noir et dorée
Item une painture sur toille deseure la cheminée, y ayant representé une champaigne verde, où y at ung paysan qui mayne avecque deux chevaux une grande charée de foing, après lequel foing tout le monde court, y estans les pape, prélats, empereur, roys, soldats, villageois et aultres; par après y at plusiers débats pour avoir ledict foing; devant ledict chariot y at une multitude de gens, où ung homme d’église donne à baiser ung reliquaire, ayant ladicte painture tout allentour ses bords de bois d’escrignerie blancqs, faicte par Jeronimo Bosch
Item, ung clouant (de bois) ayant servy a ung tableau representant la geule d’enfer par fantasies de Jeronimus Bosch, y ayant endesoubz ung personaige a genoux a lanticque avecques ung bonnet d’escarlatte, ayant son bord tout allentour de bois d’escrignerie doré et noircy
Item, une aultres painture sur bois d’ung homme viel marchant aveque des pattyns de Hollande sur la glace et estant en ung batteau troué, iceluy estant borgne et y avant ung oeil au voile dudit batteau; sur le cordage y at ung oiseau et sur le bout du mast y at une ronde planche où se faict la cuysine. Plus loing y at ung paysage et join dantluy ung homme en la glace; faict par Jeronimo Bosch; ayant la bordure de bois d’escrignerie noircy et doré, et ayant escrit en haut: ‘Ic heb een ooghe int zeil’ et enbas: ‘toesien is gelucx bruer’